مكتوب يبلى بالشقاء كل من عــــــاش
دنياً تضـــم بكفـها كل مـــغـشـــوش
دنــيـــاً تكـــث بنـارها كـــــث رشــاش
يلحقك جـرحٍ من وراءها بلى هـوش
تأكل من أيـامـــك حـــلاهــا وتنحــاش
تترك ربيعك بين يابـس ومرشـــــوش
تقضي على الطـــــيب وتبقي لك اللاش
ترسم لك دروبٍ بها الورد مفــــروش
تبي شـــــذا عـــطـــر به الروح تنعاش
ما نالك إلا الشوك تجريح وخـــدوش
أســمع كلامٍ صادقٍ من خفى الجـــــاش
قبلك خذتني يأبن الأجـواد بالطـوش
مشـــيت معها مشيتٍ مــــــثل الأدبـــاش
منتني بمركز كـبــــــــيرٍ مع قروش
قـــالـت: وزير وقلــــت: ودي بفـــــراش
قالت: فقير وقلت : بالصدر منقــوش
قالت: عــــذاب وقلت أهـــون من أبلاش
قالت : قصور وقلت:يا زين هالحوش
قـالــت : بكاري وقلــت: يا رب بعــتاش
يا الله تنجيني من وسط الاوحـــوش
جتني على كل الجروح القديمه بمنقاش
محدن سلم منها وأنا طحت مغشوش
العرض العادي
