أحلامها وردية .... تبخرت وأصبحت سراباً بقيعة (( كيد بعض النساء ))

[كفاني عذاب]

ُ
ُ
ُ
ُ
ُ
ُ

تعيش كل يوم أحلامها بعد أن وصلت إلى العمر الذي يخولها بأن تبني عش الزوجية وأن تفكر بفارس أحلامها
/
شكله
وظيفته
السفر
شهر العسل
حبه لها
حبها له
كلامه وأحاديثه
ضحكه وأبتسامته
/
وتستقر الاحلام في غرفة نومها في لحظات السكون وأقتراب النوم
تصبح وقد ابتسمت بعد حلم جميل
ويحين المساء لتزورهم أختها وقريبتها ومع قهورة المساء تبتدئ المتزوجات بقذف الرجال بأبشع الكلمات وأقبح الاوصاف والاشمئزاز من الحياة الزوجية والتهديد والوعيد والتحذير ورسم الخطط للكيد بالزوج

والمسكينة تجلس صامتة مصدومة من هذا الكلام وكأن الانهيار الكبير يحدث أمامها وتتحطم أحلامها وأمالها بكل شي

الكثير من الاخوات المتزوجات أو الصديقات لبعض العائلات تدمر حياة أخريات بهذه التصرفات الغير مسؤولة
/
فمتى تعي المتزوجات أن مثل هذه الاحاديث خاطئة أمام الفرفورات ؟
/
كل التحايا لكم

[الهوى ـآ الغــايب]

هذا من غير النصآئح القآتله للزوآج والمسرعه للطلاق ..
واكبر سبب في زيادة نسب الطلاق هو امتثال المتزوجات الحديثات لنصائح من سبقوها

وتعبئة الرؤوس بالكلام الفارغ .. (رجلك على ما عودتيه وولدك على ماربيتيه ... الخ ) من هذه الامثله
اذكـر جارة خوآلي جت لخالتي قبل زواجها بكم اسبوع وقالت لخالتي
بشهر العسل روحي لاي محل ذهب واشتري طقم ذهب بـ 5000 ماراحا يقول لك لا
لانكم جديدين على بعض علشان يدري وتعودينه انك ما تحبي الا هالاطقم ذي
هذا من غير الساعات المآركآت و .. و ..

وختمت كلامه قالت اذا مااشترى لك ذولي بشهر العسل لا يهمك تراه بعدين ماراح يشتري لك
شي ولا من محل ابو ريالين ههههههه

الحمد لله ان خالتي لديها خوآت رزينات اخرجوا هذا الكلام من رآسه
لكن تخيلو وحده اقتنعت بهالكلام وش يبي يصير !!!

[رغــــيد]

سبحآآن الله ..
أكرهـ وبشدة من تتكلم عن زوجها عند غيرهآ ..
غبية وربي غبية ..!!
وحتى أنا ما تزوجت لكن أستحقر المرة اللي تتكلم عن زوجه ..!
أصلآ الحريم هذيلآ اللي جالسة تتكلم على زوجها عندهم ..وش راح يسوون له ..!
يرضونه دامه عندهم ويجرونه لكلآم أعمق من اللي قالته .. حتى يدخلون بخصوصياتهم وشؤونهم ..
والمسكينة تكب عشاه عندهم تحسبهم راحمينه و بيحلون له مشاكلة ..!
حتى مزايا الرجل لآ أفضل أن تذكرها الزوجة عند غيرها ..!
منها بيضيق صدر اللي زوجه شين ..ومنها تخليها تروح تقول لزوجه
زوج فلآنة فيه وفيه من المزايا تبغاه يصير مثل زوج فلانة .. وبعدها تبدأ المشاكل و الرّجال المسكين مو قادر يصير نفسه لظروف أو غيره .. [وعبارة وش حيث فلانة أنا وش نا قصني ] تلعب دوره معاها..

*.. شكرآ لطرحك الواقعي ..

.
.

[أسيل محمد]

لكي نكون اكثر عدلاً ليست فقد مجالس النساء بهذا الشكل .. وإن كنت ضد مايدور لااحب هذه الأحاديث إطلاقاً ..
ايضا هي مجالس الرجال ..
( اوطا على خشم زوجتك ، من اولها ورها العين الحمراء ،ليش ماتتزوج عليها وإلا خايف منها ..ياخي خذ عليها مسيار )
اقسم بالله انها الالسن هي التي تهدم البيوت ..

لكن وبما انني اسمع حديث بنات جنسي سأضرب لك مثالا .. تغيضني الزوجه التي تسمع من الاخريات .. وش اهداكِ زوجك بعد ماجاه مولود منك ؟
يبدأ هنا المزابا .. والمسكينه تفكر وش تسوي مع هالزوج اللي مايعطيها مثل مازوج اخته يعطي اخته .. \ونست بل تناست ان تقدر حال زوجها ..

الحديث والامثلة تطول في هذا المقام لكن اكتفي بذلك .. لكن اسأل الله التوفيق للجميع وان يصلح احوال المسلمين ..

[بطلة العالم]

[align=right]اساس معاملة الرجل المراءه
هي من تخلق السعاده له ولزوجها وتكسبه>>>الذكيه
واللي تكلم وتسب زوجه تسب نفسه بطريقه اخرى[/align]

[لمعةالألماس]

..

,, الغلط على اللي تسمع لهن ,,

البنت العاقله تنظر بعين العقل وليس بقول فلانه وعلانه ,
ومن سمعت لهن فهذا مقياس عقلها والشكوى لله ,,

..

[mark=#cc99ff]شكرا لكـ [/mark]

[عذبـــــة]

هذاك اول تنصدم اذا سمعت كلام هالمتزوجات وتتضايق
بنات الحين ماينخاف عليهن يصرفن ديرة وتلاقيها من تنخطب لين تتزوج مافكرت بزوجها وبالحياة الزوجية الا ثلاث مرات
مرة يوم الخطوبة ومرة يوم التحليل بالمستشفى ومرة يوم الملكة وليلة دخلتها تلاقيها ترعص بالبلاك بيري
خلاص احاسيسهن متبلدة وحيائهن طاير
لاتخافون عليهن ابد واتكلمو عن ازواجكم على كيف كيفكم عندهن لأنهن يدخّلن منّا ويطلعت منّاك .

[سُكَـِرْ]

اقتباس: فمتى تعي المتزوجات أن مثل هذه الاحاديث خاطئة أمام الفرفورات ؟

كيف تريدهآ تع ـي ـو هي لم تدرك آثر هذآ آلخ ـطأ ؟
آلذكيه من تحآول كسب زوجهآ بـ طريقتهآ ليس بفكر غيرهآ

من جد " آسمعي من هنآ ـو طلعي من هنآ "

,

كفآني عذـآب

شكرـآ لـ شخصك هذـآ آلطرح ,’
عآفآك الموولى ,’

[عازفة ألحان الليل]

هههههه

احلام وردية وحين تستيقظ من النوم تكون مبتسمة ثم تنصدم من كلام قريباتها هههه

هذي وين عايشة فيه!!! الصراحة الي كذا اعتبرة ميته مو عارفة من الدنيا شي إلا كتب الروايات وقصص الحب الي تشوفها وتقراها ..ومصدقة ان الدنيا وردية

نايمة بالعسل لين تنصدم لها يوم وبعدها مو عارفة كيف تتصرف ..الله يعينها ..

[ٱزξــآجْ ™]

صَرَاحَه فِيْه حَرِيْم مَادَرِي مُنْوَيْن يُفَكِّرَن

بَس الْحِيْن الْوِحْدَه اذَا تَكَلَّمْت عَن زَوْجِهَا بِكَلَام سِيْء
تِجِي الْثَّانِيَه وَتَقُوْل اشْيَن مِنْه وَيَكُوْن بَيْن الْمْرَاه وَزَوْجِه مُشَاجَرَات

وَالْعَكْس يَكُوْن رَجُلُهَا مَعِيشَهَا بِالْحَيَاه الَي تَبَغَى
وَالْثَّانِيَه تَرُوْح لِزَوْجِهَا تَقُوْل فَلَانَّه عِنْدَه وَفُلَانَه شُرْت وَفُلَانَه سَافَرَت لِلْخَارِج


يُعْطِيَكـ الْعَافِيَه ع الْطَرِح

[نبراس القصيم]

وهناك من تتكلم بعكس ماهي عايشة مع زوجها

لكي تبعد العين عنها وعن زوجها


وهناك من تحاول أن تطبق على الآخريات ما لم تستطيع أن تطبقه على

زوجها

أو لتجعل الأخريات حقل تجارب قبل الأقدام على فعل ما



فليس كل ما قيل يصدق

[روح لايسعهآ جسـد]

والله لو يبتلن الحريم يسبن ويلعنن ويشتمن برجالهن
البنات قاتلات حالهن ع الزواج لامحاله
بعضهن نفسها تتزوج بدون مهر اهم شيء تركب قدام هههه
لاتخاف عليهن
بالزمن هذا الرجل هو اللي يتعقد ولايفكر بالزواج

[ابو فارس الحمادا]

أهلا فيك كفاني عذاب
موضوع مميزوجميل يحكي واقع مريرفي مجتمعاتنا
أكثرمايثيرالكلام القبيح بين النساءهنّ النساءالفاشلات
ديناًوعقلاً وقد يكون المطلقات لهنّ نصيب في ذلك
شكراأخي الكريم

[قـتـالـه]

مااشوفه ردهن عن العرس !
هذاهن يدورن الرجال باللي هوبه ماوفرن احد
الدعوى مخامط حتى ابوة العيال ماسلمو
الله اكبر ياللي يحسبن للمستقبل حساب
يفكرن على الطريقه اللبنانيه عش ليومك ..!

[لعيون دودي]

عزيزي...
كثير هو"هرج"النساء بالمجالس ولا يهونوا" الرجال"
المتيقظه الفطنه لا احد يحركها ويتخذ لها القرار..
هي من تضيف لنفسها لا غيرها !!
و"النصيب " وهذا الاهم حين يطرق بابها لن تلتفت لاصواتهن..
وقفه... ربما سمعت ايضا من غيرهن عن ذلك العالم الحالم السرمدي فحلمت به
وتعايشت معه لتتصدم غدا بواقع غيره!! هي من يقرر ويرسم عالمها
دمت بود