سجل حضورك ببيت من الشعر

[قصيمي ذوق]

في غربتي صارت جروحي قصايد
اصدق المشاعر تنكتب فوق الاوراق
سطرتها بدموع عيني شهايد
واهديتها للي دوم مشتاق
الوقت خلى احباب عمري بعايد
عايش و حيد بين حسرات الفراق

[(*§ حـــــور §*)]

من عادتي لا عكّر الوقت جوّي
أخفي دموعي عن نظر كل غالي
ما ابدي تناهيدي ولو شبّ ضوّي
وأدفن همومي بين فكري وبالي
وش عاد لو بركان حزني يدوّي
وإلاّ يهد بداخلي كل عـــــــالي
الله بلاني ب(العقل)و ش أسوّي؟
دربي يميل ولا يميل اعتدالي
حيّرت في ممشاي حيلة عدوّي
لين اقتنع في طيبتي وانثنا لي
هذا وانا في سكّة الحب توّي
بأوّل خطاوى رحلتي وارتحالي
من عافته عيني ..هفا من علوّي
ومن حبّته نفسي ..سكن بالعلالي