هاردك جمهور السكري.. مستوانا أفضل ولكنها ماكتب تكتب لنا

[بريدة.. معشوقتي]

بسم الله الرحمن الرحيم

اخواني جمهور السكري العظيم..
السلام عليكم ورحمة الله وبركاته،، والحمد لله الذي لايحمد على مكروه سواه.

طبيعي إننا متعودين مانخسر من الجار بالدوري الممتاز، ولكن بنفس الوقت ولله الحمد ماتأثر فينا خسارة مباراة بالدوري

الدنيا ماوقفت على نتيجة مباراة .. بل بالعكس نتمنى تبداء الحياة من نتيجة مباراة، والدور الثاني سيكون التعاون غير بلاعبين أجانب غير بإذن الله

قدم الفريق مباراة كبيرة وضاعت لهم هجمات كثيرة قدموا مستوى كبير وخسروا النتيجية لسبب واحد وهو.. التوفيق ماكان محالفهم

خطاء واحد بالدفاع وسجل منه هدف والهدف الاول مفاجيء بطريقة مباغته وجت معه صح

هجوم السكري بحاجة مهاجم ينهي الهجمة وهذ اللي تسعى له الإدارة خلال الفترة القادمة بإذن الله، مع لاعب المحور والمدافع الذين سمعنا عن الانتهاء معهم..

نسأل الله التوفيق في المباريات القادمة
وشعارنا اليوم هو: الحمد لله الذي لايحمد على مكروه سواه

[دآيم اهذريبتس]

هارد لك لكم

بس مسألة انكم قدمتو مستوى افضل ..! متآكد آو موآساهـ للفريق ؟

الف مبروك الفوز للكيان يستاهل .. وهاردلك للسكري

[مهند الجارالله]

اجل مستواكم افضل ههههههه كلن يمدح رعيته

[بريدة.. معشوقتي]

مشكور اخوي دايم .. بالعكس والله قدمنا مستوى أفضل وامتلكنا الكورة كثير وضيعنا هجمات خطيرة ..
لكن/ اللي ماكتب لك مايجيك.

[القرش]

أبارك لكم الخروج بأقل الخسائر

اما مسألة إنكم ماتخسرون بالدوري الممتاز

فأنتم متى لعبتو بالدوري الممتاز

العام الماضي اول بقاء لكم بتاريخكم بالدوري الممتاز

والسنه هذه إن شاء الله سنهبطكم لمكانكم الطبيعي دوري القوايل

[مجودي7]

من ناحية المستوى فأنتم قدمتم مستوىَ الصراحه
يارجال شكلك ماشفت المبآرآة

[مهند بتار]

ليس المهم ان تخسر ولاكن المهم ان لا تخسر من اضعف الفرق فالرائد حينما تغلب على زعيم القصيم وبرازيل اسياء نادي التعاون البطل كسب بطولة وكأنه اخذ كأس العالم وهذا طبعي جدا من فريق كان ولا زال يحلم ان يفوز على زعيمه التعاون ..
ضعف خط الدفاع التعاوني اعطى فرصة للفرق الصغيره ان تتجرى وتسجل .. التعاون يمتلك افضل خط وسط وافضل هجوم على مستوى اسياء ولاكن الدفاع ضعيف جدا ..
وان شاء الله سوف يتم ترميم الدفاع في الايام المقلبلة كما ذكر الفكر الرياضي المخضرم ابو ريان ..
من شاهد اداريي الرائد وجمهوره عشره نفر بعد المبارات يتأكد ان للفوز على الفرق الكبيره طعم خاص لدى الفرق الصغيره جدا ..
هردلك يا جماهير زعيم القصيم وبرازيل اسيا وسوف تسمعون مايسركم في اليومين القادمين ان شاء الله ...

[قروي فاهم]

ابو سامي ...
هذا حال الكره لن تخرج عن فوز او تعادل او خساره .

يمكن مستواكم افضل خلال جزء من الشوط الثاني وليس على مستوى المباراة كلها!

عموما الف مبروك للرائد وهاردلك للسكري .

[جنرال المعركه]

ألف مبروك جمهور رائد التحدي
وهاردلك جمهور السكري
بريده معشوقتي : هزيمة من الجار
مرارتها شديدة ودائما السكري يخذل جماهيره عندما تاخذ مباراتهم شحن جماهيري واعلامي . هاردلك ومعليش

[تعاون زمان]

صادق انت

احمد ربك مهب تاريخية

[بريدة.. معشوقتي]

المباراة انتهت والنتيجة خسرناها.. يعني وشبيفيدني اذا قلت قدمنا المستوى الأفضل وحبسنا أنفاس جارنا اغلب فترات المباراة ولكن نقصنا التوفيق

ليش التعصب ..ماقلت ان اللعب كله لنا والرايد مسكر دفاع ولاهاجم أبد..!


هذا الصدق.. قدمنا مستوى كبير بشهادة محللي الرياضيه البطي ورحيمي..

تحياتي،،*

[طبيب طيب]

اجل راح ترممون ههههههههههههه عمارة والى شقة هي ههههههه

الواقع يقول ان التعاون مدحدر وانت مدحدر معهم

وصاحب الفكر ابو سراح راح نشوفه عند محل السراميك بالقريب العاجل ههههه

[قروي فاهم]

اقتباس: ولاكن الدفاع ضعيف جدا ..

مهند من اللي جاب الدفاع ؟؟ مو ادارة الفكر؟

اقتباس: التعاون يمتلك افضل خط وسط وافضل هجوم على مستوى اسياء

ودي اصدق بس قويه قويه

اقتباس: من شاهد اداريي الرائد وجمهوره عشره نفر بعد المبارات يتأكد ان للفوز على الفرق الكبيره طعم خاص لدى الفرق الصغيره جدا ..

الخساره مريره لازم تقول كذا عموما الرائد فرط بنتيجه تاريخيه من خلال اضاعة الفرص والف مبروك للتعاون والتعاونيين الخروج من الديربي بااقل الخسائر !

اقتباس: هردلك يا جماهير زعيم القصيم وبرازيل اسيا وسوف تسمعون مايسركم في اليومين القادمين ان شاء الله ...

الله يستر اكيد تنتظرون برشلونه ينتهي من المشاركه
في بطوله كاس العالم للانديه بتفاوضون دفاعهم ترموون فيه دفاعكم ؟

[الرادار]

كم تمنيت ازه احتسب البلنتي مو علشان الفوز فالفوز ضامنينه بس علشان الهدف باول المباراة تساعد على النتيجه الكبيره التي ننتظرها

[ظفار]

متأكد انك شايف المباراة
سبع هجمات خطيرة ضاعت للرائد مقابل اثنتين فقط لكم وتقول التعاون احسن
احمد ربك ماصارت تاريخية
عموما مبروك لكم الهزيمة باثنين فقط
قلنا لكم من اول دوري الكبار صعب عليكم لكن ما تسمعون خلو هياطكم ينفعكم