هذا القلم آلة حـزن تعـزف حـروف
وهذا الحبر خمـر الـورق والمعانـي
حبيبتي وان شفتـي أقلامـي وقـوف
لا تحسبين إن أعـذب الشعـر جانـي
حتى الشعر تعترضه أحيانـا ظـروف
ويمـر فـي قلبـي وينسـى لسانـي
جيت أوصفك ماتت تحت رجلك وصوف
جيت ..أنطقـك راح الكـلام وعصانـي
حبيبتـي والليل شمـاعـة طـيـوف
عليـه علّقـت الأمــل والأمـانـي
أتذكرك والبـرد ووشاحـك الصـوف
كم كنت محتاجك وكـم كنـت أعانـي
وأتذكـرك والحيـرة تحايـل الخـوف
كـم كنـت خايـف لا يقصّـر حنانـي
كنتي وأنا والعشق والجـو محـفـوف
ما زاد عنـا ..غيـر صمـت المبانـي
كان السهر طربـان والليـل مكسـوف
وكان الحكـي مـن شفتينـك أغانـي
في الليلة اللي بدرها صابـه اخسـوف
كنتـي ... هـديـه للسـمـا والمـوانـي
طرتـي مكانه وأقبـل الغيـم ملهـوف
يبـي يضمـك ..بـس نـورك أنـانـي
وأنا مثل هالغيم مـن حولـك آطـوف
بغيـت أضمـك.. بـس عيـا زمـانـي
نضحك حزن ونشوف ونصد ونشـوف
ونضيق والضيقـه سجينـة محـانـي
ما فيه داعي نسمـع أعـذار وحلـوف
مـا دام ... مـا نقـدر نعيـد الثـوانـي
أنتـي رحلتـي دون تلويحـة كفـوف
وأنـا رحلـت بـدون قلب وأمانـي
العرض العادي
