[align=center]لما قريت هالقصيدة عجبتني فحبيت انكم تقروونها
ابسألك كيف نتقابل دامنا ليل ونهار...؟
لو تقابلنا تموت الناس وتقوم القيامه
كيف واحنا بالتناقض قلب ثلج وقلب نار..؟؟
قلب ما عنده هيام وقلب ميت من هيامه!!
النصيب اللي جمعنا راح واللي صار صار
ما على قلبي ملام ولا على قلبك ملامه...
لكني اسفه واقبل مني رسالة اعتذار
ظرف حب وفيه ورد وبين طياته حمامه..
عله اخر ما يكون من الوله والانتظار
وخل ما تبقى تحت جفني علامة
دام ما للحب عندك قيمه واعتبار..
ليش عذبت خفوقي واستغليت غرامه؟؟
ليش ما كنت معي بالحب في نفس المسار؟؟
قبل اعيش ايام موت القلب والام انقسامه..
جيت وعيوني هدايا شوق واحلامي كبار
ورحت وحده ما معاها من الهموم الا عظامه!!
من عرفتك والاماني طايرة والنوم طار
منطويه والبال يشرب وحشة الليل وظلامه
اعترف لك..
كنت احبك حب حتى الانتحار..
كنت احس بضعف قلبي لا سمعتك وانهزامه
لين شفت ان الفراق احيان ما منه فرار !
قلت افارقه واموت ولا اعيش بلا كرامه..
لو خذلت حب قلبي واعتبرته انتصار؟؟؟
ما خذلت راسي اللي ما خضع للوقت هامه!!!!!
يالغلا ما عاد يجمع بيننا درب ومدار
كوكبين وكل كوكب له مداه وله نظامه
خذ اخر ما بقالك في شفاهي باختصار....
روح بحفظ الكريم وغادر مع السلامه!
تحيتي[/align]
[/align]
العرض الشجري