طفلة تسولف لي عن الحب [ بشويش ]
و أنـا كـذا بشويش ... مجنون طفله
لا قلت [ أحبك بس ] صفّت لي الجيش
جيش الرموش اللي غزتني بـغـــفلــــه
و قالت بهمسه ذايبه [ أمممم بس إيش ]
هالـ [ أمممم ] هذي بس يا خووك حفله
و [ أموت بك ] قالت : و لا توكلك عيش
عجزت ألاقي [ مفردهـ ] تنوصـف لـــه
طفله يـــــجرح خدها ملــمس الـــريش
حتى الـ [ خطأ ] لا سوته ينتصف له
علمتها .. إن الأماني .. لها طيش
و علمتها .. إن المواعيد .. جفـــله
دنّقت طاحت دمعتي و إصرخت [ لييييش ]
قلت : التعب يا بنت غصب أنجرف لــــه
قالت و هي تمسح على شـفاي بشويش :
[ بشويش .. لا تبكي من الحزن ] طفله
مدامنا بالكون هـــذا ... نبي نعيـــش
دنياك ما تسوى من شفااااك تفــــلـه
العرض الشجري