® يــبــه يــمــكــن أكــرهــكــ ®

ღ ][ وحيدة كالقمر ][ღ · 20-12-06, 06:02 pm

السلام عليكم
.
.
.

قالت : " يبه"

عضّت شفاتها الغضه قهر

وإبلعت ريقها بطعمه العلقم !

قالت : " يبه "

الدمع من عيونها إنهمر

ونبت على خدها حنظل ألم !!

.
.

ليه يبه ؟

ليه تفتكر نفسك وتنساني ؟

ليه تقولها .. طالق

تحرر نفسك ... تحرر أمي ..

وتسجني !!

ليه يبه ؟

من لي غيرك أبو ؟

من اللي يحضني بحنان إذا برد جسمي ؟

من اللي يبكي إذا مرضت ؟

من اللي يحكي لي قبل لا أنام ؟

من اللي يقول لي : صباح الخير يابنتي ؟

من اللي ياخذني للمدرسه ..

وعند بابها .. يلوح بيده لي .. ويقول : الله معك يابنتي ؟

من اللي ينتظرني إذا طلعت .. وأأشر باصبعي صوبه

وأقول لزميلاتي بكل فخر : هذا أبوي ..

من اللي أفتخر إذا نطقت اسمي ووراه أسمه ؟
من اللي يفاجئني بهدايا ؟

من اللي يلعب بشعري وأتدلع عليه ؟

وينك يبه ؟

وينك يامنوتي؟

وينك يابعد روحي وفدوتي؟

ليه تنساني..؟

مدري انت مبسوط.. وإلا حزين وتعاني ؟

يبه !

هو صحيح اللي يقولونه ..

إنك مثل كل الرجال ..

تجرح.. وتترك وراك جيش يبكي..

وتضحك .. وتفرح !!

مايهم !!

المهم انك سعيد.. المهم انك بخير ..

والأهم اني أبيك..

والله أبيك..

وأشتاقلك..

ابي شوفتك..

بس نظرة عيونك..!!

وأبي أرتمي بحضانك وأبكي..!!

مايهم إنك ناسيني .. ولا تفكر حتى فيني ..

المهم انك مبتسم.. المهم انك مرتاح ..

والأهم إني محتاجه لك..

أكثر من نفسي بعد.. !

والله يبه ..

من بعدك يزعلني ويرضيني ؟

من بعدك يقبل راسي إذا نجحت ..!

من يسافر معي ؟

من يتعب إذا تعبت ..!!

ومن أشوفه أرتاح !!

من يبه ؟

من؟

من؟

إنت تسمعني ؟!!

وإلا لاهي مع زوجتك ؟

إنت تحس فيني ؟

وإلا احساسك بس لأولادها ؟

أولادها ..!!

صح هم بعد أخوتي !!

بس مقدر يايبه..!!

والله مقدر أتخيلك تضحك لغيري ..!

ما أقدر أتخيلك تلعب مع غيري..!

ما أتخيل قلبك يطردني .. ويسكنه أحد غيري ..!

حتى أمي زمان ..

تصدق إني كنت أغار منها !!

والحين أبكي على حالها وحالي ..!

ليه يايبه ؟

وكيف أصير بك معجبه ..!!

وإنت مايربطني فيك غير اسمك ..!!

مايهم !!

المهم إنك ابوي ..

غصب عني وإلا برضاي !!

بمشاعر دافيه .. وإلا بزمهرير !!

والأهم إني اخاف ..

يجي يوم وأنساك..

ويمكن بعد .. أكرهك !!

.
.

بدم :

بنتك "اللي ناسيها"
.
.
.
ماسبق :-

كانت محاوله لكتابه رساله من طفله "
ضحية طلاق "

إلى والدها ..!!

م+ن

دمتم بود

>>>أبو طيار<<< · 20-12-06, 10:16 pm

والله كلمات تهز جبــــــــــــــــال
مشكوووورة ياوحيدة
يسلمووووووووووووووووووووووووووووو

جناان · 20-12-06, 11:20 pm

[align=center]
كلماات قويه ومؤثره
ليت الاباء قبل وقوع الكارثه يفكروا
بأبناائهم
سلمت وحيده[/align]

بيسان · 20-12-06, 11:34 pm

كلماااااااااااااااااااااااااااااات روووووووووووعه وابكتني من جد <<<عافطه حواجبها ايقالها متأثره هههههههههههههههههه
من جد يسلموووووووووووووووووووووووووا على هالكلمات وعلى هالأنامل
مع تحيتي نمووووووووووووووووووووله

وليد الطريقي · 20-12-06, 11:54 pm

اقتباس:


	ليه يبه ؟ ليه تفتكر نفسك وتنساني ؟ ليه تقولها .. طالق تحرر نفسك ... تحرر أمي .. وتسجني !! ليه يبه ؟ من لي غيرك أبو ؟

كلماات قويه ومؤثره ليت كل مقدم على هجر منزله وفقدان عائلته يقر تلك الكلمات الحقيقة جدا روعه

الوردة · 21-12-06, 01:57 am

كلمات جدا رائعه مشكوره وحيدة امها على الموضوع...

عبدالله القيعاني · 21-12-06, 02:42 am

عزيزتي / وحيـدهـ امهاا

تسلمين وتسلم الايادي والله يعطيك العافيه على الكلمات الرائعه بمعانيهااااااااااا .. لاهنتـــــــــــــــــــــي ..

بانتظار منك الجديد والمزيد ..

دمتي بكل الود والاحترام ،،

البراق999 · 21-12-06, 08:22 am

اقتباس:


	والله يبه .. من بعدك يزعلني ويرضيني ؟ من بعدك يقبل راسي إذا نجحت ..! من يسافر معي ؟ من يتعب إذا تعبت ..!! ومن أشوفه أرتاح !! من يبه ؟ من؟

وحيدة امها

والله ماعرف اي اقول لك ولااعرف ايش ارد عليك نعم ولا يعرف قيمة الاب الا من قده وكم من طفل فقد تلك الكلمات ولايجد من يقولها له حتى لو قيلت له من شخص اخر مارايح تكون بنفس الاحساس الذي يقوله الاب

وحيدة امها كم انتي رائعه ومبدعه وكل يوم تاتينا بش جديد ومفيد
سلمت يمينك اختي الغاليه

اسال الله ان يحفظ لك والديك وان يجعلك قرة عين لهم واسال تعالي ان يحفظ كل الاباء والامهات للأبنائهم
مشكوره اختي والله يعطيك العافيه

تحياتي لكش

قصيمي مدني · 21-12-06, 08:37 am

وحيدة اميمته
كلمات ولا اروووع
هذي محاولة ماشاء الله اجل كيف الابداع

بس هاااه تراك وصلتي اللحم النئ

هو صحيح اللي يقولونه ..

إنك مثل كل الرجال ..

تجرح.. وتترك وراك جيش يبكي..

وتضحك .. وتفرح !!

مايهم !!

المهم انك سعيد.. المهم انك بخير

ليس كل الرجال
مشكورة على الكلمات الرائعة المؤثرة

mam999 · 21-12-06, 02:19 pm

إنت تسمعني ؟!!

وإلا لاهي مع زوجتك ؟

إنت تحس فيني ؟

وإلا احساسك بس لأولادها ؟

000000000000000000
كلمااااات تمس شغاف القلب

ღ ][ وحيدة كالقمر ][ღ · 21-12-06, 09:26 pm

[align=center][/align]

يتصفح الموضوع حالياً : 1 (0 عضو و 1 ضيف)