(((((العاده جرت)))))

[ابوتركي]

الشهر مبارك عليكم................
.......................
العادة جرت
...............
كل طالب مجتهد دمه ثقيل

العادة جرت
..............
كل مخلص في الهوى حظه قليل

العادة جرت
...............
العطوف اللي كريمٍ في الجرايد

في الازقة والحواري له عوايد .. يصبح القاسي البخيل



العادة جرت
....................
جل من يصبح ثري..يكتب شعر

والقصائد تحتري اغلى سعر

الشعر اصبح مجلة .. جلها غث وهزيل

العادة جرت
..............
لما نسافر كلنا في الصيف .. نمشي مخشبين

كلنا نحكي بفخامة..نمشي بفخامة .. والابتسامة لما نسلم

نبتسم كأن فيه مصورين

ورغم اننا نسافر لجل نلقى بعض .. ونعرف بعض

الا اننا لما انتقابل نلتفت متجهمين

ماهو جنون .. ولا عبط

تظهر أغاني من نمط .. أربع سنين انتطالع بالعيون

وفي المواعيد اللي ماادري منهو كان العبقري اللي عطاها

نجلس في نفس الاماكن .. ننتظر نفس الوجيه

تظهر بكامل بهاها

ويبتدي ذاك الحوار السرمدي:

- شف هذاك شلون لابس .. ماهو صاحي

- شف هذاك موجود في كل النواحي

- شف هذيك شلون تضحك .. ياخزياه ياعيباه يالله

- شف هذيك شلون تمشي .. شف هذاك شلون جالس

- شف رفيقك .. ليش عابس؟؟ خل نروح ونسأله

- لا انتظر هذا ماشي مع هله

وينتهي هذا الحوار السرمدي

فينا نقول : وش هالصخب..هالديرة مليانه عرب!!

كأننا متفاجئين

ولما نرجع بالسلامة..العادة جرت ..انا نكون متنكدين

ومافي سبب غير اننا ما كنا حنا

غير اننا لما نسافر.. دايم نكون ممثلين

ولجل نطلع من تقمص دورنا..لما نرجع

نحتاج نقعد ناطرين أسابيع وأيام..ونظهر من الانفصام



العادة جرت
...................
انا نجل الاجنبي..ونقصي القريب

العادة جرت
.................
انها الايام تمضي ومسجد الاقصى سليب

العادة جرت كل ما جو الخليج صفي وراق

يبتدي العم سام .. عزف موال العراق

العادة جرت
................
كل ما اكت قصيدة .. اوصف الواقع بها

القى جاهل ما اريدة .. يعتقد انه لها

العادة جرت
.................
كل ما اكتب يقيني او ظنوني ..

يكاد المريب أن يقول خذوني
.................................................. .............

الامير عبدالرحمن بن مساعد

[وردة الشرقية]

تسلم يمناك اخوي ابوتركي...
وصح لسان الأمير عبدالله.

ومشكووور على هذه المشاركة الحلوة

[ابوتركي]

بارك الله فيكي ورده المنتدى..............والشهر مبارك

[الذيب]

كلمات اكثر من رائعة شكرا اخوي ابو تركي

[رقيب]

الاخ....ابو تركي....

اهلا وسهلا بك .....ومبروك افتتاح المنتدي ......والعاده جرت اننا

نباركلك بالشهر الفضيل ...

المبدع الامير عبد الرحمن بن مساعد . يعتبر هو الافضل علي المستوي

الداخلي من دون منازع , فهو يعبر بكلمت يستطيع اي شخص ان

يفهمها .

اتمني منك ان تستمع الي قصيدته بعنوان {الكابريه}قصيده رائعه بكل

المقاييس...


وشكرا

[الشقردي]

اخوي الغالي ابو تركي00000
مشكور ياعزيزي مقطوعه في غاية الروعه من شخص رائع
وصحيح ما يجيب الطيب الا طيب
وشكرخاص للامير عبد الرحمن على هالابداع
واكرر لك شكري على مجهودك على ما اتحفتنا به
==========

[نديم المحبين]

أخي الغالي / ابوتركي مبارك عليك الشهر الفضيل....تكمن روعه الأقتباس..وروعه الشاعر.. من روعه المقتبس..لك خالص تحياتي

[ابوتركي]

الذيب العزيز عودتنا على تشجيعك..مشكور.........الاخ رقيب الشهر مبارك علينا وعليك....ويعطيك العافيه اخوي الغالي الشقردي (فاكهة المنتدي) ..ماقصرت...دائما حاضر..ويعطيك العافيه..................................ولد الخبوب اشتقنالك....والشهر مبارك...ولاتفوتك الالغاز الجايه كودك تفوز مره ثانيه..انشاءالله