[align=center]ديوان بقايا ذكريات
لا يردك حياك
الشاعر منير الفهيدي
كـبـر ما فيك قـلب .. و كـثـر مابي هموم
كـثـر مـا بك جمال.. و كـثـر مـا بي عــذاب
و كـثـر مابي من جروحك وصدّك وسوم
و كـثـر مـالك مـن احساسي وحـبي نِـصاب
و كـثـر ما كنت احبك زود عـن كـل يوم
و كـثـر مـا فـي خفوقي قـدّ حـبـي عـتـاب !!
كـثـرها بي سـؤال.. وكـبـرها بي وجوم
و ان وصلّ لك سؤالي..ما انتظرت الجواب
لـيـه تجـفى و تـنـسى عـهـدنا..والعـلـوم
لـيـه تــقــسـى و تـهــدي حــبـنـا للـغـيـاب؟
لـيـه تـمـنـع عـيـوني يـا نـظـرهـا تنـوم
ولـيـه تـفـتـح لـشـكـوى خـافــقي الـف بـاب؟
صـاحبـي وان نـويت تصدّ عـني بيوم
لا يــردّك حــيــاك ولا تـحــسّـب حـسـاب
خـلّـهـا للـيـالي .. و اللـيـالي تــــدوم
و الـغـلا عـمـر يـفـنـى..و الـجـسـد للـتـراب!![/align]
العرض الشجري