تحذييير,, قبل مايفووت الفووت وبعدها ماينفع الصووت!!

[|كيـــرلا..]

{السلام عليكم ورحمة الله وبركاته}..



بداية فيه شي لاحظته ولاحظه الكثير ,,

وهو القذف للأعضاء بكلمات غير لائقه ..


وتعدى الأمر بنا ووصل للاعبين وإتهامهم بأنهم(رافضه) وإستهتار بأصحاب اللحى!! وإنهم يقلدون الكفار بأشياء عاديه,,


السؤال للمشرفين الأكارم: هل فيه شي غير الحذف؟ (بعد أن يقرأه الجميع!!)

يعني مافيه توعيه؟ وبعد التوعيه إيقاف؟ وبعد الأيقاف شطب؟


(للأعضاء)

ياشباب إلى هاالحد التعصب بالرياضه وصلت بنا!!

أنا أتكلم عن الهلاليين والنصراويين وجميع الفرق الأخرى...





وهذا رأيي على من اتهموا اللاعبين:

*من وجهة نظري الدوسري يحط إيده بإثمه هو حر,, بس ما يصلح نتهمه بتقليد الكفار!!!

*حسين عبدالغني يثبت من يتهمه إنه رافضي وانا أول من يتبرأ منه؟؟

أما تقذفون الرجال بالرفض للصحابه وإنه يقذف أمهات المؤمنين<<(هذا معنى رافضي)
هذا كلام يحتاج دليل,,




لا تخلون التعصب يفسد عليكم دينكم!!


واللي يبي يقول الأعضاء قالوا مثلي!!

أقوله سؤال: هم قدوة لك؟؟


الشي الثاني: إذا العضو شطح الى الدين والاشياء الشخصيه هذا أعتقد إنه دليل على خروجه عن صلب الموضوع,


الشي الثالث: من اللي يبي يهدي حسناته لواحد يكرهه(غريبه)!!


الشي الرابع: أنا أول من ينطبق علي هذا الكلام,, ولست معصومآ عن الخطاء..


أخيرآ: ماكتبت هذا الكلام كره في أعضاء وبغض في آخرين,, والجميع سوسية في الاسلام.

ولذلك جرى التنبيه..

كتبته على عجل ,, واللي يرى نقاط أخرى يشرفنا..

والله يحفظكم ويرعاكم..

{والسلام عليكم ورحمة الله وبركاته}

[صــ م ــت شاعر]

جزاك الله خير وياليت يطبق

[احمد النجم]

طيب مارايك فيمن قال لعضو أختلف معه بالميول(أخرج منه مذموما مدحورا).. وهذه الايه الكريمه مقصود فيه أبليـــس................. لله در من قال((عيوبي لا..اراها... عيوب الناس أجري وراها))

[فنتآستك]

.
.
جزاك الله خير أخي كيرلا
على هذا التنبيه .

أتمنى من الإخوة التريث في مثل هذه الأمور وألا نجعل التعصب جسراً إلى بحر الخوض والاتهامات بالدين والعقيدة للاعبين .

ودمتم

[صاحب السمو]

جزاك الله خير

بصراحة ما ادري كيف احد يكره الثاني عشان كوره و لايدعي عليه ماتستاهل الامور كذا

لازم الواحد يضبط نفسه

وتراي أقول هالكلام وانا أعترف بأني انجرف بعض الاحيان لأن الإنسان عنده إحساس فقد يستفز فيخرج عن طوره


مرة اخرى شكرا لك كيرلا

[ღ♥ღ KSA ღ♥ღ]

شكراً لك كيرلا راقي والله يعطيك العافيه




نتمنى الانظباط..من الجميع واولهم انا والمشرفين ايضاً لهم دور في ظبط الجو العام للمنتدى..

[ツ • بسْـطـَويِـسـْي]

حكم والله ياكيرلا ~~

وهالاشخاص اقل مايقال عنهم افقدهم التعصب عقلهم ~


تسلم كيرلا ع كلماتك الطيبه وجزاك الله خير ~


الف شكر وتقبل مروري ~~

[ساس الوفاء]

اقتباس:  المشاركة الأصلية كتبت بواسطة احمد النجم     طيب مارايك فيمن قال لعضو أختلف معه بالميول(أخرج منه مذموما مدحورا).. وهذه الايه الكريمه مقصود فيه أبليـــس................. لله در من قال((عيوبي لا..اراها... عيوب الناس أجري وراها))

لا لا لا

ظلمة الرجال والله
كان يقصد اخرج من الرابطه ولاتنسى أنت من بدأ بقدح النار
في تلك الليله عندمآ دخلت لرابطة العالمي وأنت تشجع الهلال
ولم تكتفي بذلك وزود قلت يافقراويه ومادري ايش وجاي الآن
تحاول أن تحرج صاحب الموضوع مثلآ عجبي منكـ وأمثالكـ

الرجال ينصح و جاي بالخير من المفترض تكون يدكـ سباقه للخير
ولاترجع للماضي لإنه سوف يحرجك أنت

[موهوب القصيم]

جزاك الله خير وهذا العشم بين الأخوان

البعض لديه رمي التهمه كشرب الماء خصوصاً بأمور الدين

وهذا مالانتمنى ان تصل اليه الامور

[الكادي11]

هلا بك اخوي
مع الاسف بعض الاعضاء احياننا بنسى ان المسئله كوره
ولو دافع عن دينه لما تحمس هاكذا
وبعضهم يشرشح اللاعب شخصي ويترك ما يهمنا وهو تعامله في الملعب ومستواه
وأما دينه فكل واحد يحاسب في قبره لوحده
ومهما يكن دينه انت لاتحبه لدينه ولا تواليه لدينه هذا اهم شي واقصد اللاعبين المحترمفين
الغير مسلمين وبعض اللاعبين من الروافظ
ولاكن انا شخصيا اعتبر اي عضو يترك الموضوع ويتفرغ للشخص سوى العضو اللاعب
وينتقد شخصه او املائه او اسلوبه فهو عاجز عن الرد ويحاول ان يقول انا هنا
بس بدون فايده

وشكرا للتذكير اخوي الذكرى تنفع المؤمنين

[|كيـــرلا..]

اقتباس:  المشاركة الأصلية كتبت بواسطة صــ م ــت شاعر     جزاك الله خير وياليت يطبق

واياك اخوي,, وان شاء الله المشرفين والاعضاء مايقصرون!!

[شـــــويـــــب]

جزاك الله خير

[|كيـــرلا..]

اقتباس:  المشاركة الأصلية كتبت بواسطة احمد النجم     طيب مارايك فيمن قال لعضو أختلف معه بالميول(أخرج منه مذموما مدحورا).. وهذه الايه الكريمه مقصود فيه أبليـــس.. لله در من قال((عيوبي لا..اراها... عيوب الناس أجري وراها))

الظاهر ساس كفى ووفى الله يجزاه خير,,

وإذا احد شاك اني غلطت يراجع الشي الرابع,,



وهاذي اللفائده للجميع:

عندما تذم أحد وتقول له: أنت (كبيرهم اللذي علمهم السحر)

ماينظر لمن قيلت في القرأن!!

وألا لكانت غير ذم لأن من قالها فرعون لموسى عليه السلام,,

[|كيـــرلا..]

اقتباس:  المشاركة الأصلية كتبت بواسطة fantastic     . . جزاك الله خير أخي كيرلا على هذا التنبيه . أتمنى من الإخوة التريث في مثل هذه الأمور وألا نجعل التعصب جسراً إلى بحر الخوض والاتهامات بالدين والعقيدة للاعبين . ودمتم

مرورك أسعدني,,

وان شاء الاخوه ينتبهون ..

دمت بود أيها الغالي,,

[|كيـــرلا..]

اقتباس:  المشاركة الأصلية كتبت بواسطة صاحب السمو     جزاك الله خير بصراحة ما ادري كيف احد يكره الثاني عشان كوره و لايدعي عليه ماتستاهل الامور كذا لازم الواحد يضبط نفسه وتراي أقول هالكلام وانا أعترف بأني انجرف بعض الاحيان لأن الإنسان عنده إحساس فقد يستفز فيخرج عن طوره مرة اخرى شكرا لك كيرلا

كلامك أخوي صاحب السمو سليم ورائع,,

إحترامي لك,, ومشكور على مرورك,,





إلا لاعبين النصر اللي بتوقيعك ما تاخذونهم ببلاش,, وتعطوننا نامي؟؟