أجرى الرئيس الهلال الأمير عبدالرحمن بن مساعد اتصالاً ببرنامج الجولة على art للتعليق على تصريح رئيس نادي القادسية المسيء للهلال وتحدث الأمير عبدالرحمن بن مساعد عن قضايا كثيرة تهم المشجع الهلالي مثل قضية عزيز والتعاقد مع مهاجم أجنبي في الفترة الشتوية. ويسرني أن اقد لكم تفريغاً نصياً لحديث الرئيس الهلالي لمن لم يتسنى له تحميل أو سماع كامل الاتصال.
سئل الرئيس عن رأيه في مستوى الفريق الهلالي في هذه المباراة فقال:
أولاً الحمد لله. أهم شي الثلاث نقاط حققناها وهذي بداية جيدة ومشجعة ان شاء الله. ولكن أنا مستغرب من شي . مستغرب من كلام الأخ عبدالله الهزاع رئيس نادي القادسية اللي أنا أكن له كل الاحتراك والتقدير ولكن أنا أول مرة أشوف فريق الحكم كان ناقص يلبس شعار نادي القادسية و (رئيس القادسية) يشتكي من التحكيم!! وعلى كلام الكابتن القدير محمد فودة كان فيه للهلال ضربتين جزاء واضحة وضوح الشمس في رابعة النهار!
ويقول (يقصد رئيس القادسية) إن الحكم ما خلا لعيبتنا تهاجم !!
يا أخي (والكلام للرئيس الهلالي) اللي ما خلا فريقك يهاجم الأكواع حقت مهاجمينك ! واللي كل ثلاث دقايق لاعب قدساوي طايح في أرض الملعب!! هذا اللي ما خلاك تهاجم !!
أتمنى ان الواحد ما يرمي ضعفه وأخطاؤه على الاخرين. إحنا السنة اللي فاتت ضاع مننا الدوري بتضافر جهود!! نتمنى السنة هذي الاخوان الحكام ما يكملون معنا بنفس الصورة الهزيلة اللي كان عليها الاخ الحكم عبدالرحمن العمري لأنه غير معقول يا أخي !!
إحنا السنة اللي فاتت إخذنا قرار ما نتكلم عن التحكيم لكن السنة هذي أي خطأ اشوفه على التحكيم ح أتكلم عنه لأنه السنة اللي فاتت اكتشفت اننا الوحيدين اللي ما نتكلم عن التحكيم وكانت تهضم حقوقنا بس الحين راح نتكلم عن التحكيم لما نشوف أخطاء خصوصاً أنو حتى منتخبنا تعرض لظلم تحكيمي فادح والمسؤلين عندنا أيضاً اشتكوا من التحكيم فأنا أشوف ان الاسلوب الامثل الآن أنو كل ما نشوف حكم يخطيء راح نبالغ بتقصي أدق الأخطاء ، ومن هالمنطلق أنا أقول أنو في الدقيقة 38 من الشوط الثاني لاعب القادسية قم 6 كان عنده بطاقة صفراء وضرب لاعبنا الكوري بوقس من غير كورة وما انطرد!! وفي الأخير يطلع الأخ رئيس القادسية ويشتكي من التحكيم !! سبحان الله!!
أتمنى أنو ما يضيع الدوري السنة هذي أيضاً بالمسلسلات والمهازل اللي قاعدين نشاهدها! والجواب باين من عنوانه!!
وفي سؤال لمقدم البرنامج عن رأي الرئيس الهلالي فيما اذا كان الهلال قد تعرض لظلم تحكيمي في هذه المباراة؟
أجاب سموه : ما عندي شك ! وأنا ما كان ودي أتكلم عن التحكيم بس اللي خلاني أتكلم بهالحدة تصريح رئيس القادسية المثير للعجب والنتيجة الطبيعية للمباراة 4-1 اليوم وبعد كذا يطلع رئيس القادسية ويقول الحكم ما خلا لعيبتنا تهاجم فهذا شي عجيب وأستغربه الحقيقة ويمكن الاخ رئيس القادسية شاف مباراة أخرى
وفي سؤال للمذيع : بعيداً عن التحكيم هل شعرت في لحظات أن الهلال لا يستطيع أن يعود الى أجواء المباراة ويكسب النقاط الثلاث ؟
أجاب الرئيس الهلالي: أنا كنت متأكد بحول الله وقوته ثم بثقتي باللاعبين ان الهلال راح يسجل الهدف الثاني بس اللي كنت اللي خايف منه حاجتين .الحاجة الأولى الوقت الضايع وخفت انو ما يحسب وقت ضايع كافي يخلينا نعوض ، ولكن كنت من طريقة اللعب واصرار اللاعبين ان الهلال ان شاء الله راح يسجل . وأحب أذكر السنة اللي فاتت في مباراتنا مع الوطني اللي لعبناها بدون لعيبة المنتخب فقدنا نقطتين بسبب تضييع الوقت وعدم احتساب وقت ضايع وعدم تعامل الحكم الحازم مع حالات تضييع الوقت وانا هذا اللي كنت خايف منه اليوم.
وفي سؤال لمقدم البرنامج: هل هناك اذا مطالبة بحكام غير سعوديين ؟
أجاب سموه: والله أنا أتمنى وأنا مستعد شخصياً كنادي الهلال أنو احنا ندفع تكاليف الحكام الاجانب لل 22 مباراة اللي راح يلعبها الفريق !! وما نبغى أحد يدفع لنا أي تكاليف للحكام الأجانب!!
التعاقد مع مهاجم أجنبي
و تحدث الرئيس الهلالي عن ان الفريق اليوم في الخطوة الأولى وحصل على النقاط الثلاث و بخصوص تساؤلات الجماهير حول التعاقد مع مهاجم اجنبي زي ما وردتنا تساؤلات كثير من الجماهير على ايميل النادي فأنا أحب أوضح أنو أحنا تعاقدنا السنة هذي مع تياقو نيفيز ومع عيسى المحياني ومع اللاعب الكوري وجددنا عقود ياسر القحطاني ونامي و عملنا عقود مع الزوري وعبدالعزيز الدوسري فالأمور هذي كلها كلفتنا مبالغ طائلة ولما نفكر نجيب لعيبة راح نجيب لعيبة متميزين. احنا راح نشوف الفترة الأولى هذي اذا لعيتنا ادوا المطلوب منهم وبالذات الاجانب راح يستمر الحال على ماهو عليه بعد التشاور طبعاً مع المدرب اللي هو له الرأي الأول والأخير ، أما اذا رأى المدرب أنو فيه نقص فسنرصد مبلغ جيد لصفقة وحيدة مكان أحد اللعيبة الأجانب.
وفي سؤال للمذيع عن رأي سموه باللاعبين الاجانب في مباراة الهلال ضد القادسية؟
قال سموه: طبعاً اليوم الرطوبة عالية وأول مباراة. تياقو نيفيز أول مباراة وطبعاً من الصعب الحكم عليه لكن أعتقد أن لديه الكثير سيقدمه ولمساته تنم عن لاعب كبير وأعتقد يبغاله مبارتين الى اربع مباريات عشان نحكم عليه لكني شخصياً متفائل .
وفي سؤال أخير لمقدم البرنامج عن وضع خالد عزيز وعن أن ايقافه هو عقاب للنادي؟
أجاب رئيس النادي خالد عزيز لاعب هلالي أحبه وأحترمه وهو من اللاعبين العزيزين على قلبي ، ولكن أنا قلتها من أول للاعبين أن القرار الأول والأخير لمن يلعب ومن يجلس على الدكة ومن يجلس خارج دكة البدلاء يرجع للسيد جيريتس لوحده وهو سيجد كل الدعم مني أنا ومن الأمير نواف في أي قرار فني سيتخذه مستقبلاً لأني أثق في الدرب ثقة كبيرة وأعتقد أنه مدرب كبير والهلا وفق بالتعاقد معه.
{الحياة تعـــــلم يابن مساعد 
زمن المثالياات ولى وانتهــــــــى.. !! }~
.jpg)
.jpg)
.jpg)
.jpg)
.jpg)
.jpg)
.jpg)
.jpg)
Vs 
العرض العادي
