بيدي رميت القلب

[السكروب]

هذي الابيات للشاعر المبدع:- عبدالله العليوي
اتمنى ان تحوز على رضاكم.

بيدي رميت القلب في وسط نارك.............واقفيت ياظالم وانا فيك مفتون

انهد حيلي في عذاب انتظــارك................واخفيت جرحي ما ابي الناس يدرون

ارمي سلاحي واعترف بانتصارك..............ابكيت من يضحك على اللي يحبون

متى تخفف لوعتي باعتــــذارك................واشوفكم مرة من الحب تبكـــون

انهيت قصة حبنا باختيـــــارك..................وين الصبر ياقاسي القلب وشلون

يازين قلبي من هواك استجارك...............حبك عسرني ما طوى القلب بالهـون





تحياتي لكم..........

على فكرة قام بغنائها: عبدالله الصريخ

[طير الوسيطي]

اخي الكريم
ابو علي
شكرا لك القصيده الحلوه
وحبيت اسئلك سؤال اذا سمحت لي وش سر طرح القصايد واللي مغناه وبالتحديد عبد الله الصريخ ومعليش اذا انا تعديت حدودي
مع فائق احترام وتحياتي وامنياتي

وطابت اوقاتك ........

[السكروب]

اهلين بطير الوسيطي.....تامر امر

والله مافيه سر ولاحاجة. ولايروح تفكيرك بعيد يالطيب.
الاان كان تفكر اني(؟؟؟؟) اقولك (ممكن).عموما اناأسف
اذا .........؟؟

لكن :

1- عبدالله الصريخ انسان قدير وبسيط.واهتدى نسال الله له الثبات.
وفرض نفسه بدون اعلام وتطبيل مثله مثل:-بشير , حمد الطيار, فهد
السعيد , عيسى......الخ مهب زي فنانين هالوقت (فنانين الديسكوات)
ازعاج+كلمات"اي كلام" + تعالي على الناس+ ومايغنوا للانسان العادي.
كل اغانيهم لشعراء اللي من الطبقة(الهاي)...ليش انا اتسمعلهم.

2-انا اعشق هذا الفنان عشق ماتتصورة,ولانه من منطقتي (القصيم)
وطلعوا شعراء على اكتافه ومنهم:-
سعد الخريجي, السناني........كثيركثير.

3-يذكرني بوقت مضى.(اييييييييييييييييييييييييه)

عموما اخوي يطول الكلام واوعدك ان لي وقفة للمقارنة بين الفنانين.

واسف على الايطالة

تحياتي لك

[طير الوسيطي]

الاخ العزيز ابو علي
احييي فيك روحك العاليه واخلاقك وصدقني ما فيه يوم شكيت فيه باي عضو من الاعضاء وكلهم محل ثقه واحترام واتشرف بالانضمام الي هولاء الاعضاء
واشكرك علي تلبية طلبي ولك تحياتي واشواقي ونهارك سعيد

[السكروب]

الله يسلمك ومشكور على الكلام الحلو

عموما انا بالخدمة......


تحياتي لك عزيزي