[frame="1 80"][align=center]
هلابك .. يا بعد حالي وعيني واصدق احبابي
هلا .. باللي عجزت آصل من ابعاد الولـه بابه
هلا .. باللي إلى منـي لقيتــه ضـاع باهـدابـــي
هلا .. باللي إلى منه لقاني ضعـت باهـدابــــــه
هلا .. باللي يغيب من الفـرح فينـي ويصحابي
هلا .. باللـي اغـاب من السعاده فيه واصحابه
هلا .. باللي يمل من الزعل عني .. ويرضابي
هلا .. باللي كِثر مازعل عليه وعنه .. ارضابه
هلا .. باللي يموت من الغلا فيني .. ويحيابـي
هلا .. باللي اموت من المحبه فيه .. واحيابـه
هلابك .. كِـثْــرِ مامـر الصبـاح الغـث طــلاّبـي
هلابك .. كثـــر ماحـن المكـان لجلسـة احبابـه
سبقتك بالسـلام وقمـت اهـلـيـبـك علـى بابــي
نسيت اني انا اللي جا .. وجاب العيد من بابـه
لك الله .. والغلا والشوق وشعر ٍفيك سوّابي
سـواة اللي لقا نفسـه نحيـل وضـاق بـثـيابــه
اخذتك بالكلام .. وما نسيـت الاّ بَعَـض مابــي
احبـــــــك بس اخاف ان الكلام يطول والهابه
احبـــــــــك حب .. إلى منه قتلني جاك بثيابي
احبــــــك ويش اسوي والمحبه تقتل اصحابه
احبـك .. ايه احبــك .. والكلام اكثر من ترابي
واحس اني معاك اوسـع من التاريـخ وكتابـه
[/align][/frame]
العرض العادي
