مؤذن مســــــــجد يعتزل الاذان !!!!!!!!!!

[عاشق ديرتي بريده]

جلست مع احد مؤذني المساجد واذا به يقول خلاص تركت المسجد !!!

سألته ليش تركته ليش تحرم نفسك ان تكون من اطول الاعناق يوم الحساب !!

قال ياخي تعبت ودي استمر لكن كيف !!

اذا رفعت المايكرفون قالوا بعض جماعة المسجد اقصر الصوت واذا قصرت الصوت قالوا ارفع الصوت مانسمعك !!

هذا غير اللي يتكلم عني ويقول انت لولا بيت المسجد لاتركت المسجد !!

وايضا امام المسجد ذبحني مره يجي مـتأخر ويجدني اقمت الصلاة بدونه فيصيبه الزعل وبعض الاوقات انتظر وتزعل جماعة المسجد مع العلم انه غيابه اكثر من حضوره !!

وهذا من غير متطلبات الحياة التي لم استطع ان اوفق بينها وبين الالتزام بالمسجد !!

حيث اهلي لهم طلبات تجبرني عن التأخير عن المسجد !!!

قلت استطاع الشيطان ان يغلبك فقال لا لن اترك الصلاة ولن اترك اموري الدينيه ولكن سوف اكون مثلكم اذا اذن اروح اصلي !!!!

هذي حالة صديقي مؤذن المسجد الذي اعتزل الاذان !!!

هل انتم معه او ضده لان الشيطان استطاع ان يغلبه !!!

[علشانك بس]

قل لصديقك يستمر على ماهو عليــه ويحتســب الأجــــــــر عند الله
الدنيا ماتستمر على حــال واحد
إلآ مــاتفرج ان شاء الله

[عاشق ديرتي بريده]

اقتباس:  المشاركة الأصلية كتبت بواسطة علشانك بس     قل لصديقك يستمر على ماهو عليــه ويحتســب الأجــــــــر عند الله الدنيا ماتستمر على حــال واحد إلآ مــاتفرج ان شاء الله

اختي قلت له بس لو تسمعي كلامه راح تقتنعين انه معه حق !!

[بنت البدائع]

ذكرني صدقيك بمؤذن حارتنا السابقه (القديمه)

كان دايم خناق مع الأمام على وقت الإقامه وبالأخر جدع المفتاح بوجه الإمام

وقال مالي دخلة بالمسجد هذااا

وتورط الإمام وخلى أحد أخوانه يكون مؤذن وإلى هاليوم وهم مالكين المسجد

[عاشق التحدي]

أسأل الله أن يثبّته على أشرف مهنة ... وأن يعينه على مايعاني .... آمين

[عاشق ديرتي بريده]

اقتباس:  المشاركة الأصلية كتبت بواسطة بنت البدائع     ذكرني صدقيك بمؤذن حارتنا السابقه (القديمه) كان دايم خناق مع الأمام على وقت الإقامه وبالأخر جدع المفتاح بوجه الإمام وقال مالي دخلة بالمسجد هذااا وتورط الإمام وخلى أحد أخوانه يكون مؤذن وإلى هاليوم وهم مالكين المسجد

ليس بالتأكيد انه تورط ياختي بنت البدائع !!
فبعض ائمة المساجد يحفر لمؤذن المسجد لكي يحضر قريب له !! وهذا ماحصل بمسجد حارتكم !!

[عاشق ديرتي بريده]

اقتباس:  المشاركة الأصلية كتبت بواسطة عاشق التحدي     أسأل الله أن يثبّته على أشرف مهنة ... وأن يعينه على مايعاني .... آمين

اللهم امين جزاك الله خير اخوي عاشق التحدي ,
فعلا انه يعاني واكثر المؤذنين وائمة المساجد يعانون ونحن لانحس بهم !!

[الكبري]

الآذان إرتباط لا يستطيع عليه إلى من وفقه الله ،

أما جماعة المسجد فأقظل شيء التعامل بعقلانية من حيث الصوت والتبريد وغيرها وتركهم يعبرون عن آرائهم ،

لكن المشكلة إن كان من بنى المسجد من الجماعة ،

والمؤذن ذو الشخصية القوية يستطيع التغلب على ذلك ،

لكم أطيب المنى

[عاشق ديرتي بريده]

اقتباس:  المشاركة الأصلية كتبت بواسطة الكبري     الآذان إرتباط لا يستطيع عليه إلى من وفقه الله ، أما جماعة المسجد فأقظل شيء التعامل بعقلانية من حيث الصوت والتبريد وغيرها وتركهم يعبرون عن آرائهم ، لكن المشكلة إن كان من بنى المسجد من الجماعة ، والمؤذن ذو الشخصية القوية يستطيع التغلب على ذلك ، لكم أطيب المنى

اخوي الكبري جماعة المسجد لن يستطيع احد ان يوفق بين قلوبهم احد !!

يقول صديقي أن الناس ذلوني ذل ببيت المسجد فقلت بنفسي اروح استأجر وارتاح من كلام الناس !!
أما امام المسجد ذو الشخصيه القويه لن يستطيع الصمود اذا كانو الجماعه كل يوم لهم راي !

[فتاااة النهر]

والله تبي الحق ؟

هو صادق خويك

صراحة عندنا اغلبية هالشيبان مايعجبهم العجب ,,

يعني بدل مايشجعونه يحبطون به ,,

ومايخلون احد بحاله لازم يدلون بدلوهم بمناسبة وبدون مناسبة ,,,

والبعض لا والله ظليمته شينه ودك بس تحطه قدامك وتخليه يدعي لك ,,

وهذا اظن والله اعلم انه ابتلاء من الله

لان البلاء يكون على قدر الايمان ,,

ويمكن تصرفه كان بمحله لأنه مايقدر يتحمل المسجد وحياته فتركه لمن هو اقدر منه ,,,

الله يكون بعون الجميع ولايحرمنا الاجر ...

مشكوووور خيوووو

[الكبري]

[align=center]

اقتباس:  المشاركة الأصلية كتبت بواسطة عاشق ديرتي بريده     اخوي الكبري جماعة المسجد لن يستطيع احد ان يوفق بين قلوبهم احد !! يقول صديقي أن الناس ذلوني ذل ببيت المسجد فقلت بنفسي اروح استأجر وارتاح من كلام الناس !! أما امام المسجد ذو الشخصيه القويه لن يستطيع الصمود اذا كانو الجماعه كل يوم لهم راي !

فعلاَ يا عاشق ،

دائم عيون الناس على بيت المؤذن والإمام ،

ما السبب ؟

أقوياء الشخصية موجودون وهم قلة ،

وما ينفر الإمام أكثر من واحد يبي يطرد الإمام الحالي أو المؤذن لأنه يريد أن يظع ابنه في محله ،

لكم أطيب المنى [/align]

[البـــBADERـــدر B.D.Q]

لا حول الله ولا قوه الا به

بصراحه استغرب من الي يترك الاذان ويترك الاجر علشان الناس
اذكر الشيخ القرني قال اعتزلت الدعوه الى الله
كيف يصدر هذا الكلام من الشيخ القرني
على العموم لا اريد الخوض في موضوع شيخنا القرني
لكن كل ماريد قوله ان من يريد الاجر فلا ينظر الا القيل والقال
فالله وحده بس يعلم بنيته اذا كان قاصد الخير ام اذا كان قاصد البيت
على العموم اخوي عاشق الله يأجر خويك المؤذت ويعينه على شيباننا

[The Free Man]

والله مادري يا عاشق

حاولت ان اكون لي رأي في الموضوع

ولم استطع

[جمان البحر]

لا يكلف الله نفساً الا وسعها ...وهو أدرى بمصلحته وهل سيستطيع التوفيق بين المسجد وبين متطلباته الشخصيه ...

[@ ابتسام @]

اذا كان انسان حساس ارحم له انه يبعد .
اما اذا كان قوي شخصية المفروض يحافظ على وظيفته وبيته وما يلتفت الى آراء الناس ونظرتهم له .