ديدن ايامي الكبار , يهمني رأيكم

[سـ ـ ـارايـ ـ ـزر]

جايز اني أتكبر
أو اعصّـب عالصغار
جايز ارفع خشمي مرة
أو اخالف أي قرار
كلّ شي جايز أسوي
وامشي في أية مدار
ألا إني أتخـلى
عن خويِّي مهما صار
مهما سوى .. مهما عاتب
مهما زلّ ومهما جار
هذا نهجي بكل عمـري
وديدن ايامي الكبـار
وكلمتي ماحِيد عنها
دام لي فالدنيا دار
لكن .. اكبر من مصيبة
لو خلي ..عني دار!
وحس إني.. شي .. تافه
ولف ظهره باحتقار
وتناسى خوّتي له
واني من حبي أغار
آه يالقلب الجريح
جفوة الأصحــــاب نار
لو كَوَتْكْ تحس أنك
منت قادر للحوار
لكن ومااحسن من اني
ماأعدد له الخيار
انسحب وابقى بعيد
عن حياته بكل شعار
ولو سأل عني بَردّ
بس ردي باختصار
ولو عطان ايده الشمال
راح امد اله اليسار!
صاحب يقابل خويه
بالجفا والإحتقار
أولى أنه ينَّسِي
لو به خيرن كان زار
ودام قمت بكل حقوقه
مابحاول لهْ انتصار
لن من يبدى هو اظلم
وقلبي منه الإختيار
ما بأقدر أتحكم
أو أعدل له المسـار
صدقووني هالمشاعر
ما لحد فيها اختيار
حق واحد صار باقي
له علي فكل دار
بَذْكره بالخير حتى
لو بلغ جفْوَتْهْ نـار
واتغاضى عن عيوبه
وازدراءه والفخار
خذ مني مانصحت
وقل..تم..او قل صار
كان في قلبك عداله
اتخذ هذا القرار!
1329هـ
________________
يهمني النقد البناء من محترفي هذا المجال

تحياتي