هذي هي الدنيا حظوظ وتوافيـق

[pepsi]

هذي هي الدنيا حظوظ وتوافيـق
امـا وطـاك الحـظ ولا وطيتـه
تعيش في غيبوبه الوقـت وتفيـق



شـي تذكرتـه وشـي نسيـتـه
بس الوكاد انه بعد نشفت الريـق
مالك سـوا بنيانـك الـي بنيتـه



والضيق كل انسان به هم به ضيق
ولاكل واحد يسألـك بـه طريتـه
السـد خلـه دايمـا فالصناديـق



منشـان ماتصـدم بشـي هقيتـه
والحب لعبه حظ بين العشاشيـق
امـا نحتـه نحـت ولا محيـتـه



وتبي الصحيح الي عليه المواثيـق
الحـب حلـق شاربـي لالقيتـه
والطيب فعل وله دروب وطواريق


وسـوه لوجـه الله لامـن نويتـه
وفعلن مهو لـك لاتلفقـه تلفيـق
الحق يظهره الزمـن لـو كميتـه




كم واحدن صيته بروس الشواهيق
ولاتسـرك سمعتـه لانصيـتـه
وكم واحدن ماسمعته سمعت طويق



لكـن يقـوم بواجبـك لانخيـتـه
واللي يحمل طاقتك فوق ما اتطيق
الي يلومك خبـل لـو ماعطيتـه



ياكثر مامـروا علـي المطافيـق
وانا الخطا مـن يمهـم مابديتـه
لو كنت ادقق في خطا الناس تدقيق



ماكان حب الناس فزت وخذيتـه
كم مطلبن حاولت اسوقه ولاسيـق
حاولت به لكن عجـزت وجفيتـه



واضك همي ضك بين المعاليـق
خلـه مـدام ان المعاليـق بيتـه
الرزق عنـد الله رب المخاليـق
ماهو مخيب رجوتـك لارجيتـه

راقت لي

[المستشارَ]

يازين ذوقك ببسيَ

وفعلا صدق الشاعر بهذيَ
وكم واحدن ماسمعته سمعت طويق
لكـن يقـوم بواجبـك لانخيـتـه


وبانتظار ابداعاتك المتميزه ببسي َ
لاهنتي

[pepsi]

ازداد فخرا وشرفا بتعطيركـ لمتصفحي
أشكركـ مشرفنا المستشار

[البارق]

اقتباس: وتبي الصحيح الي عليه المواثيـق الحـب حلـق شاربـي لالقيتـه

اضم صوتي لصوت الشاعر
وأشكرك حد الجنون
على مختاراتك المجنونة

[pepsi]

البارق
انرت متصفحي بتواجدكـ ،، أدامكـِ الله بالخير
والنقاء،،

[نــف نــف]

جميل .,
وآلتوفيق من آلله سبحآنه ,,

[عادل الحبيتر]

ما شاء الله
ذااائقه اكثر من راااائعه

يعطيك الف عافيه

[pepsi]

الاروع هو تواجدكم هنا
منوووورين بمروركم

[الــــــــهرم]

اقتباس: وتبي الصحيح الي عليه المواثيـق الحـب حلـق شاربـي لالقيتـه

كلمة الحب صارت رخيصة
............. يرددها من الجهال واااااجد

اختيارك للقصيد يعكس لنا حُسن تذوقك الشعري
تحياتي واعجابي

[pepsi]

الهرم

اسعدني تواجدك ومرورك بمتصفحي

دمت بحفظ الرحمان