**شمس الرحيل**

[غفوة الذيب]

(( شمس الرحـــيل ))

إلى من سكن قلبي ووجداااااني .......


يا صاحبي .. وأنت المفارق طالت يدين الدروب
فاضت عيون الجرح تسقي فـي مسافاتـي ولـه

المشكلة .. ما هي حنين الشمس لآفاق الغـروب
لكن حنين الشرق يا شمـس الرحيـل المشكلـة

علمي بقلبي يوم وجهك فـي شرايينـي يجـوب
وعلمي بوجهك يـوم قلبـي تحتويـه الأسئلـة

إن تبت من طاري الهوى عيت عيونك لا تتوب
من الجمال اللي جبـر كسـر القصايـد بأجملـه

يا صاحبي .. وأقسى الهروب إلى تخيلت الهروب
من الجروح الماضية صـوب الجـروح المقبلـة

من كل صوب ألقاك لين أفارقك من كـل صـوب
مثل السؤال اللي سئمـت أجاوبـه قبـل أسألـه

أنا أسألك باللي خلق للذنـب غفـران الذنـوب
وش يجني اللي باع عمره لأجـل عمـرٍ يجهلـه

هذي السنين أوراق .. تتخطف بقاياها الهبـوب
وهذي الهبوب اللي تلم أوراق عمـري مرحلـة

الحلم يا فرحة طفل .. والعمر يا وجـهٍ شحـوب
والعين غيمة من ضما .. والقلب صحرا قاحلـة
..............................

وتقبلوا تحياتي : غفوة الذيب

[t u l i p | n]

غفوة ذيب ...~

جمال طآغي
و ذائقه أنيقه
لا هنت
روقت صباحنا

[نــف نــف]

آلفرآق مر ب جميع حآلته ..
ونستمر ننظر ل سرآبهم لعل وعسى !!
عوآفي