اوعديني

[عاشق السهر]

اوعديني تجين وحاولي ماتجين
خلي الشوق يتمناك ماياصلك
امنعيني حنانك وحرميني الحنين
واتركي لي مجال احس واشتاقلك
ابعدي عن عيوني جربي تختفين
لا تخلين كثر الطيبه تقتلك
ماسهلك لي زعلتي كيف ماتزعلين
شفتي وشلون جبرتيني اقول ماسهلك
قلت لك لا تكوني مخلصه تندمين
هاه لايجي يوم وتقولي ماقلتلك
حاولي تذرف دموعك لو تكذبين
جربي تبذرين الكذب في مشتلك
احرقي هالقلوب وجربي تلعبين
في يدك قلعنين وخيل والجند لك
ياغبيه تراها كلها نقلتين
انقلي ذابدلي ذى وصرخي كش ملك

[فهد الطويان]

أخي الغالي. عاشق السهر
,
تقبل إشادتي وإعجابي بهذه القصيده..

,
لكن أرجوا التنويه هل هي من نظمك أو منقوله. لأنك لم تنوه عن ذلك..
,
شاكرا ومقدرا لك تفاعلك ومساهماتك لتقدم الخيمه وزيادة أعضائها وزوارها..
, وأملي بالتواصل والتفاعل. ولك كل تحيه وموده.