.
راح العمر وأنا اتحرى العداله ....... جالس وأقول : المسأله مسألة وقت
معاق!.. لي قدره ورب الجلاله ....... ما ضقت منها بس.. بأسبابها ضقت
عاطل ثمان سنين واصبحت عاله ....... على امل والظاهر إني توهقت
وين الأمل؟ ليته يجود بوصاله ....... اشتقت..إي والله قولوا له اشتقت
اللي بعمري مهتني في عياله ....... ماهو حسد يومي لوضعه تطرقت
وظيفه..وزوجه.. وموتر وكاله ....... وأنا بوظيفة (بنشري) ماتوقفت!
هذا درس مثلي وحالي بحاله ....... لكن تراني بالمعدل تفوقت
قولوا لذااااك اللي كتب في مقاله ....... (هذي شريحه غاليه)..إيه صدقت!!!
قال المعاق نوظفه في مجاله ....... له أولويه في الوظايف.. وصفقت
قولوا له إني راغب في سؤاله ....... بتقول ما قلته لو تذوق ما ذقت؟
قولوا له إني راغب في سؤاله ....... بتقول ما قلته لو تذوق ما ذقت؟
قولوه له إني صرت شيخ البطاله ....... قولوا له إني لأقشر الهم عانقت
غرقان بديوني لراعي البقاله ....... وإذا طلبني قلت: (هي مسألة وقت)!!!
.
.
شعر محمد العويضه
.
(هذي شريحه غاليه)..إيه صدقت!!!
العرض الشجري