بسم الله الرحمن الرحيم
السلام عليكم ورحمة الله وبركاته
هـذا واحد اسمه خـالــد جاهـ مرض و قالوله انه بيموت
كتب الشعر لصديقه يقول له فيه ...
انه يحب حبيبته و يبي من خويه هذا انه يخليها تنساهـ ...
اقرأ القصيده والله تستاهل ... وراح تعرف معنى الحب الصادق
[frame="7 80"]وصاتي لك من بعـدي ........ تمـوت فيهـا علشانـي
ابيها تعيش و تحيا بك ........ واظل بالذاكـره مفقـود
وصاتي لك تنسيها ........ ملامـح وجهـي و تنسانـي
وتعزفها قصيدة حب ........ على عكس اللي عزفته بعود
وصاتي لك تبعدهـا ........ عـن اشعـاري وقيفانـي
تراها مغرمة بالحيل ........ ويشهد لـي عـدد الـردود
وصاتي لك تسايرها ........ ترى فيهـا مـن احزانـي
طلبتك لايضيق بالك ........ طلبتك والطلـب مـردود
وصاتي لـك تناديهـا ........ حياتي..عمري..ازمانـي
انـا عودتهـا دايـم ........ ادلعهـا وانـا مـوجـود
وصاتي لك تعاملهـا ........ بطيبـه قلـب و احسانـي
تراها تـذرف الدمعـه ........ ودمعتهـا بليٌـا حـدود
وصاتي لك تحفظهـا ........ سـور وآيـات قرآنـي
وتخبرها عن الميـت ........ رحـل لايمكنـه بيعـود
وصاتي لك ترسمهـا ........ علـى قبـري وأكفانـي
ابيها لوحة تبقى ........ علـى طـول الزمـن محـدود
وصاتي لك تمازحها ........ وتشوف الضحكة بأسنانـي
سعيتك ياضحك هالكون ........ طلبتك لاتصير جلمـود
وصاتي لك تقهويهـا ........ مـن دلالـي و فنجالـي
تراها تعشق السمـرا ........ ويكفيهـا دخـون العـود
وصاتي لك تركبها ........ على خيلي و على حصانـي
وربي فارسة من قلب ........ شهـادة ماهـي لشهـود
وصاتي لك تسفرهـا ........ بـلاد الشـام و لبنانـي
ترى يحلالها تقطف ورده ........ وردة من بلد الـورود
وصاتي لك تراقصهـا ........ علـى الحـان رحبانـي
ترى فيها عرق خالة ........ وفيها من جنـون السـود
وصاتي لـك تحببهـا ........ فأبونـورة بعـد هانـي
وتنسيها ندم غلطة ........ انـا فيهـا تـرى المقصـود
وصاتي لك تكرهها ........ فـي تاريخـي و عنوانـي
أبيها تلعن اللحظة ........ وتلعـن كـل فـرح موعـود
وصاتي لك تكلمها ........ عن المجني وعـن الجانـي
وتخليني انا الظالم ........ وانـا مـن حـرق الاخـدود
وصاتـي لـك تشبهنـي ........ بـدم أحمـر قـانـي
وانا هالقاتل السفاح ........ مجرم من عصـر نمـرود
وصاتـي لـك تحلفهـا ........ تتـوب تحبنـي ثانـي
ترى يكفيها ماعانـت ........ ويكفـي حيلهـا مهـدود
وصاتي لـك تنسيهـا ........ وصيـة قالهـا لسانـي
أنا اخبرك رجل موقـف ........ وانـت قدهـا وقـدود
صديقي مالقيت غيرك ........ يعرف وشلـون تنسانـي
أمانه ضمها بقلبك ........ ترى خالد ....رحل مايعـود [/frame]
جازت لي ونقلته لكم واتمنى تكون جديده عليكم
قصيده مؤثره :(
العرض العادي
