[align=center]اليكم الجزء الثاني من قصة ( الحاجز) وهي من تأليفي
ولمن فاته الجزء الاول فليذهب الى هذا الرابط[/align]
[align=center]اضغط هنـــــــــــــا[/align]
والان اترككم مع الجزء الثاني من القصــة
عندما اصبح عمر نوره 14 سنة بدأت تتغطى وهذا هو ديدن القرية فعندما توشك البنت على البلوغ فانها تتغطى بالعبائة والشيلة
عبدالله يكبرها بسنة
نوره لم تعد تسرح بالغنم
وكذلك عبدالله ففي نظره انه اصبح اكبر من ان يسرح بالغنم
مرت سنين واصبحت ماشاء الله نوره بنت مكتملة الانوثة تقارب الـ18 سنة
بينما عبدالله اصبح شابا يافعا في عز شبابه
يذهب صباحا لمساعدة والده في النخل القريب من دارهم ويعود ظهرا وبعض الاحيان يعود من بعد صلاة العصر
كان عبدالله يتقد بالمرح والنشاط والحيوية الا انه بدأ وكأن نشاطه وحيويته قلت فهو بالعادة من بعد مجيئة من النخل يذهب الى دارهم ويقبل راس ويد امه التى انهكها عمل الدار ثم يذهب الى حجرة الاستقبال ويلقى نفسه فيها
امه لاحظت هذا التغير والتحول لفلذة كبدهم ولكن امه لم تعره ايما اهتمام وقد ظنته انه مجرد تعب ويزول وخصوصا ان والده ايضا يتعب في فلاحة وسقاية النخل
اخته ( ساره ) لاحظت هذا التغير
بعد صلاة العشاء صعد عبدالله الى ( طاية ) دارهم ( السطح) لكي ينام على غير عادته فهو عادة يلهو مع بعض اقرانه وخصوصا في الليالي المقمرة على بعض الالعاب كعظيم سارى او شريخ الشرخ وغيرها من الالعاب التى يلعبها شباب القرية
صعد عبدالله الى السطح على غير عادته قرابة الساعة الثانية ( عربي )
قام بتجهيز الناموسية وفرش المطارح حتى تبرد
ليلة ونومة رومانسية فلا سقف امامه وهواء القرية العليل والانجم الفضية المتناثرة في السماء تلمع امام ناظريه كل هذا الظروف تجعل أي شخص يكون شاعرا ملهما لايقطع هذا الهدوء الساحر الا اصوات الديكة تخرج من كل بيت في القرية
وعلى غير عادته بعدما صلى الفجر في مسجد القرية ذهب عبد الله ليكمل نومه في السطح
ووالديه استغربا هذا التصرف من ابنهم حيث انه يحتسى فنجالين من القهوة وبعضا من الرطب ثم يتناول قرصين من الصبيبات ويذهب مع والده الى النخل
ظن والده ان ابنه متعبا فتركه دون ان يضغط عليه
حرارة الشمس بدأت تشتد ولم يجد عبد الله بدا الا من النهوض قام بطي وتصفيط الناموسية والمطارح حتى لا تحرقها حرارة الشمس
نزل عبدالله من السطح
وهو يبحث عن امه ليقبل رأسها
اذا به يدخل حجرة الاستقبال ويتفاجيء بوجود نسوة ولولا تنبيه امه له لاستمر بالدخول
عّود عّود
ورغم مفاجأة عبدالله لهن الا ان النسوة اسرعن بتغطية وجوههن بالشيلة
بعد خروجهن جاء عبدالله وسئل اخته ساره من اللى كان عندكم؟
• ساره : ابد مرت اقصرانا ومعها بنتها نوره ( أي زوجة الجيران )
هنا تغير وجه عبدالله وبدأت عليه ملامح الارتباك المزوجة بالفرح
ومن غير شعور سأل اخته : وش تقولين نوره جاية لدارنا مع امها ؟!
• سارة : ايه وش فيك تسئل يعني هى اول مرة تجي عندنا نوره وامها جدارهم ملاصق لجدارنا وش فيك يو م جاء ذكر نوره تغيّر وجهك وتصبب عرق عسى ما شر؟
• عبدالله : لا ابد وش فيها ذولا جيراننا وعادى اسئل عنهم ؟
• ساره : ايه هيّن بس حط عيني بعينك . علينا يا عبد الله
• عبدالله وهو ممتعضا من اسلوب اخته : اوووه ياسوّير فكينا تكفين من شرك
• ساره : شري علينا ياعبيد جعل شعري يحت اذا مانتاب تحب نوره كانك تقول ماحبها حط عيني بعينك ونشوف
ذهب عبدالله من الدار وهو مسرع الخطى واخته تضحك وهى تعرف في قرارة نفسها انه يحب توأمه الطفولة نوره
خرج عبدالله للبحث عن اصدقائه وخصوصا انه يحاول ان يستغل هذا اليوم للالتقاء بأصحابه نظرا لعدم ذهابه الى النخل لمساعدة والده
بعد صلاة الظهر ذهب عبدالله الى النخل وهو عائدا الى الدار جلس ينظر الى دريشة الجيران وهو يتخيل ويتصور نوره تطل مع هذه النافذة
دخل الدار ومعه زبيلا مملؤا بالرطب وضعه بإحدى الحجر وذهب الى حجرة الرجال وانسدح
دخلت سارة ورأت اعين اخيها مسلهمه ومبحلقه في السقف
• ساره : احم احم
• عبدالله : شفيك تنحنحين ؟
• ساره : ابد لي ساعتن واقفة هنيا وما انتبهت لي
• عبدالله : يعني وش تبين؟
• سارة : ابد وانا اوخيتك اشوفك هالايام مسلهم ومنتاب عبدالله اللى اهلى يعرفونه زين قل لي وانا اوخيتك انا سترك وغطاك صدق انى اصغر منك بسنتين بس والله العظيم انى عارفة وش فيك؟
• عبدالله وهو يحاول التنكر والهروب : ابد ما فيني الا العافية
وهنا طرأت لساره فكرة ستختبر فيها ردة فعل اخيها
• ساره :الا انت داري وش صار لنوره ؟
وهنا غير من جلسته عبدالله وبلا شعور تكلم : وش فيه اعسى ماصار لها شي؟
ضحكت سارة ضحكة عالية وقالت : وش فيك لاجبت طاري نوره تغير وجهك ؟؟
لا ابد ما فيها شيء شفت ان فيك بلى !
قطع حوارهما صورت والدتهما وهي تنادي ابنتها
• الام تنادي : سوير ..سوير تعالي وانا امك ودي زبيل هالتمر لاقصرانا ام نوره
هنا قام عبدالله ولولا الحياء لهرول الى امه وقال انا باخذه واوديه
يمه الزبيل تراه ثقيل على اختى خليني اوصله ولو عند زلفة بيتهم والا وش رايك وانا اختك اوصله انا اطق الباب عليهم اخذ الزبيل وتركت ساره اخيها يجرب حظه ولترى ماهو فاعل
تشجع عبدالله واخذ يقرع الباب بيديه وهو يدور بذهنه من سيفتح له الباب ؟ هل نوره التي يحبها ؟ هل وهل
دارت بذهنه تساؤلات وامال كثيرة هل ستخرج نوره له وتمد يدها وهي متغطيه وتاخذ منه زبيل التمر ؟
[align=center]تابعوا باقي القصة مع الجزء الثالث قريبا[/align]
العرض العادي
