ليه كذا ياشباب

[فهد]

السلام عليكم ورحمة الله وبركاته
ليه اذا كان الموضوع حق بنت كل الاعضاء يدخلون ويردون واذا كان اللي كاتب الموضوع ولد ما احد يدخل الا قليل واللي يردون قليل
ليه كل الاعضاء تبي تكسب رضى البنات مو رضى الاولاد
لازم نناقش هذا الموضوع بكل صراحه واخلاص

[الطعس]

ليه علشان انت ما احد اعطاك وجه ؟؟؟

والله انا اشوف انه ما فيه تحيز للبنات !!!!
وكل يعامل على مستوى الموضوع الي حاطه !!!!
والا انا غلطان ؟؟

[فهد]

لا مو عدل كلامك ورح وشف الترحيب بالبنات كم يكون عددهم على الموضوع مالهم
وكيف ما احد يعطني وجه وانت رد على
لو ما احد يعطني وجه كان انت ما رديت
عدل كلامي او مو عدل

[الطعس]

لا مو عدل !!!!!
انا بس ابديت لك رأيي !!!!

[فهد]

مشكور

[مسافره بلا زاد]

السلام عليك ورحمة الله وبركاته كيف حالك ان شاء الله تكون بخير وكل عام وانت والامه الاسلاميه بالف خير وصحه وعافيه ...
.
.
انا مع اني عضوه جديده بالمنتدى ما لاحظت اي تحيز لنا يا البنات ...
لانه تصدق اني نزلت اول موضوع لي ولا في اي واحد من مشرفين المنتدى العام رد علي والا عطاني وجه (الا ابو تركي الله يسلمه مشرف منتدى بريده الخاص)..من جد تحطمت يوم ما لقيت اي ترحيب من المشرفين يعني كلنا بالهوا سوى ولا تظن انه في اي تحيز وشيل كل الوساوس هذي من رأسك وانت حاول انه تثبت وجودك بالمنتدى عن طريق طرح المواضيع المفيده والشيقه وتاكد انك رايح تلقى الرد من الجميع ...
تحياتي لك ...
والسلام مسك الختام .....

[فهد]

مشكوره
ادخلتي على موضوع البنت المملوحه هنا وشوفي كم اللي دخلين

[القصيمي]

ما عليش أخي فهد يمكن اقول كلام يزعلك شوي أتمنى ان تقبله بصدر رحب وهو
ان البعض يستهلك نفسه بكثرة المشاركات الى درجه ان تكون كل مواضيعه ممله لانها منقوله (رغم ان الكثير منها مفيد لكن كثرتها شتت القراء عنها ) .

وموضوع البنت المملوحة لو لاحظت فيه تغيير كبير في الطرح وغير تقليدي كما يفعل البعض أو الكثيرين (أنا جديد رحبوا بي) والمفترض ان يكون الترحيب بعد رؤية المواضيع التي تستحق الترحيب لان الذي بيننا هو الكتابة وقصد الاستفادة وعليه نزيد أو نقلل الترحيب .

[فهد]

مشكور على النقاش وانا ما ازعل على فكره
وانا اقصد هذا الموضوعhttp://forum.buraydh.com//showthread...&threadid=8749

[مسافره بلا زاد]

انا شفت موضوع البنت المملوحه ورحبت فيها ....وما لقيت اي شيء غريب لانها عضوه جديده وتبي الترحيب ولازم علينا كأعضاء سبقناها اننا نرحب فيها علشان كذا شفت اقبال كبير على موضوعها الترحيبي .....
وانا اضم صوتي لصوت اخوي القصيمي من ناحية انه الترحيب المفروض يكون بعد طرح المواضيع ......
مره ثانيه ابغى منك انك تشيل كل ها الوساوس من رأسك...
وحنا في انتظار ابدعاتك يا فهد ....
وعلى فكره شكله طريقة التشيز كيك اللي كتبتها مره حلوه وجنان تسلم وان دل على شيء فانه يدل على ذوقك وحبك انك تنوع في مجالات كتاباتك .......دعواتي لك بالتوفيق ....
مقرونة باطيب الامنيات ......وتقبل خالص تقديري....

[فهد]

مشكوره

[الطيف]

تتعب عليه وتعطيه كل وقتها

وبعد ذلك تتابعة وتقراء ردوده وملاحظاته وبعد ذلك ترد على من رد عليها

اما نحن الشباب فاننا نطرح 10 مواضيع وفي كل منتدى موضوع او موضوعين ثم ذلك نريد من الجميع ان يقرأو

اعتقد ان هذا صعب جدا

[فهد]

مشكور على الرد
البنت او الولد كلهم يتعبون على الموضوع
كلنا سوا بنات او اولاد نقراء الردود اللي في مواضيعنا ونهتم
ليه الولد يطرح في اليوم مليون الف موضوع تقلي اغلب الوقت جالس على النت وافلوسه واجد
ام البنت تلقها مع اخونها مثلا في الكمبيوتر له وقت معين وقليل هذا مجرد مثال
او انها مو فاضي حق بعض المواضيع مثلا الولد راح يطرح في الرياضه والموسيقه والفن والشعر والطبخ اي شي ام البنت يمكن في الشعر والطبخ والنكات فقط

[الكاوبوي]

اخوي فهد ,,,,,,,,,,,,
انا اضع علامات تعجب كثيره حول موضوعك !!!
لماذا ؟
هل نعتبره حسد ام ماذا ؟
اخي شعار المنتدي الحريه ؟
اليس كذاالك ؟
اخوي ,,,,,,,,,,,,,,,,,,,,
لتسئل نفسك ما السبب الذي يجعل الاعضاء لايردون علي المواضيع التي تقوم بكتابتها.
الاتعتقد بانك تكتب مواضيع لاتستحق الاهتمام ولا حتي قرائت الموضوع .
اخوي,,,,,,,,,,,,,,,,,,,,
الاتعتقد بانك تكثر من القص واللصق ,,,,وانا بدون زعل اعتقد بل واجزم بان مواضيعك التي تقوم بنقلها هي من اسباب تدهور المنتدي لست انت فقط لكن هناك غيرك .
اخوي ,,,,,,,,,,,,,,,
انا اقدر لك جهدك واهتمامك في المنتدي لكن نحن نريد قدرات الاشخاص المتواجدين في المنتدي . الكل لديه القدره علي النقل لمواضيع اروع مما تقوم بنقله بكثير وموضيع تستحق العرض ولكن لا نحن نريد قدرات العضو حتي وان كانت بسيطه فالكل هنا يقدر الجهد الذي يبذل من الشخص .
اخوي ,,,,,,,,,,,,
اتمني ان تتقبل نقدي بصدر رحب .

اخوك
المخلص
الكاوبوي

[فهد]

مشكور على رايك
انا اكتب الموضوع للفايده فقط ام اذا رد احد او مارد هذا الشي هو اللي يتحكم فيه وهذا الشي مراح يضرني ولا يضر الاعضاء ولو ما احد يرد علي مثل ماتقول كان انت ما رديت وفي هذا الشي انت تناقض نفسك
اختلف الراي لايفسد للود قضيه