برب وتيت وباك وهتميل دوت آت,,!!

[احلام الداعية]

وقالو لي انه يدخل الشات ساعات
اسمه جبل وانشد وتلقاه سيده




ودخلت اشوف ولقيت العالم اشتات
الحكي واجد ولاسامي عديده




الزير واسامه وياسر عرفات
و صاله و هيفا و نيله و عيده




مخلطه ما بين كل الحضارات
وكل على ليلاه ينشد نشيده




وبرب وتيت وباك وهتميل دوت آت
وهذا يصيد وذيك تبغي تصيده




وسوالف وحب وغرام و علاقات
و ورود واهدائات اغاني جديده




تلقى الشباب الاف عند البنيات
وكل يطرد في الطرايد طريده




وبعض الشباب يغير النك بسكات
اسمه فريد وبعد ساعه فريده




والبنت زهقانه ولا فيه طلعات
وجولها فضاء وكمل رصيده




تدخل وتستعرض وتعمل حركات
ولا بد متلقى صبي وليده




يعبي لها الجوال في ظرف لحظات
ويحقق لها كل ماهي تريده




جو مكهرب فيه كل الحكايات
وكل يدور كسب يمناه بايده




ومطوع ينصح بآحاديث وآيات
ويقول تكفون المصيبه شديده




لكن خلق الله في احساب الاموات
لا عيب يردعهم ولا اية عقيده




يا عالم اصحو واذهنو للبزيرات
وسائل الترفيه صارت مكيده





ما فيه رجال داري بالحيالات
يضغط على بزره ويقرش حديده




ويمنعه عن درب الردى والسخافات
وينبهه لو كان ماهوب ميده




وانا رفيقي راقد الظاهر او مات
عيا يجي وانا ختمت القصيده


...ممـــــا راق لــــــي وبشدهـ...

[سراب الرحيل]

وانا رآقت لي كذلك ،

مشكووره



.:.

[المستشارَ]

ياهي اليمه َ $

.. كلها سماجه هالشاتات ومصدر خراب لكن مانقول الا الله يستر على بناتنا ويهدي شبابنا يارب
شكرا اختي احلام الداعيه على هالاختيار الموفق ..

[شوكولاته بنات]

جميله جدآآآ تسلميييييين علىى ذووقك الرائع والمميز

[كيآن آنثى]

الله يكفينآ الشر يآرب
رآقت لي
شكرآ لكِ ’

[ميمي نايس]

خطييييره مرره يسلمووو

[احلام الداعية]

سلمت ارواحكم لتواجدكم العطر,,
اسعد المولى قلوبكم,,
واضاء بفضله دروبكم,,

شكرا,*

[آحبكم بحجم آلسمآء]

يآاهٓ يٓ جمآلهآ « بقدرٓ آنهآ آلييمهٓ
آحلآامٓ شكرًا علىٓ هَذَا آلآختيآرٓ
خذيهآ بٓ آليميـٓن (f) *

[نــف نــف]

جميلـه ..
عوآفي

[كروومه]

قصيده رائعه سلمتي عزيزتي على هيك نقل !

[عايشه غربه]

يسلم ذوقك ع الاختيار الرائع والانتقاء الهادف,
و الله يهدي كل من ظل عن جادة الصواب يارب,