ريم انا لك حياة وممات مختارات شقرقر قصه رائعه

[شقرديه]

الو ومن معي
هلا محمد
كان اللي يتكلم بنت ..
وصوتها كان خيالي..
قلت ؛ نعم من انتي ..
قالت ماعرفتني اكيد
قلت اكيــــد من ؟؟
أنــــا ريــــــــــم
رددت اسمها بصدري وقلبي الف مره
سمعت بصوتها انكســــــــار وحزن
وهي تردد,, لاتقول نسيتني
قلت,, ماعاش من ينسـاك
عظم الله اجرك واعذرني على التـأخير..
قلت عاذرك والله يجزاك كل خيـر
محمد انت تعبان..,,؟؟
قلت لا .. لكن مانمت الا ساعات
قالت اتركك تنــــام وترتاح فمان الله
ريم..
هلااا
لاتتركيني.. ومن التعب ماحسيت بروحـي
نمت وكأني من دهر مجافيني النوم
ماصحيت الا على نغمـة الجوال
رديت عليه .. وقلت نعم
سمعت صوتها .. وهي تردد خوفتني عليك
يومين وانا احاول اخذ اخبـارك
اخذت واعطيت معها بالكلام
وتكررت المكـالمـات بيني وبينهااا
ضمتني فيــهـا ريم بحب وحنـان
عوضتني عن سنين حرمـاني
اصبحت تعرف .. وقت نومـي وقت مايدخل الزاد جوفـي
اصبحت حيـــاة محمدريم .. وحيـاة ريم محمــد ..
وفي يوم اعترفت لهـا بحبي المكتـــوم ..
ريم النفس ضاقت من الأنتظـار
والقلب تعب مثل الجســـد وهو يحـاول يصبر ويجـاهد الروح .
سمعت همسـها وهي تنطق محمد يادفا قلبي وضمـاهـ اسمعك ..؟
ريـم أنــا احبـــك ..
احب صدى صوتك وضحتك
اشتـاق لك ..
ريم علمتيني معنــى العشـق ..
من سنه مرت .. من اول ماشفتك ..
ابتدت اول ايام عمـــري..
محمــــد .. قلت لبيك أنـــا ..
احبــــك ..
آآآهـ واخيـــرا ياقلبي . ترجم حروف الغــلا
وانثر الورد على جبل الوفـــــــــا
وغـــرد مع الطير
وسابق الــــريح واعــزف الحــــــــان الشـوق ..
تصالح مع امواج البحر
وتغنى مع شمس الأصيل
وانسى كل الهموم
واذكــــر كلمة احبك يوم غادرت من شفاه ريوومـــه
وسكنت منــزلـــك ودارك ..
ريم أنــــــا اوعدك اني لك حيـــاة وممـــات .. اوعدك ..
أنـــا بكــره مســافر ..
سمعت شهقـه من صدرهـا الحنون .. وين ناوي تتركني ..؟؟
قلت مسـافر للخبـــر .. ابي احقق الحلم
واترجمـه للواقـــع ..
أنــــــــا جاي اخطبك من عمــــــــي ..
ردت علي .. خايفه خايفه .. كل شي ينتهي ..
قلت انا وعدتك اني لك حياة وممات ومايفرقني عنك غيــر موتي ..
ودعتهـا وجهزت نفســـي للسـفر..
ماقدرت اصبر قررت اني للخبـــر اسري .. بليلي
ومرت الســاعات وانا في البـــهو الوسيــــــــــع
دخل عمـــي .. وهو يطـــالعني بنظرات غريبه
وقال .. انت ..
أيـه أنــا محمد ولد اخوك .. المدفون تحت تربته ..
ماعندي اخـــو .. كم مره أنـا كررتها ... وان مات الله يرحمــه
في البدايـه لمحت بعيونه نظره حزينه ..لكن تراجعت وحلت مكانها نظره بلا معنى
حسيت انه في لحظـه تأثر ..
عمـــــــي أنــا ابيك في طلب ..؟؟
قول .. اللي عندك .. وقتي انا ثمين .
ناقصك مال .. سياره جديده .. بيت .. وظيفه
قول انا احب اتصدق واعمـل الخيـر..
بعد كلامـه تمنيت اني اصرخ بوجهه واقول
إنسان بلا مشـاعر .. جبل من القسـوه والجمود ..
أنــا بخيــر ونعمــه ومانقصني شي ..
طالع فيني بإستغراب .. اجل طلبك وش يكون ؟؟
قلت ريــــم .. هذا هو طلبي ...
ابي اتزوجهـــا بعد اذنك ياعم ..
شفت بعيونه استحقـار العالم كله .. ومن تكون لجل تطلب ريـم ..
جرحنـــي .. ذلني .. هزأني .. وفي النهايـــه طردني ..
رجعت للريـاض كيف وشلون .. مدري ..
وجوالي طول الطريق تتردد نغمـاته ..
آآآه ياريم .. انكتب علي اعيش بدونك ..
دخلت البيت .. وانا منهار .. ضايع بين عبراتي .. وبحور آلامـــي
استمريت على هالحــال .. يومين يمكن اسبوع او شهــر ..
وصلتني رســـالــه من ريم ..
وين الوعــد ياخاين العهود ..
انا بدونك دنيـاي بلا مرسـى وامـل ..
بداخلي قلت وانا اتنهد
يابعد دنيـاي كيف قسيت عليك أنــا ..
دقيت على جوالهـــا
ردت علي وهي تبكـــي .. وتردد وينك عني ؟؟
محمد ليه تجافيني ..,, وين الوعد ؟؟
بكيت معها واختلط دمعــي بدمعها .. ريم احرموني منك
ابعدوني عنك .. ريم ذبحوا قلبي .. وحفروا قبري بيديهم ..
آآهـ ياريم أبكي ولا أكـتـم بـصــدري آهــاتــي ..
أشكي ولا أعـالج شـكــواي بصمــتـي..
انـا هـويــتــك والــشـاهـــد خــالــقــي ..
لكن .. حكم علينـــا ابوك بحكمـه الظالم ..
لكن انا عند الوعـــــد ياربيع القلب
ماتركك لو تنهد جبــالي .. لو أن السمـــاء تقبل الأرض ..
حاولنــا ننسى همنـــا الكبيـــر واعيش معها مثل اول ..
اعيش على صوتهـــا .. وحبـها ..
حاولت مع عمـي وكررت محاولاتي
وارسلت من يتوسط لي عند السيد العظيم
لكن كان جدار .. مايهتـــز .. وعنيد مثل الصخــر
تنـاسينـا هالأبو الظالم .. ورجعنـا نعيش حيـاتنــا
وفي يوم .. كلمتني ريم ونوحـها يسابق كلامهـــا
ريم .. يانور العين وشفيك ..
أنـا يامحمد ربي استجـاب لدعاي
ريم وش تقولين .. عمــي وافق يزوجنـي لك؟؟
لااا يامحمد .. انت تعرفه مستحيـل يغير رايـه
اجـل ريم القلب .. وش الشي الجديد
قالت اليوم هو عندي العيــــد
ريم: محمد تمــاسك واسمع الخبـــر
كنت اليوم بالمستشفى اصلح تحـاليل ..
من تعب كنت اشكيه من ايام
وطلعت النتيجـه ..
أنـا يامحمد ...
ريم انطقـــي .. تكلمي .. يكفيني مافيني
أنـا مريضـه بالسرطان .. والطبيب المداوي يقول
حالتي صعبه ووصلت للشي الحرج ..
جمود .. وصمت وذهول كسـا ملامحــي .. حسيت بعمري كبر100سنه
وانا احاول اسمعها صوتي ..
واللي قاهرني تردد وتقول ربي استجاب لدعاي
يامحمد لاتحزن .. افرح .. هذا اللشي اللي انا ابيه واتمنـاه
محمد دنيـاي من غيرك مابيهــا الموت اهون علي ولا اعيش مع إنسان غيرك ..
انا ابكـي وابكـي ودمعي فاضحني ..
وشوي اسمع عند ريم صوت ثاني .. صوت مصدوم وماهو مصدق ..

كأنه صوت الجبل والعم الظالم .. سمعي مايخونني صوته يبكــي ..
قفلت الخط .. وجلست في مكاني وانا اتذكر كلمات ريم .. افرح يامحمد ولاتحزن ..
غبيــه كيف افرح وهي من حيــاتي تروح
كيف الهنــــا والسـعادهـ اعرف دربهــا وهي بعيده عني
ياكثر الأهات اللي بقلبي تلوع ..
والهموم اللي بصدري تنوح ..
بعد أيـام وصلني خبـر سفـــر ريم للخــارج لجــل العلاج مع العم المبجـل الكريم
انا انتظر .. وانتظر والأنتظار يحرق قلبي ويحرق مافيني من حيـاة ..
فكــرت اجمـع كل ماملكـه واسـافر لعمــري وحيـاتي هنـاك .. اقضي معها ايام العلاج ..
وكبـرت الفكـره في راسي ... وفعلا .. ماكملت غير شهـــر الا وانـــا هنــــاك عند ريم
حلمـــي الأول والأخيـــروقفت عند باب غرفتها ..

ترددت كان ودي ادخل بكـل لهفه وشوق ,, واضمها وابكـي بأحضـانهــا ,,
لكن خفت من العم ,, يحاسب طهر الكون ..
طرقت الباب .. انفتح باب الغرفه .. وطل منه وجه عمـــي .. وزاد

الهم فوق عمره عشرات السنين .. وشفته منكسـر .. وحالته عجيبــه ..
شفته والدمـع بعيوني كاتم على انفاسي .. عيوني ترجته اشوف ريم .. من دون ماتنطق شفاي ..
قال تفضــل ياولدي.. ماكنت مصدق .. لكن المهم وافق ..
دخلت لملاكــي .. وانا اجر خطواتي .. هنــاك على السرير الأبيض .. ترقد
اماني عمـــري ..والتعب انهكــهــا وبانت ملامحـه عليها ..
ضميت يدهــا .. بيدي وكررت الوعد والعهد على سمعها ..
ورفعت راسي لعمــي .. وقلتها زوجنـــي ريم .. طلبتك ياعم ؟؟
هز براســــــــه وقال .. اللي تبيه ياولدي يمشــي ..
تبسمت ريم بوهن .. وتبسمت لهـا .. وحسيت بأول افراح حيــاتي
تم كل شي بسرعـة البرق .. تزوجتها ..وهي على فراش المرض ..

احتفلت بيوم عيدي معها باالمستشفـى الكبيـــر,,
الممرضـات والأطبـاء الأجـانب .. سمحنـا لهم يحتفلون معانـا .. الجميـع هنــــــاك يحب ريم ..
بقيت معها وانا اصبرهـا على المرض واحلم انا وهي في بيتنـــا .. في سعادتنـــا
وقت ماتطــلع .. عشت اجمـل ثواني عمري ..
اصبح المستشـفى الكبيــر يردد حب محمد وريم .
وفي منتصف ليله من الليالي .. وانا بجنب ريم سهــران ..
سمعتها تصرخ بصــراخ عالـــي ,,
وهي تتقلب على فراش المرض ,,,من الألم
انينهـــا قطـع قلبي .. وروحـي
طلعت من الغرفه مثل المجنون انادي على الدكتور .. الممرضات
الكل من حولي يركض ويدخل للغرفه وصراخ ريم يتردد صداهـ بأذنــي
جلست ابكـي في زوايـه مثل طفل صغيـــر .. فقد امـه بظلمـة الليل ..
وشوي شوي اسمع صراخـها يهدى .. رفعت راسي والطبيب يطـالع في عيوني
ويقول .. ادخـل لريم تحتـاجك ..
دخلت وانا كلي تعب .. منهك ..قواي منهاره ..
وقفت جنبـها والأطبـاء حولي .. تبسمت في وجهـــي
وقالت تعال ياحبي ..
وقفت .. لاتبكـي امسح دموعك .. قلت مابكــي أنــا .. ارتـاحـي يابعد عمري
ريم .. محمد تدري ندمت ياربيع القلب على دعواي ورجواي..
ماكنت ادري اني بضمك ويتحقق حلمــي ومنـــأي
قاطعتها .. ريــــم لاتكلمين .. نامــي وانا جنبك بسـامر الليل لراحتك
قالت ريم ,, محمد أنـــا اشوف الموت .. اشوفه ينـــاديني
شهقت ..يومي وعمري قبلك .. انتي بتطلعين
نسيتي حلمنااا .. بنعيش بالبيت وراح نجيب ولد ونسميـه مشـاري
مثل ماتمنين .. بعيش معك العمــر كله ,, ريم ريم
محمد أنـــا احبك ,, وانتبه لنفســك وعيش دنيـــاك بلا ريم لكن
لاتنســـــــــى ذكـراي ,,
سمعتها تنطق بالشهــاده وترددهــا .. وبعدهااا انفاســها ماسمعتهاااا
حركتها هدت .. يدهـا من يدي انسحبت بسلام وسكنت بجوارهـا
صرخت صرخــه الجريح المحروم .. ريـــــــــم وناديت .. وناديت
لكن حكم القــدر اخذ مني روحــــــــــي ..
رددت الوعد
ريم انا لك حياة وممات ..
وهذاا أنــــــــــا عايش اداوي بعدي وحرمــاني عن ريم ...