يوم الزواج ..ويالله يالحريم فضايحكن

[ابويارا]

الفرق بين المرأه في
السنه الاولى من الزواج

والسنه العاشره

تشير
الساعه الى 6:30 صباحا

تودع زوجها وهو طالع للعمل وتقول له بالسلامه يا حبيبي

الساعه 11 صباحا

تتصل عليه في العمل وتقول له حبيت اسمع صوتك بس يا

عمري

الساعه 3 العصر

تستقبله وهو متشيكه وتبوسه وهو داخل للبيت وتقول له

الغدا جاهز يا حياتي ..تحب احطه لك الحين ؟

الساعه 5 العصر

تصحيه من النوم ببوسه وتقول له اعمل لك شاي يا حبي ؟
الساعه 6 المغرب

تسبل عيونها وتقول بكل خجل يا ريت يا حبيبي .. يعني لو

ما عليك كلافه .. يعني اذا تقدر توديني شوي لبيت اهلي

اذا كنت تقدر يا عمري وقبل ما ينطق بكلمه ( اذا ما

تقدر خلاص مو لازم ) وطبعا يضيع هو في نظره من عيونها

ويوديها لاهلها ولو انهم ساكنين في السويدي وهو ساكن في

العليا

الساعه 8 بالليل

تتصل على الجوال وتقول ( اشتقت لك يا عمري .. يا ريت

تمرني ونروح للبيت ) وطبعا هو عارف وش بيجيه في البيت

فيطمر ويقول للشباب اسف والله يا شباب راسي مصدع ولازم

امشي

الساعه 10 بالليل

تجلس في حضنه وتقول ( الله يا حبي تتذكر ؟ تتذكر ايام

الخطوبه لما كنت تعمل المستحيل عشان تشوفني ..وانا يا ما

كذبت على ابوي وقلت له اني طالعه مع امي وانا اصلا متفقه

مع امي عشان اطلع معك ) وبعدها هات يا بوس لمده لا تقل

عن ثلث ساعه

الساعه 11 بالليل

الوصول الى هذه الصفحه غير مسموح

بعد مرور عشر سنوات

الساعه 6:30 صباحا

هي في سابع نومه

الساعه 11 صباحا

هي برضه في سابع نومه

الساعه 3 العصر

تستقبله وهي نافخه خشتها وتقول ( شف لي حل مع ولدك علي

هذا ..حتى الان ما حل الولجب .. وسوير الله ياخذ عمرها

انشاء الله شاقه مريولها في المدرسه …عطني فلوس لازم

اروح اشتري لها واحد غيره … وصويلح يبي علبة هندسه تو

انه يقول لي يوم ان الاختبار صار بكره … وترى موضي

تكنفست مع الدرج وهي كانت في المشايه … والظاهر انها

تعورت …كله من هالشغاله الله يا خذها ….اسمع يا انا يا

هالشغاله في هالبيت ….ابيك اليوم تسفرها ما ابي اشوفها

وابيك بسرعه تقدم على وحده ثانيه ….وما ابيها تصير

حلوه …..يا ويلك لو صارت حلوه …..وبعدين شغالتي ابيك

تشرط عليها اذا سفرتها ما عاد تشتغل عند احد ….عشان ما

تقول اسرار بيتنا للناس الي تشتغل عندهم ( ما تدري ان

اسرار بيتهم كلها عند الجيران من لسانها هاللي وش طوله )

و …و …..و

الساعة 5 العصر

هي تفك هوشه بين سوير واخوها ويصحى هو على صوتها وهي

تهاوش وتدعي عليهم بجميع الامراض الخطيره الحديث منها

والقديم ( جعلكم للطاعون …جعلكم للحمى …جعلكم للوادي

المتصدع …جعلكم للحمى القلاعيه …والايدز ..الخ )

الساعه 6 المغرب

هو جالس يشرب الشاهي وهي تقول ( نبي نروح لامي بتجيهم

بنت خالة جد ولد عم ابوي ..وبعدين نبي نروح نشتري للبنت

مريول ..وبعدين بنت عمي والده ولازم اروح اشتري لها هديه

من باتشي و ابي امر على المشغل ..وبعدين حطنا عند اختي

في الشفا من زمان ما شفناهم …………..

وفي هاللحظه فكر هو انه يشتغل ليموزين احسن له

الساعه 8 بالليل

تتصل على الجوال ( وينك فيه ؟ وبعدين وين بتروح ؟ ومنهو

الي معك هذا ؟ ووش بتسون ؟ ومتى بتجي ؟ لا ما فيه الساعه

تعال الساعه 10 )

الساعه 10 بالليل

جالسين هي وياه عند التلفزيون ..اخيرا هدوء ..والعيال

نايمين ..والجو جميل ..وفجأه تطالعه وهي ماده بوزها

وتقول ( الحين امك وش عندها اليوم ما ترد يوم اني سلمت ؟

هاه ؟ ) ( والله ما ادري كان سالتيها ) ( واختك وش

هالحركات الي مالها سنع …ليش عازمه الجيران وكل حريم

اخوانك الا انا ؟؟؟ لكن هين والله لاسوي عزيمه وما

اناديها …اصلا هي ما زارتني في المستشفى يوم اني ولدت

وانا فاهمه قصدها ..لكن هين ..والله لو تحب السما ما

نيب زايرتها اذا ولدت ……وبعدين بنات عمك وش عندهم نافخين

عمرهم ؟؟ على ايش ابي افهم ….على جمالهم الزايد اللهم لك

الحمد بس ) تسكت شوي بعدين تقول ( وبعدين اختك نوره يوم

انها تقول ان علي ولدي يشبهني ما يشبه ابوه وش قصدها

هاه )

ملاحظه : علي هو اشين اخوانه

انا فاهمه قصدها

وتراها اذا ما بطلت هالحركات والغمز واللمز تراني

ابسمعها كلمتين واخليها تحترم نفسها …..لا وذاك اليوم

تقول اخوي محمد ( الي هو الزوج ) حلو مره و3 من حريم

الجيران قد خطبوه لبناتهم ….من زينك بس ما ادري وش لاقين

فيك ) . يسكت وما يرد , تسكت هي ثم تقول ( وبعدين اخوك

شاري لحرمته ساعه قيمتها عشرين الف ريال ) يرد ( طيب وش

المشكله ؟ ) ( وانا ليش ما تشتري لي ..والا انا ما

استاهل ..ولو هي يعني احسن مني … بلاك ما شفتها ..شينه

وطبايعها شينه وحتى طبخ ما تعرف تطبخ ) ( خلاص اشتري لك

ساعه ) تعصب وتقول ( ايه تسكتني بهالكلام ….والله لانت

شاري ولا شي ) ( وش تبيني اقول يا بنت الحلال ؟ ) تقوم

وهي تبكي خلاص ما ابي منك شي

الساعه 11 بالليل

هي زعلانه ونايمه مع العيال

وهو يلعن اليوم الي تزوج فيه

[فهد عبدالرحمن]

اعجبتني

الايام الاولى في الزواج


اما القشارة والهووووش


ماابيهم


..

ههههههههههههههههههههههههن



ههههون


ههههات


ههههيت


..

[ALI 9]

ولا في الأحلام

( أحلق شنبي اذا سعودية تسوي كذا ) ايقال له شنب

حتى في الأيام الأولى

مشكلة السعوديات ولا اقصد كلهن لا لكن الأغلب

يحسبن الرومنسيه عيب ماتشوفون الناس يدوخون على

ابها الشمال ( سوريا ) وغيره من الدول الرومنسية

لكن السعوديات وانا ماالومهن من زيادة الحياء والدين والعفة

تستحي تسوي مثلهن لكن عاد انت ورجولك ( أرقل المرة)

بكلمتين وعلمه ان هالشيء من الدين وأنه مافيه مخالفة للشرع

و.........


خلاص بتلنا

اخاف اطول بالهرج تطلع علوم ما تصلح للعزاب ( ايقاله معرس)

تحياتي

المطنون

[الكاوبوي]

سؤالي للعزيز المجروح هل هذي قصة حياتك أو من واقع الحياة الزوجية في السعودية

[ابويارا]

لا حبيبي الكابوي ..انا بسم الله توني مالي اربع سنوات متزوج بعدين مالي الا تركي الله يخليه ..بس بنسبه الاحريمان هذا الواقع
انت شوف من حوليك من النساء وتعرف فكره في يوم الزواج مافيه احلى منه بس ياويلك بعد خمس سنوات ماني قايل اربع لني توني مالي اربع سنوات متزوج هههههههههههههه
بس الحقيقه اكتشف في نفسك انت ...تحيات اسأل بنت الشرقيه تعلمك هي ...

[الشقردي]

هلا باخوي المجروح الربع هبلوا بك ليش تعلمهم بقصة حياتك فضحت نفسك انت في منتدى بريده وكلهم أذكياء وملكعين خذ حذرك بالحكي لكن ماعليش خيرها في غيرها وأخيراً تحياتي

[ابويارا]

لالا حبيبي لا هي قصه حياتي ولا شي
كذا بس ...بعدين هذا من زميل لي ..لو هاذي قصه حياتي ..يعني اصير ديواث ...

[جودي]

اولا انا ادري ان ردي متاخر بس وش اسوي قصة المجروح حليوه .....

بس انا اتوقع ان الحريم الى كبرن يستحن يسون خرابيط الشباب


....تخيل عاد وحده عمرها 40او 45 سنه و(تربض) بحضنه

ههههههههههههههه

الا عاد ان كانها رشيقه بس ماهقيت فيه سعوديات عجز ورشيقات واتوقع ان السبب انه مافيه فرصه كبيره (مثل برا) لعمل الرياضه او تسهالتن نصها ييزي ...... الا من رحم ربي ....

........ سلام

[ابويارا]

اخوي جودي ..
ليش ام 40 ميربض في حضنها
كل صاقط له لاقط صح ..
بس تخيل واحد تزوج مره عمرها 34 هل يعيش مثل اللي عمرها 19او 20..نعم المره مهما كبرت تكون زي الصغينون لو تزوجت عمرها 40
رايح تكون مثل ام 19او20 طبعاً ترجع على الزوج هو مرح او شييين
تحياتي جودي

[بقايا نزف]

هههههههههههههههههههههههههههههههههههههههههههههههه

والله وأنا أقرى موضوعك أن الكرسي يهتز من الضحك..

طبعتها وريته أهلي .....

عاد شف الضحك اللي مانقطع ......

وبعدين يأخت جودي هذي وجهت نظرك أن السعوديات كذا>>>>>راجع للمرأه وشطارتها وكيف تحافظ على جسمه..

الحمد الله حنا مو زي برا الوحده تحفظ زوجها بالسر والعلن مو زيهم الوحده تعاشر عشر....

:تسلم يدينك على هالقصه..

لكم تحياتي....

بقايا نزف

[جودي]

سلام.... اقول تراي معصب ولا توخذوني بالكلام لان الجهاز طير كل كلامي اللي كتبته يوم جيت ابرسل و خلاني اعيده كله

اخوي المجروح (غريبه انك مجروح مع انك متزوج وخالص )....

الزبده ===== انا مااتوقع بصراحه ان ام 40 باقي فيها دلع وحتى لو

باقي اتوقع انه مايركب عليها .... ابد يكفي السوالف الزينه والطبخ ونحوه, ...وبعض الحتسيـّات الحلوه (اللي انتم خابرين) اما قعدة الحضن ذي ماهقيتها .......... على العموم هذي وجهات نظر ويمكن وجهة نظرك هي الصح لانك اكيد اكبر مني ( واحد صغير ) واكيد افهم مني ...........

الان خلصنا منك ...... نستقعد لبقايا نزف :-

اولا انا اخ مهوب اخت ,,,,, ادري ان اسمي بناتي بس وش اسوي بغيت احطه جواد وطلع جودي ..... وبعدين وش فيه جودي وش زينه ويركب على الاولاد (واحد مـ )

لكن كلامك نصفه صح وفيه حاجه غلط ........

الغلط انك قلتي ان برا الوحده تعاشر عشر وانا اخاف انك ظلمتي لانك ما استثنيتي (وبرا يعني العرب --- لان هذولاك ماعليهم شرهه اصلا ولاحناب متكلمين فيهم ) .........

والصح انك قلتي ان السعوديات جعلهن يسلمن (واحد خـ )يحفظن الرجل في غيبته مهما كان قبل وبعد الزواج .......

على العموم انا اسف على هذا الصّـك ...... (لو يدرون عني المحكمه وظفوني ) ومع السلامه

الكاتب : جودي

[بقايا نزف]

اسفيييييييييييين أخونا جواد أقصد جودي>>>>>>إلى الحين أنا مو مقتنعه أنك ولد

وبعدين شكرا إلى أنك سبقتني بالموضوع وأنا اتهامي أكيد ماراح يشمل المسلمات هناك...

لكم تحياتي...

بقايا نزف...