| قررتُ أنْ أصبِحَ شرّيرَة |

[دِيم]

اقتباس:  المشاركة الأصلية كتبت بواسطة مـ ــ ط ــ ـر     ’ ’ أختي ديم.. هناك من الناس من لايصلح معهم إلا القوة وليس (الشر) وهناك من لايصلح معه غير اللين وهناك من لايصلح أن تكرميه وهو (اللئيم) الذي ينكر المعروف ولايعترف بالجميل والإحسان الناس يختلفون.. ولكن بالطبع يجب أن نتعامل معهم بالأسلوب الذي يساهم في ردع المسيئ منهم ومكافأة المحسن منهم بدون أن نجعلهم يغيروا من شخصياتنا أو أن نسمح لأحد منهم ان يلوث قلوبنا بنقطة سوداء

,

من حيث أنتهيتِ .. :
هو تسميم مشاعر وقلوب مو بس تلويث ..
تلاقي وحدة من زميلاتك , مانامت الله لا يبلانا تخطط شلون تغثثك بين البنات ..
الله لا يشغلنا إلا بطاعته
تطنشين مرة , مرتين ..
وبالنهاية أنتِ بشر , لازم تتلوثين ..



حياكِ ..

[..همسة عتآآب..]

بكم حقكم يالقصيميات ابليس يتوحش منكم..ههههههههاي

[روح لايسعهآ جسـد]

اقتباس:  المشاركة الأصلية كتبت بواسطة قـتـالـه     ايه غيرت لهجتها علشان السحا ربايا اثل فرانكفورت يفهمن عليها العتب على قلة السنع والعرف بالمواجيب يااصول وياشيب عيني اذا سحاتن رطبه جايه تعتب على اصل العز آه بس ويلموني بكن يالسحا شوفن وشلون يقللن من مقدارهن بأيديهن اكيد ياروح مافيه تناسب ولا نسبه وهذا من فضل ربي وكل اصيل يقوده لسانوه وعز الله انتتس غلطتي غلط جاهل مايدرك وش يبربر فيه !

آآآآآآوووووف خلاص انا اسفه

[دِيم]

اقتباس:  المشاركة الأصلية كتبت بواسطة •» سُلِّطـآَن الْغَرَآم «•     . أعملي ما ترين أنه الصالح لك ,, بعيدا ً عن آراء الناس أجمع ... فـ عند تتبعك لـ آرائهم ,,, ستجدين العجب العجــآب .. هذا يريد منك أن تكوني صنما ً مبتسما ً فقط .. و الآخر يرى بـ أنك متحدثه بآرعه و من الأفضل لك أن تتحدثي عن كل شئ ..!! و الأخر يريد منك أن تكون نسخة منه طبق الأصل .. و على هذا ,,, سيستمر مسلسل الإستنزاف الحاصل لـي و لـ أفكاري .. بدون أن أجد نفسي لمرة واحده ,,, تطبق ما أريده أنا ..!! ,

ولا تعليق ..


+
مجبورين نساير الوضع .. ونبطل مثاليات ورقي على حساب حرق كروت أعصابنا ..




تحيّة ..

[دِيم]

اقتباس:  المشاركة الأصلية كتبت بواسطة مهاجم دولي     بالعكس ليست اسوأ نصيحه تقدم الا اذا اردتي ذلك .. لايوجد شي اجمل من ان نكون سجايانا .. عندما نكون على سجيتنا هناك حقيقه واحده هو انه لايوجد احد مثلك او يشبهك ابدا .. ابدا علينا ان نقبل ذآتنا كما هي .. ولا نهتم للاخرين .. فكما ان لهم سجيه ..نحن كذلك ^_^

.
.

وبتله نبي نصير على سجايانا .. هه .. ؟ > أهم شي بتلة .. : )


هو إنو مافيه أحد يشبه لي هذي قاضين منها ..
لكن وين اللي يتقبلك كما أنت ..


.
.
حياكِ ...

[دِيم]

اقتباس:  المشاركة الأصلية كتبت بواسطة طـمـوح     ومن قال لكِ أن الانسان المؤمن يريد أن يرضى عنه الجميع ؟ فرضى الله ثم رضى الوالدين علينا هي أحد غايات المؤمن ولنا في رسولنا عليه أفضل الصلواة و أتم التسليم قدوة حسنة, كم شخص من الذين حوله رضوا عنه ؟ وكم شخص كرهه ولم يصدق ما قاله ونعته باسوأ الصفات ؟ لا تجعلي رضاء الناس غاية, فهي لا تدرك .. وتلمسي الخير أينما كان وتذكري قول رسول الله صلى الله عليه وسلم عن عدي بن حاتم قال: ( ذكر النبي صلى الله عليه وسلم النار فتعوذ منها وأشاح بوجهه ثم ذكر النار فتعوذ منها وأشاح بوجهه قال شعبة أما مرتين فلا أشك ثم قال اتقوا النار ولو بشق تمرة, فإن لم تجد فبكلمة طيبة ) فلا تكوني ضعيفة, وتتأثرين من موقف أو اثنين. فالبركة والخير في الطيبة. كوني على سجيتك وفطرتك الطيبة واعملي لآخرتك ولا تهتمي لكلام الناس. وفقك الله وجميعنا لما يحب ويرضى

اللهم صلِّ وسلم وبارك على سيدي محمد ..



ومن قال لك بأني أريد رضى الناس ,,.؟
كل ما أريده هو أن لا أبقى وحيدة , فقط ..


إضافتك رائعة جداً

تحيتي ..

[دِيم]

اقتباس:  المشاركة الأصلية كتبت بواسطة ..همسة عتآآب..     بكم حقكم يالقصيميات ابليس يتوحش منكم..ههههههههاي

,
,

يالبى القصيميات ..

,
وش سمه ذا والله ياصورتك الرمزية إنها تهبل .. > موصية تمدح صورتس ..

[قـتـالـه]

اقتباس:  المشاركة الأصلية كتبت بواسطة دِيم     , وش سمه ذا والله ياصورتك الرمزية إنها تهبل .. > موصية تمدح صورتس ..

ياحيي كملي باقي الوصاة وراتس باقصته :/
هماي قايلتلتس حطي الرقي بظرف فوق الدولاب الاقصى

[دِيم]

اقتباس:  المشاركة الأصلية كتبت بواسطة قـتـالـه     ياحيي كملي باقي الوصاة وراتس باقصته :/ هماي قايلتلتس حطي الرقي بظرف فوق الدولاب الاقصى

عمّه ماعرف ...

عندتس ظرف كبير أحط فيه الرقي ..؟
أنتِ تعرفين إنه تغلغل فينا ..


تري له مسمى ثاني .. (الرقي يعني )
إسمه سلوم ومواجيب .. لكن هم يلطفون جوّه يقولون رقي ..


_

هموسة يمه , لا تطنزين بالقصيميات وأنتِ حاطة دبابات . ..

[قـتـالـه]

اقتباس:  المشاركة الأصلية كتبت بواسطة دِيم     عمّه ماعرف ... _ هموسة يمه , لا تطنزين بالقصيميات وأنتِ حاطة دبابات . ..

هذا (الدرس الاول )شفتي سهلها بالله مابردت تسبدتس

احس غمضتي ومسكتي اطراف كيبوردتس وقلتيها بسرعه وانتي ضاغطه على تسجيل خروج هه

[قـتـالـه]

اقتباس:  المشاركة الأصلية كتبت بواسطة نبض قلب     تصدقين اتمنى اني اشوفك لو بالحلم

يحيي نباك يالشيخه ..
تفرحين بشوفة نبيتس ياعين حيي وحياني ,

[طقاقة بدون مايك]

ايه ي بعد ميتي وحيي ديم

لا بس شريرأت ... مانيب ادانيهن ذولاك الجاسوسات الثلاث الخضرا والحمرا والصفرا حقات mbc3
ازين خن نصير بلوط و علقم الي بمدينة النخيل<<تسني أشوفتس تقولين الله يخلف ع هالبثرة وش جابه هاذي <<:$


قبل 4 أيام قبل لاتنزلين هالمآضوع افكر بيني وبين نفسي وذآتي أغير نيكنيمي بعد ما أكمل الالفية الاولى
يعني أغير وهكآ:$

وشسمه كنت ناويت أغير من "طقاقة" ل "شريرة"


وجيتي ي معآلي سموتس ونزلتي هآلبربسة:$$<<لاتدققين من حر تسبدي :$

طايب تسان قلتي:$

قررت أن اكون موجرمة أو نحسة أو مستلعنة أو شبح ضروسآ أو ثعلبة<ضاقت عليتس الا شرشر:$

الحين يومي ابغيره بيقولون نهبتوه هآذي من موضوع ديم وهكآ :$


والا برايتس اصير شريره اسم و شخصية وأحطه والي يصير يصير وماعلي من أحد سوآ قالو نهبته والا مانهبته:$
وهذآ اول الخطوات للشر وأن أصبح شرشر:$$$

[نبض قلب]

اقتباس:  المشاركة الأصلية كتبت بواسطة قـتـالـه     يحيي نباك يالشيخه .. تفرحين بشوفة نبيتس ياعين حيي وحياني ,

كلامك يذكرني بوحده اعرفها من حايل 0

ماشاء الله عليها زوجها شايلها من الارض شيل ومسكنها بقصر
بس تستاهل والله ,, بنت رجال صدق0

قتّاله يقولون بنات حايل عندهم السحر الحلال للرجال صدق ؟؟

معليش آنسه ديم خلطنا الحابل بالنابل هنا
لكن انتي مو شريره طيبه اكيد وتبي تعطيننا شوي من صفحاتك القميله

[قـتـالـه]

اقتباس:  المشاركة الأصلية كتبت بواسطة نبض قلب     قتّاله يقولون بنات حايل عندهم السحر الحلال للرجال صدق ؟؟

الله يسعدها ويرزقنا :/
اطريتي مليح ياحيي
ودي اسهب واعلمتس بهن بس اخاف ينزحم موضوع طربتي ديم بالقنافذ المشوربه
خصوا الشماليات بموضوع وابشري ياعيني باللي يعلمتس بسحرهن

[طقاقة بدون مايك]

قتآلة


رحم الله وآلديتس ي شيخة ... تسيف أنتس مشرفتن الديرة
الي أنتي منه هوب بعض النآس ..<<<ماتقصد حضرتي :$$
حتسيتس يفلج ويوسع صديري..متآبعة لتس بالأغلب بس بصمت:$

ديم

اس اس اس اسفة ع الدخلآت الي بالعرض:$