لك الله يازمن ولى نثرته كل احساسي
وماتت به حياة الجرح الاول وانتهت رحله
وراحت من سنين العمر ورده والهوا قاسي
الى منه اخذ قلب الولد واتعلقت رجله
حملني بسكة جراحه قبل مايكتمل ساسي
وسعد منهو تعلق به صغير مانضج عقله
اخذني مثل مكياجه وانا معتبره انفاسي
واثرني بالهوا تايه تعلق في هوا الغفله
فهمت الدرس وعلمني عن اللي كنت به ناسي
وشربته مر ياهو مر لابعده ولاقبله
عرفت ان الحياه اكبر من اللي كان في راسي
والايام تكشفنا وكلن يرجع لاصله
رميت السله وجابت من بحور الزمن فاسي
وقام القلب ياخذ في ميادين الهوا رحله
لاهو ارتوى قلبي ولا اهو امتلى كاسي
ولاهو طاح في حبلي ولاانا طحت في حبله
اثر مات الهوى فيني بعد مامات احساسي
ولاصرت الذي يعشق ويبيع الدنيا من اجله
صعب ارجع على جرحي وانا محتلني ياسي
وصعب امثل الادوار مثل مامثلو اهله
16\12\1425
وسلامتكم ..
اخوكم ..
اصيــــل
العرض العادي
