اقول :
بكيت وكل مافينـــــي بكـــــاها
على ذكراي يوم انــــــي معاها
واقول أوآه ياوقـــــت مضالــــي
انا وياة لكـــــــنة نســـاهــــــــا
نسى اني في غرامة كنت ذايب
ولا أبغى غيــــرها ولا ســــواها
نوى فرقاي والفرقى صعيبــــــه
ولا حســـب حســــاب لما وراها
وودعنــــي وقفــــى ثم قفـــت
معاه ايام فرحي مـع هنـــاهـــا
بكيت ودمعــتي من فوق خدي
وعيني نزلــت مــن كـــل ماها
اشــب النـــار واقـــرب دلالــي
وانوح الورق واغنـــي غـــناها
وصرت اسري مع القمرا ولا ادري
احث الرجل واســرع خـــطاهــا
اهبــع بالخــــلا ضايـــع وتايــــه
لعل النفس تلقـــى مبتــــغاها
وخاويت النمر والضــبع والجن
وشاركت الذيابة فــي عــواها
كما مجنون ليلــــى يوم ليلى
خذت عقله وراحت به معـاها
وانا مثلـة ولكـــــــن بيد أني
أشـــد صبابـــــة مما قساها
اعيش العمر في رجوى رجوعه
وأمني نفسي بلحظة لـــقـــاها
اسير الشوق والذكرى عزاتي
وقلبي مانسى بسمة شفاها
فلو غــــــابت وغابت ثم غابت
محبتــــها بقلبي مانســـــاها
سأوفي عهدي اللي قد قطعته
لها قلبي ولـــو راحـــــت فداها
الهـــــــــــــــــــــــــارف
العرض الشجري