,،
بان الكبر واستفحل الشيب في الرآس
ونتي مثل منتي بعيني صغيره
ماضيك يسري في عروقي والانفاس
وحاضرك جدد صفو قلبك مسيره
تحكين واسمع واحضن الصوت بحساس
واروي فؤادي من شذاه وعبيره
منطقك هتان هطل عقب نسناس
على ارضٍ مسايلها تحرا مطيره
بلي عروقٍ ما روت منك يبّاس
وارضي عيونٍ من فراقك كسيره
والى تكلم في الخفا بعض الادناس
شدي لجامه واقطعي كل سيره
وانا على سمعي حديد وحراس
ما ياصله ياكود صافي السريره
صفو الغداري لو حصل يوم وانحاس
يرجع لصفوه بعد فتره قصيره
ما ابدلك لولو لا ولا ابدلك الماس
تخسى الجواهر والكنوز الكثيره
انا هويتك قلب واشعور واحساس
ولا فؤادي ما كل ٍ يثيره
وان حال دونك حكم الاقراب لاباس
برحل وكلٍ يتبع امرة اميره
حيل الله اقوى والامل يدحر الياس
برحل وروحي في يدينك اسيره
تحياااااااااااااااااااااااااااااااااتي
شرفتي
العرض العادي
