قالت : من انت ! وقلت مخلوق من طين
الله جمـع هـمّ الـتـراب وخلقـنـي
قالت : وغيره قلت الأحسـن تروحيـن
عنّـي تـري ماقبلـك أحـدٍ سألنـي
قالت : ترى غاية مناي أعرفـك زيـن
شفتـك ومـدري كـنّ شيّـا جذبنـي
وتمّيت ساكت ليـن قالـت : وبعديـن
يا هوه طالـع فـي عيونـي وشفنـي
سألتها كم قلب لـك ؟ قالـت : اثنيـن
وتبسّمت عـن ثلـج ناصـع حرقنـي
ضحكت ساعتهـا ووشوشتهـا زيـن
وصدّيـت عنهـا كـنّ مـا كلّمتـنـي
أنا ونا اللـي فـي ضلوعـي ثلاثيـن
خافق عجزت أحمـل همـومٍ دهتنـي
مشيـت واسمعهـا تـدنـدن ببيـتـين
وتقسم بـربّ البيـت واللـي جعلنـي
عشيقها فـي ثانيـة لـو أقـل: ميـن
حبيبـهـا قالت:ماغـيـرك سلبـنـي
عقلي وقلت : استغفري يا اريش العين
ربّك .وروحي واسألي مـن عرفنـي
رايح يقلّك: ذاك مخلـوق مـن طيـن
الله جمـع هـمّ الـتـراب وأمـرنـي
أصيـر كائـن حـيّ ميّـت وتدريـن
بس عندهـا قلبـك إذا هـو عشقنـي
ون كان صمّمتي فنـا انسـان مسكيـن
الله جمـع هـمّ الـتـراب وخلقـنـي
العرض الشجري