سجل حضورك ببيت من الشعر

[آبرآهيموڤيتش]

ليه شاعر ..؟؟

و أنت .. وش مزعلك منّه ..؟!


خلي هــ الإنسان يعزف ..

خله ينزف ..

و ينثر أوجاعه و فنّه ..


وش عليك من إحتراقه ..

و من مذاقه ..

و من تناهيد الوجع و اللي يكنّه ..؟!


ليه يكسر ..؟؟

ليه يسرف بــ الحداثة ..؟

ليه ما يوزن همومه ..؟

و ليه يكتب فوق سنّه ..؟


ليه ينثر ..؟؟

ليه ما كمّل ( حراثة ) ..؟

ليه جدّدها (هدومه ) ..؟

و سنّ في ( التعبير ) سُنّة ..؟


يا أخي .. من غير ليه ..!

أنت بس إكفيه شرّك ..

و حـل عنّه ..!!

ليه شاعر ..؟!

ما عجبك إسكت ..


ترى غيرك يحس و له مشاعر ..

و البشر كومة مشاعر ..

من جنوب الأرض لــ أقصى ما خلق ربك مشاعر ..


و القصيدة ..

زفرة إحساس .. فريدة

تبتدي قبل الكلام ..

و تنتهي لكن .. دواير ..!


و القوافي ..

زخرفة موج و مرافي ..

و البحر إنسان صافي ..

لا يهين .. ولا يعاير ..


و الضماير ..

كل هــ الدنيا ضماير ..

من شواهيد القبر لين المناير ..


و من كتب بــ الطرس ونّه ..!

أو أمانيه إخذلنّه ..

ولا قدر يرضي جنابك ..!!

لا تخيب فيك ظنّه ..

و حـل عنّه ...!!!