تبين الكذب ما أحبك .. تبين الصـدق .. مجنونـك
فديتك .. وش بقى فيني مشاعر .. مـا خذيتيهـا
صباح الخير يا عمري .. صباح الخير .. وشلونك
دريتي بـ آخر أخباري ..شرايينـي .. و سكنتيهـا
وحشتيني من البارح .. يا بختي .. صرت مفتونك
أجي .. من حسرتي .. أشتمّ .. دقايق عني غبتيهـا
حياتي .. ما لها معنى .. إذا لحظـة .. تمـرّ دونـك
أحاسيسي .. بدون ما أشعر .. أسرتيهـا و ملكتيهـا
وش اللي يختلف عنهم .. عناقيدك .. أو غصونك
حسبتـك .. مثلهـم .. لـكـن .. أثاريكـي .. قلبيتهـا
قلبتي الطاوله .. فعلاً .. على مهل و علـى هونـك
و غيرتي .. كثيـر أشيـاء .. و ردّيتـي .. عدلتيهـا
وش اللي جابني يمك .. غديها .. ضحكـة سنونـك
يجوز أصلاً .. أنا أهبل .. أصدّق .. لـو ضحكتيهـا
وش اللي جابني يمك .. غديها .. غمـزة عيونـك
يجوز أصلاً .. أنا أحمق .. أصدّق .. لـو رمشتيهـا
عجبتيني في كل حاجه .. من إبهامك .. إلى متونك
جواهر .. بعضك و كلك .. بـ أحاسيسـك جمعتيهـا
يلوموني .. أحبك .. لا .. من الـلازم .. يلومونـك
كتاباتي .. و أشعاري .. أنتـي .. اللي .. كتبتيهـا
أحبـك .. أو تحبـك .. أو يحبـك .. أو يحبوونـك
أنا و روحي و وجداني .. و أحاسيسـي سلبتيهـا
العرض الشجري