صَدْرِي وَطَن | عوّد فصوَلِه عَلَى الْنَّوح قُوَّتِه صَبر يَسْتَسْقِي بِغَيْم طُهْري

[المستشارَ]

الضيقه اللي كل ماقلت ولت
قالت :ابرجع صعبه اني اخليك

قلت اعشقتني بنت قبلك وملت
قالت :انا لو رحت منهو يداريك ؟

قلت اقعدي قعدتك توها تحلت
قالت ابقعد يمكن اني اسليك

قالت تحب وقلت عني تخلت
قالت : كذبت اشوفها الحين تبكيك

قلت: ندمت لانها ظلمتني وتبلت
ولما رجعت قلت الها معاد يمديك

قلبي خلاص انسيه لعنتك حلت
من قلب باعك عقب ماكان شاريك

قالت امانه دمعتك ليييه هلت ؟
وانا اشوف من حولك قلوب تغليك

قلت الزمن جاني والاصحاب قلت
اكثرهم اللي للمصالح يماشيك

قالت جميع الناس عنك تغلت
خلني معك لعلني عنهم اكفيك

قلت الوعد لاقامت الناس صلت
ذكر الله بيطردك عني واخليك

..