السلام عليكم ورحمـة الله وبركاته
حــالي
أقبل حالي المترف والمغرور والمختال
جـا يلعب مع غيرك لكن ! حصلك انتي
وأدبر كل ما فيني من ضيقات .. من غربال
أخــيراً قلت ميد العين قريتي .. وأرتحــتي
إعجابي وأشـواقي بعصر الزيف لك سلسـال
لـ أجل يبقى معك يا الدر لو عن عالمي غبتي
حنيني والغلا عصفور رفرف في سماك وجــال
شـعوري والشـعر دوله ردد شعبها دمتي
أحبــك .. بالعقل ذره .. وكبر النايبـه بـ هبــال
أحبــك .. والعمر ساعه.. وإنتي العمر لا هنتي
وأحبــك .. حب يا قربه من عشق البخل للمـال
وأحبــك .. كـثر ما الشيطان ضيع وقتك ووقتي
بنت الناس من حسنك .. واست حظها اللي مال
وأم البنت من بعــدك .. ليت البنت ذي بنـتي
عيون الناس لو تدرين تحسد فيك حب الخـال
وعين الزين مسحوره نهار بروضها دجـتي
حتى ساعتك صامت عقاربها عن التجوال
كله من سبب عينك يوم بســرها بحــتي
تراقص لك فرح أشعار كنتي لـ سحرها منهال
وألا يا بختها عيشــه على خدينها بســـتي
وتتشرف بك الدنيا وما تحويه لو هو ظـلال
وتمسي معشبه دروبٍـ(ن) عليها بالخطا دستي
ما تنلام أرض الوصف لي من صابها زلــزال
وما تنلام حتى الشمس لو بتغيب إن بنــتي
مرايه حاولت مره تســرق حسنك وتحتال
كشف لي زيفها البرواز قال بفضلها زنتي
مال الروج للكحله في شنطتك ثمٍـ(ن) قـــال
كنـتي بعينها حلوه ويومٍـ(ن) شالتك شنـتي
وصار الكل في الشنطه طموحه بس لو ينشال
لـ أجل يكشخ على وجهك لوك بفعلته لمــتي
قومي وأشبكي تكفين في رجل العنا خلخــال
قومي وأعرفك خبله ولو بـ أجوز ما جــزتي
جيبي قطن خلينا نحنط حبنا لـ أجيــــال
لـ أجل يدوم للعشـاق لو شيبت أو شبـتي
لمست بهامتي سقف المشاعر بيننا ثم سال
من غيث الوفا وادي ســقى من حبنا نبتي
علاقتنا كذا سهله .. نشكلها مثل صلصال
علاقتنا ترا إدمان ولو بـ أتــوب مــا تبتي
طبطبنا على الربكه ولبسنا هوانا شــال
معاليقي غــدت أهلك عليها كلها منـتي
طلبتك صدقي يا شوق لو قيل الهوى قتال
وأمانـه كـذبي العاذل لو يتفلسف ويفـتي
تراني جيت لك صدفه .. وحبيتك عقب بـ خبال
ترا وإن ثرثرت أهواك قولي : من سبب صمتي
ثلاثـه هي تـرا دنياي .. ودي ثلثها ينزال
أمسـي للأسف كانوا .. ويومي وباكري صرتي
أقبل حالي المترف والمغرور والمختال
جا يلعب مع غيرك .. لان وعقبها لنتي
مخرج ../
بعضه غزل
وبعضه هيام..
بعضه هزل
وبعضه ملآم..
بعضه كتبته في سفر
وبعضه كتبني في ظلام
بعضه كتبته في سفر
وبعضه كتبني في الرياض
والبعض في جده انكتب
ميرالمهم !!
كلّه بياض ..
العرض العادي
