معقوله مافينا واحد (عـــــــــاقــــــــل)!!!!!!!!!!!!!!!

[خالد2007]

موضوعي مب جديد وادري انه غاثكم وباطن اتسبدكم ومع ذلك ابحرثه مرتن ثانية لان مرارتي تبي تنفقع والقولون شكله يطقطق حولي والسبب من اللي قاعدن اشوفه كل يوم وهالاعراب يتباهون ويسوون مسيرات علشان فلان اشترى (بهيمة) بــ 30مليون ريال .
ياجماعه مايستحون على انفسهم وهم يتفاخرون انهم يشترون بهايم بملايين الريالات واللي في نفس الوقت الفقر دق عظام الكثيرين والبطاله العبت فيهم لعب وكرامتهم انمسح فيها الارض .
بحسبه بسيطه هالملايين مايفتحن مصانع تشغل هالشباب العواطليه والبنات المتخرجات .
هالملايين مايبنن مدارس اهلية .
هالملايين يبنن مراكز صحية يستفيد منها الناس .
هالملايين يبن ينقذن ناس مسجونين وعليهم ديون وهم على الحديده وتعالج ناس مرضى وغير قادرين على تكاليف العلاج .
هالملايين تبي تبني مساجد في كل مكان من الارض .
بس مااقول الا ان الدراهم مع ناس مايستاهلونها وقلوبهم عميانه .
اجل (ناقة) ام براطم بثلاثين مليون .

[العالميه]

والله إنك صادق
المفروض يتبرعون فيها ويساعدون شبابنا
يوظفونهم ويزوجونهم وأولهم أنت
لكن مقيوله(وللناس فيما يعشقون مذاهبُ)

[SAGA]

بجاوب على العنوان
ج:لا ماااااااااااااااااااااااااااااااااااااااااافيه

["غرك غلاك"]

اقتباس: بحسبه بسيطه هالملايين مايفتحن مصانع تشغل هالشباب العواطليه والبنات المتخرجات . هالملايين مايبنن مدارس اهلية . هالملايين يبنن مراكز صحية يستفيد منها الناس . هالملايين يبن ينقذن ناس مسجونين وعليهم ديون وهم على الحديده وتعالج ناس مرضى وغير قادرين على تكاليف العلاج .

وبحسبه بسيطه لو وجهت هالملايين للأصلاح داخل قبائلهم لكان أفضل من البهرجة أمام الكاميرات وقنوات الإعلام

[محب ابو بكر]

هههه المشكله ماوصلت الى هذا الحد .....

[أسيل محمد]

اقتباس:  المشاركة الأصلية كتبت بواسطة سجى تركي     بجاوب على العنوان ج:لا ماااااااااااااااااااااااااااااااااااااااااافيه

ابختلف معك
ج : إلا فيييييييييييييه :
فأنا عاقله وهناك الكثير
لو لم يكن لنا عقول لما عقلنا هذا الدين واعتنقناه ..::

[بسومة بريده]

مافوقهم احد...

الشرهة على الي مخلينهم على كيفهم المفروض تمنع الخرابيط هذي من قبل الدوله...

[أبو الريش]

كل شيء له وقته ويروح,

ومن حق الإنسان أن يحقق فرص له لن تعوّض في المستقبل,,

على سبيل المثال,

*الأسهم ربح فيها اللي ربح وفاز فيها الفقير وحقق فرصه,, وراح وقتها ,

*اللوحات المميزه جاء وقت لها تنشرى بالملايين والآن أعتقد مافيه إلا قليل جداً من يهتم بشرائها,,

*المكينه اللي فشلونا فيها وراااحت وغابت لإجل غير مسمى ,,,

وعـــد وغلـــط

يعني لازم يكون عندك أيمان أن الدنيا تمر بمراحل وتغيرات وفرص مؤقته والرابح من يصيد الفرص بشبكة مُحكمه غير مُمزّقه

[العباس الشنقيطي]

يا اخي انت وش حارق رزك
اللي معه قرش ومحيره ... يشتري بيه حمام ويطيره
اشتري ناقة بـ 50 مليون
اشتري تيس بـ 500 ألف
انا حر في قروشي

[كفاني عذاب]

حبي الأستاذ خالد
اعرف شخصاً أشترى نوق بـ مبلغ وقدره مآئه وأربعون مليوناً ريال
حتي أنه يكون كل الناس تحكي عنه في أم رقيبه !

إليس هذا يعقول ؟

المشكله العظمى انه رجل لم نسمع عنه بــ فعل الخير ولامساعدك المحتاجين ولم نسمع عنه ان يساعد المتزوجين


لاحول ولا قوه الا بالله

[العباس الشنقيطي]

اقتباس:  المشاركة الأصلية كتبت بواسطة كفاني عذاب     حبي الأستاذ خالد اعرف شخصاً أشترى نوق بـ مبلغ وقدره مآئه وأربعون مليوناً ريال

الله يرحم والديك ويدخلك الجنة
الجو وناسة ومهرجان الربيع ما بعد خلص
فالله يخليك خفف من الحمم البركانية
خلنا نعيش في وناسة

[ونة خفية]

اقتباس: انا حر في قروشي

معذرة ! أنت في هذا الشيء منت حر بما أنك إنسان مسلم
لقوله تعالى ( وفي أموالهم حق لسائل والمحروم )
وقوله صلى الله عليه وسلم في حديث طويل ( لا تزل قد ابن أدم حتى يسئل عن اربع وذكر منها ماله من اين أكتسبه وفيما أخلفه أو أنفقه )
كما أن المال هو مال الله و نحن مستخلفين فيه لا اقل ولا أكثر .

اقتباس: ياجماعه مايستحون على انفسهم وهم يتفاخرون انهم يشترون بهايم بملايين الريالات

لا مايستحون لأنهم يبغون هالشيء التافه وحصلوا عليه حسب عقليتهم التافهه
وهالنوعية من الناس تحرق فلوسها ولا تعطي أحد محتاج حسد من عند أنفسهم
والله المستعان

[علشانك بس]

والله ان هالناقة اعقل من راعيها اللي مشتريها بثلاثين مليون ,,
على الأقل الناقة نستفيد منها ,,
البلا بهالدلخ اللي ربي معطيه هالفلوس ومافيه ذرة عقل ,,
ترى عندي قطة للبيع من يسوم .. !!!
مواصفاتها .. بيضاء تجنن ,, عيونها بحرية ,, لعوبة ,, ورقيقة جدا وخاصة مع الأطفال ,,
جميلة ,, عزباء <- اهم شي عزباء
<-- تحس انه ممكن يجيها واحد مهبول يشتريها منها بسعر مرتفع مثل هالناقة الجرباء اللي بثلاثين مليون ,,

[شموع تحت المطر]

عساهـ للموووت هالناقه حتى ينقهر مثل ماقهر هالمساكين

والله قهرررررر.. ماقول الا عساوهـ للعين اللي تصكه..

سااادهـ أجل ذي سوااااااااات.. ناقه وبملايين
تسان وظفن احسن لوووهـ<< سمعتكم تحكون بالوظايف

[زخات المطر]

[align=center]مال البخيل تلعب به العيّاره ..

الحمد لله الذي عافانا مما ابتلاهم .. [/align]