نبي فزعتكم يارجال بريده !!!

[الكلية الصناعية]

مرضى الفشل الكلوي بمستشفى الملك فهد التخصصي

يناشدون أهل الخير من مسؤلين ومواطنين مساعدتهم على صوم شهر رمضان المبارك وتأخير وقت الغسيل للمساء كما كان بالعام الماضي والسنوات السابقة .
حيث رفض المدير الطبي الدكتور أحمد السلوم (المعين حديثناً) صوم المرضى والغسيل نهاراً دون سبب مقنع وتحول الدكتور السلوم إلى شيخ مفتي وأجاز للمرضى الإفطار دون القضاء !!!
وكما تعرفون هناك الكثير من المرضى كبار السن وهم يردون الصوم بالشهر الفضيل خصوصاً بعد عزل مرضى الفيروسات (الهبتايتز) بغرف خاصة وتوسيع القسم فأصبح بالإمكان وضع شفتين باليوم وزيادة المرضى بالشفت الواحد .
أخواني لاتبخلوا علينا بمساعدتكم اللي يعرف أحد بالشؤون الصحية ينقله معاناتنا .

[معاذ الجربوع]

الله يشفيهم .. يارب


وانشالله يفيدونك الاعضـاء

..

[عمـر]

الله يشفينا وياهم ..

ويعينهم الله إن شاءالله ..

ياليت إذا أحد يقدر يساعدهم مايبخل ..

[الكلية الصناعية]

أخوي معاذ شكراً على المرور
والأعضاء مايقصرون أن شاء الله

[الكلية الصناعية]

أخوي فتى القصيم جزاك الله خير على دعوتك وأملنا أن شاء الله بأهل الخير

[خالد التويجري]

الله يشفي مرضى المسلمين ويعافيهم ويرفع عنهم محنتهم .. آمين آمين آمين .,

بحول الله صوتك يصل للمسئولين من خلال هذا المنبر .
ويتجاوبون معك فهذا ليس بمستغرب على مسئولي هذه المدينة الغاليه فقد عودونا على
حسن إستجابتهم وجميل تجاوبهم .,

موفق ومعان .,


تحياتي .,’

[الكلية الصناعية]

آمين ...آمين...آمين...ياخوي خالد وان شاءالله نشوف وقفة رجال بريدة مع أخوانهم وخواتهم مرضى الفشل الكلوي بالتخصصي

[ابو ريما الخالدي]

يشفي مرضى المسلمين ويعافيهم ويرفع عنهم محنتهم

[محبة الخير]

شـكــ وبارك الله فيك ـــرا لك ... لك مني أجمل تحية
اللهم اشف مرضى المسلمين في كل مكان

[مخاوي الدكاتره]

السلام عليكم ورحمة الله وبركاته
اعزائي القراء
هذه المشكله اللتي نواجهها تعتبر جزء بسيط من المشاكل اللتي توالت علينا نحن مرضى الفشل الكلوي بعد الفقاعه اللتي حسبناها حقيقه اللتي حدثة قبل اشهر قليله ماضيه وهي التحسن الحاصل في الخدمات الطبيه المقدمه من القسم لمرضاه
ولكـــــــــــــــــــــــــــــــــــــــــــــــ ــــــــــــــــن
سرعان ماعادة حليمه لعادتها القديمه
وبدأت المشاكل بذهاب الدكتور أحمد السلوم بعد ماأستبشرنا به خير لمتابعة المرضى والاطمأنان عليهم ثم تقلص عدد التمريض لرقم قياسي عالميا ((وين جينس عنهم)) حيث أصبحنا في أحيان كثيره عددنا عشرة مرضى ولا يوجد الا ممرضين فقط !!!!!! ولكم ان تتخيلوا أعزائي القراء ماذا يحدث لنا خلال هذه الفتره أتناء الغسيل .
والحق يقال أنه مع هذا العدد القليل من التمريض وتأخر اذان المغرب يكون صوم مرضى الغسيل الفتره الصباحيه وفترة بعد الظهر صعب لأنه بعد أن يفطر المريض بعد الاذان يبدأ غسيل تقريبا الساعه الثامنه وينتهي الساعه الثانيه عشر ثم يأتي المريض بعده ويبدأتقريبا الساعه الواحده بعد منتصف الليل وينتهي الساعه الخامسه بعد الفجر لذلك أقول أنه من الصعب صيام المرضى ولكــــــن ليس مستحيل حيث يجب زيادة عدد التمريض الى الضعف وتقليص ساعات الغسيل لكل مريض لتصبح ثلاث ساعات بدل أربع عندها من الممكن صيام جميع المرضى
وأخيرا أشكرك أخي الكليه الصناعيه على هذا الموضوع وبارك الله بك

[لبيه]

متنازلين لهم بكل تنظيم يشوفونه
لكن اللي فيه خير يرحمهم من المكان اللي هم بوه
شيبان وعجز
ومرض يهد الحيل
الطيب بهم ماينهض رجله يرقى عتبة الباب
ورا مايحطون لهم مبنى بالبرحة اللي قدام المستشفى
يصير دور ارضي تدخله السيارة وتنزل المريض
بمكان صحي
هذولا مرضهم خطير
ومهددين بالالتهابات وما يتبعه من ألم ومعاناة
هماهم حاطين لحقين السكر مبنى لحالهم بجنب المستشفى
ورا مايرحمون هالضعوف من اخواننا واخواتنا
ورا مايخصصون ارض خمسمية متر بجنب المستشفى
ويبشرون بالف فاعل خير
كل واحد منهم يبي يقول انا ابني مركز الغسيل الكلوي لهالمساكين

[الكلية الصناعية]

الأخ أبو ريما شكراً على المرور..
أختي محبة الخير الشكرلله وبارك الله فيك..
مخاوي الدكاتره نقص التمريض موهب عذرلحرماننا من الصوم مشكور على مشاركتك..
لبيه شكراً لك على الشعور الطيب والله يوفقك.

[الكلية الصناعية]

آه..آه..آه... يالأسف خذلتونا يارجال بريدة قايللي والله مارح ينفعك أحد الشكوى الى الله

[عبدالله الحلوه]

اتمنى ان تصل رسالتك للمسئولين في الشئون الصحية لنرى سعيهم لحل المشكلة وايجاد افضل الحلول المناسبة

تحياتي

[عبدالله صالح العميريني]

الله يجمع لهم بين الاجر والعافيه

ان شاء الله المسؤلون في الشؤن الصحيه مايقصرون