( عاد إسمها . . لآ . . إسمحولي ) !

[المستشارَ]

بعدما طالت بي المده على باب الموده
امتكتّف وأتحرّى فتحته ثمٍ دخولي !

افتحه حظي ووقف فيه يرقبني لمدّه
كنّه يسوم الغرام اللي بصدري من نحولي !

كان يقرى في سكوتي غصّةٍ مرّه وحدّه
حدّةٍ خلتني أطلع ـ في نظر مثله ـ فضولي !

قال : حيّه .. قلت : حيّه .. وإبتسمت ومد يدّه
جته يدّي مثل طيرٍ مطلقينه من قفولي !

يوم قلّطني وأنا في مجلسه والوقت أعدّه
تكتكت عقرب ثواني ساعه . . وصبرٍ بطولي !

كان للمسباح في راحة يدي روحه وردّه
وإرتعاشة خوف غامض من غموض الوضع حولي !

لين جتني بنت . . كن بمشيها قومه وهدّه
وإنتهضت وكل خوفي من سحاي . . يطيح طولي !

وأثرها خجلا حياويّه . . تحسب السّين شدّه
قلت يالبّيييييييه يا........
.
.
.
.
.

( عاد إسمها . . لآ . . إسمحولي ) !


صالحتني مع هناي ورجعتني للمخدّه
وأثقلت متن الخفوق . . بحبّها وإلتاع قولي !

من غلاها صار قلبي يعلن إن هالشي ضدّه
لاغدى هالشي شيٍ غيرها . . لوكان زولي !

حبها توه صغير والبلا لاعاش مدّه
وين أشيله وهو واصل لين راسي من رجولي !

شكلها لاطالت المدّه وأنا في هالموده
بأتكتّف عند باب قليبها وأنطر دخولي!

..

ان شاء الله تعجبكم