الصورة الاولي
شاب تركي يدفى رجلي ولدته بعد سقوط المشفى التي كانت منومه داخله في تركيا .. لله دره من ولد
وهذي الصورة الثانيه لولد جفا ولدته وفاضت قريحتها وهي تستجديه لعله يرجع وتذكرة بما ذاقته منه في ولادته وطفولته
وين انت يا حمدان امـك تناديـــــــــك ===== وراك ما تسمـع شكـــايـا وندايـا
يا مسندي قلبي على الدوم يطريـ ك ===== ما غبت عن عيني وطيفك سمايـا
هذي ثلاث سنين والعيـن تبكــــيـك ===== ما شفت زولك زاير يـا ضـــــــنايـا
تذكر حياتي يوم اشيلك واداريــــك ===== والاعبـك دايـم وتمشـــــــي ورايـا
ترقد على صوتي وحضني يدفيــك ===== ما غيرك احدٍ ساكن فـي حشــايـا
واليا مرضت اسهر بقربك واداريــك ===== ما ذوق طعم النوم صبح ومســـايـا
ياما عطيتك من حناني وبعطيــــك ===== تكبر وتكبـر بالأمـل يـا منـــــــــايـا
لكن خساره بعتني اليـوم وشفيـك ===== واخلصت للزوجه وانا لـي شــــقايـا
انا ادري انها قاسيـه مـا تخليــــك ===== قالت عجوزك مـا ابيهـا معـــــايــا
خليتني وسط المصحه وانا ارجيــك ===== هذا جزا المعروف وهـذا جــــــزايـا
يا ليتنـي خدامـة بيـن اياديــــــــك ===== من شان اشوفك كل يوم برضــايـا
مشكور يا ولدي وتشكر مساعيـك ===== وادعـي لـك الله دايـم بالهـــــدايـا
حمدان يا حمدان امـك توصيــــــــك ===== اخاف من تلحق تشوف الوصــــايـا
اوصيت دكتور المصحه بيعــــطيـك ===== رسالتـي واحروفهـا مـن بكــــايـا
وان مت لا تبخل علـي بدعاويــــك ===== واطلب لي الغفران وهـذا رجــــايـا
وامطر تراب القبر بدموع عينيــــك ===== ما عـاد ينفعـك النـدم والنعــــــايـا
العرض العادي
