كل عام وعيد الاضحى يبتسم بلمعة السكين

[بقايا إنسانه]

خواطر او قد تكون مسجات عيد

صباح العيد......

ياانفاس الطيور وشهقة العصفور
صباح الدم ...عذرا يا لحم هالكائن الحي
صباح عيون امي صباح اصراخ ابوي
صباح الضجه وطفل يلبس واختي تدور الجزمه
صباحي غير ...جمعه غير...واحساسي يختلف مره
على صمت الانتظار البس وعلى الحيره انا اتمكيج
وارسم كحله في عيني وخبي دمعتي وارمش
صباحي غير ..غيابه غير..وحتى مرايتي ماتنهضم غير
قررت انا هذي السنه .....
مااسال...ولا اعايد.. ولا امثل على جرحي
..........قررت انا
..........وحلفت انا
- واخترت.. صمت عنوانه انا

ثلاث سنين او اكثر كنت ابتسم للعيد
كنت اول من يطمر على حضن ابوه ويرجع يزعج اخوانه
واول من يلعب مع الشمس ويغني باالحانه

ولكن هالسنه غير...
ممله حيل تفاصيلي ..عجزت امثل ادواري..
ابي الروتين السنويه يصحيني عشان يعايد انفاسي
وامثل اني ماصحيت الى على شانه
وييارك لي ويروق خاطري بكلمه

...........
اسفه ماقدرت اكمل حروفي ..ولا اكتملت صيغة الرسمه.. حاولت اتخيل عيد هالسنه ولكن تلخبطت الالوان
اكيد بعد يوم بيرسمها لي زمن ..عودني باابداعه
.................................................. .......

الى هذا المكان واعضائه,,,,عساكم من عواده وعيدكم خير
قبله عوده في هذا المنتدى
اتمنى ان يروق لكم

كل عام وعيد الاضحى يبتسم بلمعة السكين
كل عام وصاحب السكين مستعجل على الاضحى
كل عام وانا بخوف
وذاك الخوف هد الحيل
كل عام ياعام بلا صاحبه غامض ومقهور

لاالعيد ولا الصبح ولااعذار العاشقين تقدر تعيد اشياء مكسوره

لكن.. يمكن اني انتظرت العيد لااجل اني ابي اعيد
مثل الناس عذري واستلذ بلهجته وصوته

وينك يايوم عشره استعجل مواقيتك
ابي عيدك علي مبارك وتتسهل معاسيري
ابي يومك يصنع فيه عذر الشوق ويجيبه
وينك مالي بعد ربي غيرك يوصلني لتفكيره

يلذة العيد وانتي تقطعين اللحمه
ياجعلني فدوة ايدك وفدوة باقي تفاصيلك
عيدك مبارك يايمه ربي لايحرم شروطي من دلع امي ورضاها

الى الغالي الى ملمس هواء بالي الى اطارف احلامي الى السيد الى اكبر معجزه بقلبي

عليك العيد يتبارك وفيك انفاسي مرتبطه عساك بخير وعسى ربي يحقق فيك اشيائي

بعد يوم ابي اصحى او ماابي انوم
انا فيني من اللهفه كثر ماراح لعرفه قلوب بيضاء ملتحفه
انا فيني من الانتظار كثر ماشتقت الكعبه يجي طواف من الجمره
انا فيني عنواين البسمه بس ويني ...

انا مااذكر بهالدنيا تواريخ...الا اشياء معدوده
وخصوصا مولده وعيده ...وبعض ارقام مخصوصه
ولان اليوم يذكرني ...بزمن اجمل من تفاصيلي
جيت بقلب يذبحني...نبضه اشغل الراحه
حلف ماتهداء صرخاته الا لوصلت صوبك
وعلى دربك انا جيتك اقول ياسيدهم قيدك
حرام اعيش مكبوته اسمع كلمه ممزوجه
خواطر روح مجبوله ودمعة اشتياق وذوق
ورقه لخبطت الخيوط وقلم حاول مع حروفي
يرسم لك عيدك خير وصباح الخير ياروحي

انا طيب واخباري على ماكنت اخباري ...ا
صحيح شوي تغير فيني صوتي وجنوني رحل بزاوية موتي
لكني بخير مدام العيد على ابوابي وصاحبي جاني وماتناسى مواعيدي
وعيدك خير وصوتك لو لامس ايامي اصير بخير
وعيدي غير لو صبح بعيدي وماتناسى مواعيدي

بعد ماخذت عهد اني على النسيان اتمسك
ولا يهزني شعور العيد ولا ابارك مثل كل عيد
عهدت اني اغمض عين هذا الشوق
تعبت ابحث انا وحدي ولا منه يجي مبحوث
بعد ماخذت كل انواع وعود النفس بالنسيان
ودعيت الله يوعضني عن ايامه انا بخير
ويعوض عيدي اللي جاي
نور بدل نور صويحبي القاسي
ويرحم ربي اعضائي ويرحم روحي وجنوني
بعد كل هالصبر وتصميم واشياء مادري جت من وين
يجيني هو برجوله هنا لقلبي
يعني خلاص انكسرت قوانيني ووعود اخدتها بنفسي
ابي ارد واقول عيدك بعد انت بخير
استسلمت مني اشيائي كالعاده مافي جديد
اذا انصنع لجله امل طنشني ولا جاني
و اذا انخلق فيني نفس للنسيان جاني يكتم انفاسي

مميز يومي بصوته عذره يبارك لعيدي مميز صوتي بصمته
وعلى عذره انا كملت لانه ميز انفاسي
وقلت اهديله مطلوبه وافق فعلي شروطه
تميز يومي ويومه وصل فينا شعور الروح
اختلفنا واتفقنا نبتسم عداه لي وعديت له
وعشان العيد... جنوني فك به قيده
وهو ماقصر اعطاني مده.. ولمحه بعد من يده
عسى ربي يخلني على شانه
وعسى ربي يخليهم على شاني
وشان احبابهم ومن شان باقي الناس وكل اللي قدر يوصل لقلبهم

قال قطعي قلت بدري...
مااذكر اني بيت امي لمست يدي غرابيل الخروف ولخبطة جسمه
قال سمي اوعدك اليوم تتعودين مني
اعتذرلك انا اشوي انا اطبخ انا اكل بس اقطع اعتذرلك
ابتسم لي وسحب جسمي ...شفت حالي.. التفت وقلت بدري
قال عيديه صباح العيد... ابتسمت وقلت امر
كلي ملكك لحمي لحمك يالله فرصه قطع اعضائي وكسر
ياهو عيد ياهو يوم يا حتى جمعت اهلي ماابيها
قال متاكده يعني اجهز سهرة الليل ونبداء
من الضحكه جلست قلت امزح
لاتصدق اسحب على العالم ولا اسحب على بوسة امي
قال طيب والتف راح يلبس ومالبست
كان طيب كان راقي كان ذوق
ودي اغير قراري واجلس معه واحذف مواعيدي
بس ودي احضن امي وكيف ودي مع ودي يجتمع احترت مني

سبحان من غير الحال
هذي السنه مالي على الحرف طاقه..
ولا لي قدره على باقي تفاصيله
العام بنفس اليوم
كنت اتفنن بااحلى حرف
ينبض صوته اشواق واغاني ودمعة الفرحه
واليوم بعكس العام
كل حرف اكتبه ينزف انينه قبل ارتباطه بجملته

اعتذر ان كان حرفي طال صوته
كل مافي الامر اني
حاولت ان تكون مصافحة عيديه
تعبر عني بلسان حرفي


كل عام وانتم بخير

للجميع حق الانتقاد .....بدون قيود
وللجميع حق النسخ......مع ذكر كاتب المنسوخ

سلاااااامي

[عجوز سمنسي]

[align=center]رائعة انتي

لن تكوني بقايا انسانة

بل انتي الانسانة بكمال روعتها واحساسها وعبق حروفها واريج حفلتها

هنا حفلة كاملة

هنا عيد باذخ

هنا فرحة مكتملة

هنا عيدي

رائعة انتي بحق

تحيتي[/align]

[كلوز]

رائع ماخطيته أختي الفاضلــه

وكل عام وانت بخير

[مندوب الشمال]

.
.
.
.
وددت أن لا ينتهي غرقي هنا ..


أهلاً بك بقايا وبقلمك الجميل الذي إفتقدناه كثيراً ..

كوني بخير ..

[وضوح]

سبحان من غير الحال
هذي السنه مالي على الحرف طاقه..
ولا لي قدره على باقي تفاصيله
العام بنفس اليوم
كنت اتفنن بااحلى حرف
ينبض صوته اشواق واغاني ودمعة الفرحه
واليوم بعكس العام
كل حرف اكتبه ينزف انينه قبل ارتباطه بجملته


[align=center] ،

،

راائعه ..حروف لامست شغاف قلبي ..

دمـــ مبدعه ـــتِ ،،[/align]

[بقايا إنسانه]

اقتباس:  المشاركة الأصلية كتبت بواسطة عجوز سمنسي     [align=center]رائعة انتي لن تكوني بقايا انسانة بل انتي الانسانة بكمال روعتها واحساسها وعبق حروفها واريج حفلتها هنا حفلة كاملة هنا عيد باذخ هنا فرحة مكتملة هنا عيدي رائعة انتي بحق تحيتي[/align]

نادرا ماتبتسم صفحتى الا حد الجنون
إلا حين يكون من اضاف لها اناس يستحق ان نسعد بمرورهم

وكل عام وانت بخير

[بقايا إنسانه]

اقتباس:  المشاركة الأصلية كتبت بواسطة الجهني     رائع ماخطيته أختي الفاضلــه وكل عام وانت بخير

وانت باالف خير
سعدت بمرورك

[بقايا إنسانه]

اقتباس:  المشاركة الأصلية كتبت بواسطة مندوب الشمال     . . . . وددت أن لا ينتهي غرقي هنا .. أهلاً بك بقايا وبقلمك الجميل الذي إفتقدناه كثيراً .. كوني بخير ..

اشعر بنشوة العضمه حين اعلم ان حروفي تروق لجزء من احاسيسهم


كل عام وانت بخير

[بقايا إنسانه]

اقتباس:  المشاركة الأصلية كتبت بواسطة وضوح     سبحان من غير الحال هذي السنه مالي على الحرف طاقه.. ولا لي قدره على باقي تفاصيله العام بنفس اليوم كنت اتفنن بااحلى حرف ينبض صوته اشواق واغاني ودمعة الفرحه واليوم بعكس العام كل حرف اكتبه ينزف انينه قبل ارتباطه بجملته [align=center] ، راائعه ..حروف لامست شغاف قلبي .. دمـــ مبدعه ـــتِ ،،[/align]

ودامت لنا عيون المبدعين

...............كلي يقين انه لا يراء بقايا الابداع الا المبدع بالفطره....


كل عام انتِ بخير

[شموخ الحب]

بعد ماخذت عهد اني على النسيان اتمسك
ولا يهزني شعور العيد ولا ابارك مثل كل عيد
عهدت اني اغمض عين هذا الشوق
تعبت ابحث انا وحدي ولا منه يجي مبحوث
بعد ماخذت كل انواع وعود النفس بالنسيان
ودعيت الله يوعضني عن ايامه انا بخير
ويعوض عيدي اللي جاي
نور بدل نور صويحبي القاسي
ويرحم ربي اعضائي ويرحم روحي وجنوني
بعد كل هالصبر وتصميم واشياء مادري جت من وين
يجيني هو برجوله هنا لقلبي
يعني خلاص انكسرت قوانيني ووعود اخدتها بنفسي
ابي ارد واقول عيدك بعد انت بخير
استسلمت مني اشيائي كالعاده مافي جديد
اذا انصنع لجله امل طنشني ولا جاني
و اذا انخلق فيني نفس للنسيان جاني يكتم انفاسي

((رأيتني فيها ))

،
،
الغاليه / بقايا انسانه

تجلت الروعة من نبع حرفك,,
شكرا لك غاليتي ,,

لاحرمنا روائعك,,
الله يسعدك,,

[نواف العابر]

[align=right]
هناك سكاكين في غمدها
تنتظر لتنقض .. على جمل الصبر إن خارت قواه

هناك إبر دقيقه رقيقة أنيقة
ترقص صفاً واحداً على الجراح

هناك في قاع الغربة
وحشة لا يمسها الفرح الشاحب
لايقدر عليها ولن

هناك شوق يمتد (كسرب حمام)

لاتوجد فاصلة بين الدمعة والبسمة
|
|
|
ياعيد صوت المطر شرّع لحزني جفاف
............. لين انبلج صبح ياس لكسرة الخاطر
عطني أمان الوصال ومن دفاك اختلاف
............. أبوس راسك تعب . . نوافك العابر

عيدكم مبارك
أطيب التحيات
[/align]

[بقايا إنسانه]

اقتباس:  المشاركة الأصلية كتبت بواسطة شموخ الحب     بعد ماخذت عهد اني على النسيان اتمسك ولا يهزني شعور العيد ولا ابارك مثل كل عيد عهدت اني اغمض عين هذا الشوق تعبت ابحث انا وحدي ولا منه يجي مبحوث بعد ماخذت كل انواع وعود النفس بالنسيان ودعيت الله يوعضني عن ايامه انا بخير ويعوض عيدي اللي جاي نور بدل نور صويحبي القاسي ويرحم ربي اعضائي ويرحم روحي وجنوني بعد كل هالصبر وتصميم واشياء مادري جت من وين يجيني هو برجوله هنا لقلبي يعني خلاص انكسرت قوانيني ووعود اخدتها بنفسي ابي ارد واقول عيدك بعد انت بخير استسلمت مني اشيائي كالعاده مافي جديد اذا انصنع لجله امل طنشني ولا جاني و اذا انخلق فيني نفس للنسيان جاني يكتم انفاسي ((رأيتني فيها )) ، ، الغاليه / بقايا انسانه تجلت الروعة من نبع حرفك,, شكرا لك غاليتي ,, لاحرمنا روائعك,, الله يسعدك,,

اجمل مايكون ان تنطبق الاحاسيس فيتصف بهم كما وصفتني

اسعدني كثيرا هذا الشعور
شكرا على وجودك

[بقايا إنسانه]

اقتباس:  المشاركة الأصلية كتبت بواسطة نواف العابر     [align=right] هناك سكاكين في غمدها تنتظر لتنقض .. على جمل الصبر إن خارت قواه هناك إبر دقيقه رقيقة أنيقة ترقص صفاً واحداً على الجراح هناك في قاع الغربة وحشة لا يمسها الفرح الشاحب لايقدر عليها ولن هناك شوق يمتد (كسرب حمام) لاتوجد فاصلة بين الدمعة والبسمة | | | ياعيد صوت المطر شرّع لحزني جفاف ............. لين انبلج صبح ياس لكسرة الخاطر عطني أمان الوصال ومن دفاك اختلاف ............. أبوس راسك تعب . . نوافك العابر عيدكم مبارك أطيب التحيات [/align]

شعرت بالخجل كثير حينا رايت الابداع الحقيقي......

اقتباس: هناك إبر دقيقه رقيقة أنيقة ترقص صفاً واحداً على الجراح

رائعه تلك الحروف.....هل يحق لي ان انفجر نشوة فخر حين تكون تلك الحروف في صفحتي


لذيذ مرورك

[yousef]