اضحك مع هزل الغزل

[الشقردي]

هذه..خاطرة كتبها ابوكريّم على جدار مدرسة السابعه والسبعون المتوسطه..وهي مدرسة الآنسة هيلة..

كتبها بعد ان غمر قلبه الحب...حب محبوبته هيلة..فاليكم هذه خاطرته..كما كتبها..

هيلة..

حبيبتي...يامصيبتي...ياسعبولتي..

مالي اراك دوما بالحوش منسدحه..

والبساسه من حولك منبطحه ...

الا ليتني امزعك..الى ان تصيحين..

ما أجملك وانتي بالزنوبات تركضين..

انتي بين الفتيات....

هم حبوب الكيرم وانتي الخمسين..
هم الجحه و انتي الــســكين ..
انتي الفلته ...وهم مستدلخين..

حبيبتي...انتي عسيب نخله...بل انتي ركبة نمله...

انتي لينا وانا عدنان...
انا سوق الخضرة..وانتي صندوق بردقان..
حبيبتي..تراي جوعان

ياصندوق البردقون...ياغطا جالون....يادعاية صابون...ياسيارة بلا طبلون...ياقمله لازقه بشطرطون..

حبيبتي انا بدونك..
زي طلعة شباب بدون القطه..
زي الغدا بدون سلطه..
زي الشاورما بدون شطه..
زي الكورلا بدون شنطه..

حبيبتي...انتي السكه وانا القطار..
انتي المطرقة..وانا المسمار..
انتي المنقله وانا الفرجار..

حبيبتي..فيه احد ياكل سلطة بدون خيار ؟؟

ياخيارة حياتي...يابويبينة لمباتي..

بالأخير..بسألك سؤال صريح ...

هذي سيقانك...والا مراجيح ..!!

* ياحـبيـبي ترى حـبـك رجـنـي رج الـلـبـن ** بديت مافـرق هو الكيري قـشطه والا جـبـن

انتهت خاطرة ابوكريم..وكاتب تحتها ك + هـ = مجموعة خاليه ..

هيلة...وبعد ان اضناها الشوق..وتحركت مشاعرها بعد قراءتها لخاطرة ابوكريّم العاطفية..ردت عليه..بهذه الخاطرة..

حبيبي ..

ماذا تبي ؟

ياكثرك..ياحبي ..

اشتاق لك شوق مهوب بسيط..حبي ينقط بقلبي تنقيط..

يابعد براميل شارع التفحيط..

حبيبي..

خذني الى الحوش..لكي نلهو.. ونلعب.. مصاقيل..

ونسمع اخبار بوش..واركض قدامك ..وتطلع العصاقيل

حبيبي...ياشلختن من تسبدي..

حبيبي...أنا غيرك مابــــدي..

حبيبي..أنت الجنوط...وأنا الكفرات..

أنت راس المعسل...وانا الجمرات..

أنت الددسن وأنا الصندوق....انت اللحمه وانا المرقوق..

ياحبيبي...يادفتري المشقوق...احبك كثر البيض المسلوق..

حياتي بدونك..حوسة...والخشة معفوسه...

وشعري..شوشة..والكشة منفوشه..وبالحوش تلقاني من ابوي مفروشة..

حبيبي.. ترى نبي كيلو كوسة ..

أتذكرك..وانا آكل سليق...كتبت اسمك على غطا بريق..

انت بدنيتي..زي الريموت للــتلـفزيون...ومثل الغطا لــلقوطي..

وبدون شوفك اصير باب بدون كيلون...وزي النكته بلا حوطي..

حبيبي..اذلف انت وجبهك..

لأني..أحبك..انت ووجهك..

-----------------------

نقلتها لكم من منتدى بوح00000الشقردي

[ابوتركي]

هههههههههها الله يرجك يالشقردي . اسمحلي ابسويلها برنت

[الشقردي]

هلا اخوي ابو تركي0000
الله يحييك ويرجك من عنده على هالرجرجه
اللي تبي خذ راحتك وحقوق الطبع غير محفوظه0
اكررشكري لك 000

الشقردي

[فهد عبدالرحمن]

مسكينة هالخبلة هيلة

اللي تحوس ورا منحوس

ولا تمشي الاعصاقيلة ملتوية...

مثل مراجيح حديقة حارتنا...


هبيل صديقها ابو خشة

اللي كتب على جدار مدرستها هالقصة...


...

والاكيد انك هنا مصدر الابتسامة...


من كثر مابي فرح ,,,

نسيت اكتب لك اني فرحان

...
.
.
.
.
.
ياحـبيـبي ترى حـبـك رجـنـي رج الـلـبـن ** بديت مافـرق هو الكيري قـشطه والا جـبـن

[الشقردي]

هلا باخوي العزيز فهد عبد الرحمن000000
الله يحييك يالغالي والساعة المباركه اللي توسع صدوركم مثل هالمشاركات000 وآسف على التأخير بالرد0000
اكرر لك شكري
--------------


الشقردي

[الشقردي]

اهلا بمعالي الوزير0000
حياك الله اخوي العزيز ومسموح لو تبي( الشقردي) معه ما يغلى عليك
وانت تأمر000
اكرر لك شكري0
---------------------

الشقردي