تبي الصراحه تراني صدق حبيتك
واحترت وشلون اعبر لك عن اشواقي
تبينيى اسكت سكت وما تناسيتك
الامتى اسكت سكت ولا بقى باقي
يابعدهالناس انا من قلبي اغليتك
حبك جرى بالعروق وعاش باعماقي
اي والله اغليك صدق وكم تمنيتك
تروي ليال الظمى لو خاطري ضاقي
بجيك كلي غلا وان كان ما جيتك
ابنتظر جيتك لي واكشف اوراقي
انا على موعدك يا ما تحريتك
ياللي بلقياك يفرح قلبي الشاقي
ما بين جفني وبين العين حطيتك
غب عن عيوني مادامك تسكن احداقي
لو تطلب الروح قلت افداك واعطيتك
ما دام قلبي معك لا تطلب فراقي
عليك اسلم واذا رديت حييتك
تحيه فيها اعبر عن اشواقي
العرض العادي
