كآلعاده .. بدون مقدمآت ..
.
.
.
مدري وش اللي في خفايا كنيني ..
متشتت أفكآر .. وبي احزآن وآفرآح ..!!
أحيآن آوّن .. ومابقلبي ونيني ..
وآحيآنا أضحك .. وظهري كله إرمآح ..!!
شعوري أغرب من غرابة سنيني ..
وآحسآسي أشجآر وهوآجيسي .. إريآح ..!!
كم وآحد مديت يمه يميني
يومنه بيّدين الايآم ... مسبآح ..!!
ولما قوت يدّيه .. مالدّ فيني
رحل بلا سآبق إشآرآت .. وإيضآح ..!!
وكم وآحد سكنته بنون عيني
ونومته برمشي على شآن يرتآح ..!!
والحين والله لو رجع يرتجيني
قدره من عيوني سبب فعلته .. طآح ..!!
يآكم بكى وكفكفت دمعه بيديني
ماكنت اظن ان دموعه دموع تمسآح ..!!
اللي كذآ ..جآمع معه حآجتيني
معه معه لاجاء معه معه لا رآح ..!!
ملائكة شكل وطهآرة جبيني
ودواخل وحوش .. وخنآزير .. وآشبآح ..!!
يآرب مالي غير عونك معيني
لاضقت من روحي ولا حولي.. أروآح ..!!
آخاف جرحن وسط قلبي يبيني
وبعض العرب تفرح ليآ شآفت إجرآح ..!!
يآكثر مابتشمت علي .. حآسديني
لطيحتي .. تعزم على قصور الافرآح ..!!
والغلقه اللي كل ماتحتويني
لو به صدآقه .. كآن صوّت .. يآصآح ..!!
يآهي وفيّة ضيقتن تعتريني
اقول روحي .. آتقول : مافيه مروآح ..!!
الا ليا هبّت رذآذ اكسجيني
ماعاد افكر بالخساير .. والاربآح ..!!
انسى همومي .. وآتذكر حنيني
وآقول ضميني .. ترى الشوق .. ذبّآح ..!!
من كثر شوقي لو بكيت اعذريني
لحظات بعدك .. كلها دمع ونيآح ..!!
بسبح بنظرآتك وله .. غرّقيني
بعّلمك وشلون شآعرك .. سبآح ..!!
واذا جريت .. بنظرتي نبهيني
انا ذكي .. وانتي .. بك الزين لمّآح ..!!
وكآن المحبه سر بينك وبيني
نآمي.. ترى سرك لهالحين ... مابآح ..!!
وسلامة قلوبكم
العرض الشجري