شاة ظواها الليل مع غفلة الناس ,,
والذيب جايع لو لقاها فرسها ,,
عنها غفل راعي خطف عينه نعاس ,,
نام وتركها ضايعه ما حرسها ,,
دق الفكر من ضايق الوقت هوجاس ,,
عجزت ترد الروح ثاير نفسها ,,
الهم هم .. وكل مهموم محتاس ,,
صدره على بعض الماسي حبسها ,,
هي بذرة لو غرسها تم بقياس ,,
مالمت انا اللي يوم وكل غرسها ,,
يوم اورقت وصارت على مقطع الفاس ,,
من قبل تثمر جا قدرها دهسها ,,
الحي الي منه غدا ميت الياس ,,
دنياه ضاقت به ودقت جرسها ,,
في واقعه يرجي لو بعض نوماس ,,
شحت له الايام تعلن فلسها ,,
غريب ياللي غربته بين جلاس ,,
ليم عليه السرج ومحد قبسها ,,
قبل الفجر والليل يغشاه الاعماس ,,
وكل الغضي ثوب السحابه لبسها ,,
مالي ومال اللي عن الحق دساس ,,
ما واجه ظروفه ولا اسرج فرسها ,,
المعذره على الاطاله وتـقبلوا تحياتي ,,,,,,
( الغريب )
( الهم )
العرض الشجري