أااح .. أاااي !!

[بدر بن عبدالله الدخيل]

.




.





كيف حالك ؟

انت طيّب !!

بس انا ما نيب طيب ..

لو تبعَّد ..

أو تجي عندي قريّب !!

ما يفارقني خيالك ..

ودي اشتاقك ..

ولو بالعمر مرّهـ !

بس .. كيف ؟؟

وانت كل حلمٍ تمرّهـ ..

في منامي ..

في كلامي ..

بين لحمي !

مع عظامي ..

تصدّق ثيابي !

عليّ قامت تشرّهـ ..

من كثر ما اصادف بدربي ظلالك ..



كيف حالك ؟
إلاّ والله .. كيف حالي !!!
ماني طيّب ..




/


/


/




كيف احبّك ؟

وانت اصلاً وسط قلبي ..

كيف ابيعك ؟

وانت من ظهري وصلبي !!

يا هوى الضلع الشمالي ..

يومه اعوج ..

من سكنته طاب فالي !

وصرت احوج ..

أح .. وج !

أح .. أي !

أح .. اممم ..!

مو شوي ..

أي وربي مو شوي !!

لاني ميت / ولاني حيّ ..

ومع كذا ما فيه شوق ..

يوم تحت !

ويوم فوق ..

يوم شمس !

ويوم فيّ ..

مرّه وحده صير ذوق ..

ابغى تشغلني عليك !

قول لّي ما عاد ابيك !

ماني لك / ولا انت لي ..

وقتها ..

ممكن انّي بالغلط !!


ا

ش

ت

ا

ق


اشتاق لك ..



كيف حالك ؟
إلاّ والله .. كيف حالي !!!
صرت طيّب ..

[لين الباحوث]

الشاعر الكبير / بدر الدخيل

صفحة تتوهج بحضورك المميز
خلقت حروفك للتأمل
وللأبداع سكنى دائم فيها

تحايا تطال عليائك

[بدر بن عبدالله الدخيل]

اقتباس:  المشاركة الأصلية كتبت بواسطة لين الباحوث     الشاعر الكبير / بدر الدخيل صفحة تتوهج بحضورك المميز خلقت حروفك للتأمل وللأبداع سكنى دائم فيها تحايا تطال عليائك

الكاتبة / لين الباحوث ..


لكل نص وجهان (ظاهري/وباطني) ..


وأنتي بتأملك أصبتي كبد الأثنين !


شكراً لحضورك والنور معاً ..


تحياتي //

[عبدالله30]

[align=center]
الشاعر العذب 00بدر الدخيل00

حضور واطلالة تجبرنا على الصمت والتأمل00

اقتباس: كيف حالك ؟ انت طيّب !! بس انا ما نيب طيب .. لو تبعَّد .. أو تجي عندي قريّب !! ما يفارقني خيالك .. ودي اشتاقك ..

يقول00

قالو لي طيب قلت مانيب طيب00أطيب وجرحي بين الاضلاع ماطاب

يطيب جرحي لو حبيبي قريب00ومقابلين البيت والباب بالباب 0

اقتباس: كيف حالك ؟ إلاّ والله .. كيف حالي !!! ماني طيّب ..

قد يكون لافرق00وقد ننسى أنفسنا أحيانا0

تحياتي لك0[/align]

[خربشآت نآعمه]

اقتباس: أي وربي مو شوي !! لاني ميت / ولاني حيّ .. ومع كذا ما فيه شوق .. يوم تحت ! ويوم فوق .. يوم شمس ! ويوم فيّ ..

أممم...

اقتبستهآ لأنهآ تعنيني..!!

[مجد88]

اقتباس:  المشاركة الأصلية كتبت بواسطة بدر بن عبدالله الدخيل     كيف حالك ؟ إلاّ والله .. كيف حالي !!! صرت طيّب ..

الفاضل بدر الدخيل..
أقرأ مصداقية حرفك هنا ، وجمال معناه..
لابد وأننا أحسن حالا حينما نتجرد من النفاق في معاني حياتنا وتعاملنا مع الآخرين.
حينما نعترف لأنفسنا أولا أننا بني البشر لا غنى لنا بعيدا عن أحاسيس المحبة تحيط بنا..

لك الشكر والتحية..

دمت بخير...

..

.