إيـه أنا اللي عشت / بالدنيا غريب
ـــــــــــــــــــــــ ما عرفت اللي أبي / وسط الزحام
يمكن أتغلــّـى / و لكن ما أغيب
ـــــــــــــــــــــ يمكن أتشـرّه/ و لكن بـ إحترام
( ما هو أكبر هــمّ / أدوّر لي حبيب)
ـــــــــــــــــــــــ و الطموح أبعد / من حدود الغرام
و إن عشقت ..؟ / العشق و الله ما يعيب
ــــــــــــــــــــــ دام لي مبدأ / و قيمة / و إهتمام
شفني
شفني
شفني كيف أرمي يديني / بالقليب
ــــــــــــــــــــــ ما لقيت إلا الصدى / وسط الظلام
و الصدى ( جاوب) / و أنا ما أقدر ( أجيب )
ـــــــــــــــــــــ و أدري إنّي ( لو أبي جبت الغمام )
كل من حولي / على أفعالي رقيب ـــــــــــــــــــــ و القرايب همــّـهم / بس الملام
كل من حولي / على أفعالي رقيب ـــــــــــــــــــــ و القرايب همــّـهم / بس الملام
كل من حولي / على أفعالي رقيب ـــــــــــــــــــــ و القرايب همــّـهم / بس الملام
خيـــّبوا فيهم / ظنون ٍ ما تخيب
ــــــــــــــــــــ لين حدّوني / على عيال الحرام
يحسبوني لا تردّا بي / نصيب
ــــــــــــــــــ برمي أحزاني / على قلوب الأنام
مِندفن في وسط صدري / قلب ذيب
ـــــــــــــــــ ما دِفنت الراس / يا روس النّعام
صرت أضـم ّ الجرح بعيوني / و أطيب ــــــــــــــــــ و أجمع همومي / على صدري .. و أنام
صرت أضـم ّ الجرح بعيوني / و أطيب ــــــــــــــــــ و أجمع همومي / على صدري .. و أنام
صرت أضـم ّ الجرح بعيوني / و أطيب ــــــــــــــــــ و أجمع همومي / على صدري .. و أنام
يا قصيدي و أنت لي / حسبة صحيب
ـــــــــــــــــ تفزع لهمـّـي / إذا شح ّ .. الكلام
خلــّـك لأوتار حزني / عندليب
ـــــــــــــــــ دام بين الليل / و الصبح .. إنسجام
لا تحط ّ اللوم / كله بالنصيب
ــــــــــــــــــ و لا تخليني / على حد ّ .. إنهزام
طبعي أغرب / و الغريب/ إنّي غريب .!!
ـــــــــــــــــــ ما عرفت اللي أبي / وسط الزحام . . .
.
.
العرض الشجري