ضميان عطف ... وصدّة الغيم شينه !

[المستشارَ]

هالليل : لمّة عاشقين ، وأغاني
............. وآمآل ... ترقى للسما ... في سكينه


ووجه الطريق إيذمّ سُمر المباني
............. تاهت مع الظلمه ... خُطى عابرينه ؟


جيتك مواجع في قصيدة عماني
............. وارث .. مخاف الله .... من والدينه !


تعبث به إيدين الزمان : الأناني
............. وياما عتق في الثلث الآخر ... يدينه !


أذكر حنين أمي لِ صوت الأواني
............. ودلالنا : الصُفر / الصغار / الحزينه ،


ماكنها الا صُبح عيد .. وتهاني
............. شابت وطاح بتربة الصدر ... تينه !


قلت أعبر حدود الشقا / للأماني
............. وأقطف لها من بهجتي ... ياسمينه !


كنت الفقير .. المغتني بالمعاني
............. طفلٍ غرس في روض شكّه | يقينه !


هذا البلد : نورس حزين ومواني
............. فيه الغلابى ... يحتسون ... الغبينه !


ماقسى من إنك لجل عينه | تعاني
............. غير الغرق وأقصى طموحك ( سفينه )


يابن الغياب إللي يدكّ .. المحاني
............. كم قلت : برد الشوق ... ديني ودينه


عطني من سنين المحبه .. ثواني
............. البعد جوع ... وقوت صبري عجينه !


شفني حديث الناس قاصي وداني
............. شاعر : نسى يطفي ... سجاير حنينه !


قلبه دلو واضلاع صدره | سواني
............. وجروحه الما ... والنخل رمش عينه !


لو قيل جاني قول : من صار جاني
............. هي : سطوة الدنيا / رحيلك / سنينه ؟


بعدك وحيد وغصن بلواي .. داني
............. ضميان عطف ... وصدّة الغيم شينه !


طل الشتا ولاجيتني ... وطل ثاني
............. وانا اخفي اوراق الأمل في [ خزينه ] !


لا الصبح قادر ياخذك لي عشاني
............. ولا الدرب لك : بستان من قمح وطينه


قلي : إذا مني [ برودك ] خذاني ..
............. كيف الدفى يطرق ... بيوت المدينه ؟


رـآقت لي

[ملكه بعز الخوالد]

[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]
وقفت صامته منبهره
اماام طرحكـ الرآئع
اريد الاقتباس لكن لن استطيع
لجمال ماقرأأتهـ
كم انت مبدع
طرحت فابدعت
دمت ودام عطائك
ودائما بأنتظار جديدكِ الشيق
لك خالص ودي

[/ALIGN][/CELL][/TABLETEXT][/ALIGN]

[شوكولاته بنات]

جدآآ جميله استمتعت بكل حررف

تسلم مشرفناا المبدع

[عزف الحقيقة]

المستشار

..

جميلة جدا

يسلم لنا هذا الذوق الرفيع

لك ودي

[البارق]

اقتباس: قلي : إذا مني [ برودك ] خذاني .. ............. كيف الدفى يطرق ... بيوت المدينه ؟

يااااااااالروعة اختيارك مستشارنا
زدنا ولا تحرمنا

[نــَجّــــدَ]

كلمَـآتـَ رٍآآقيهـَ وٍذوٍوٍوٍقـَ


لآ هنـــت ..~