سكن المستشفى اتخصصي لمن لاسكن له

[وذف]

اقتباس: مواطن متجنس

هههههههههههههههههههههههه
نظره قاصره
اذا كان متجنس اذا هو يحمل الجنسيه السعوديه
يعني مثله مثلك يا عنصري يا بغيض

[خازوق]

وذف ....الحق احق ان يتبع ....لو كان الدكتور الغنام اخوك ماذا سيكون ردك ؟؟؟؟

[طخطيخ الشمال]

اقتباس:  المشاركة الأصلية كتبت بواسطة ابو عبادي 595     كلام خطير مواطن متجنس يسكن وهو ليس بطبيب وزوجته مدرسه والله قهر ودي اعرف مين واسطه شكله قوى بقوه ؟؟؟؟

الموضوع عن هل يحق له السكن فى اسكان التخصصى
والواسطه وما ادراك ما الواسطه . ولماذا الاجانب على كيفهم .
اين دور المسئولين بالمستشفى ولماذا لايعمل توسعه للمستشـــــفى
بدل اسكان فلان وعلان لا لهم لا ناقه ولا جمــــــــــــل بالتخصصى
( الاخ سعودى بغض النظر عن انه متجنس الرجل سعودى ويحمل التابعيه )

( لا عنصريه بعد اليوم قالها اخوكم طخطيخ )

[kinder7193]

السلام عليكم ورحمه الله وبركاته
كلام الأستاد عبدالله الحلوه سليم
الحين إذا بغيت تروح للمستشفى ودك تروح بتكسي ليش لإنه زحمه
لو يفكرون كان بدل السكن يصرف للكادر الصحي يسلم كاش وخل الي عندهم عقارات يستفيدون والمستشفى يوسع
,من ناحيه الأسره والمواقف. وبداخل السكن علوَم رديه والخافي أعضم
وبصراحه عندنا المديريه فاشله للأسف

[@عيون الصقر@]

حبيب قلبي والله ياخازوق هالموضوع يبين ان ماعندك امانة نقد لاننا كنا ننقد بلاوي في التخصصي والشؤون الصحية تمس حياة المواطن الضعيف في ضروريات كفلتها له قوانين العالم ودساتير كل امة الارض وكنت منبري بجهل لاسكات صوت الشاكي واليوم يوم راح رفيقك هشام ناظرة الله يذكره بالخير ويوفقه دنيا واخره جاي تتباكى على كماليات ونقص بترف مس واحد من الربع يا اخي صباح الخير وينك من زمان مشكلة السكن لها سنين وماطلعت الا يوم رفيقك طلب سكن وما لقى صدق ناس ماتستحي ياخي رفيقك عنه ماسكن ولا سكن على الرصيف هات شي عليه القيمه ولا رح لعاطف سرور هذا تنظيم اداري هم ابخص بالتفاصيل ومن يؤمن له سكن ومن يقلب وجهه على صفحة خمس طعش واحمد ربك ان الأمر ماهو بيدي كان بعصى السعودي والاجنبي يروح يسكن بداهية تأخذه وكل متر مربع بالمستشفى هو ملك المواطن أوجده ولي الأمر ولا مجال للفشخرة.

[الحنتريش]

هذا غير الخراب الاخلاقي داخل السكن

[وذف]

اقتباس: وذف ....الحق احق ان يتبع ....لو كان الدكتور الغنام اخوك ماذا سيكون ردك ؟؟؟؟

اكيد اتمنى يحصل شقه بسكن المستشفى
ولكن انتم تقولون ان الرجل هذا حصل على الجنسيه السعوديه
اذا كلمة مجنس المفروض تنلغي من قاموسك
لانه سعودي مثلي مثله
ويمكن هو بطاقته اجد من بطاقتي لان معي القديمه
صحيح الدكتور الغنام بغض النظرعن كونه سعودي الا انه ولد ديرتي بعد
يعني ولد بريده
ويهمن انه يسكن قبل اي شخص ثاني
لكن ماقدر اطلع واحد له سنين ساكن وموظف بنفس المستشفى بحجة انه ماهو دكتور
يعني كل الي بالسكن دكاتره مافيه الاهالرجل
ان كان كذلك فالحق معكم
وان كان فيه غيره فيجب ان يترك ويمسك الدكتور الغنام سرا والله يوفقه ويحصل سكن
وبعدين صدقني ان يمل لان كل جيرانه فلبينيات واجانب
يستاجر شقه بحي النازيه اصرف له

[خازوق]

عيون الصقر ....فعلا احسنت ادارة المنتدى من طردك كمشرف وابقاؤك مثل باقي البشر بعدما بينا لها عوارك في مواضيع سابقة

[@عيون الصقر@]

العوار والله في مباديء المواطن عندما يتمسك بالقشور وهيبة كذابه بالبشت والمكتب والشخوص ولا يناصر ويدافع عن فقير مسكين او مظلوم او يتيم او ارمله او مطلقه ضاع حقها عند من لايعرف الحق وان الله سائلك ان الله سائلك عن كل كلمه تقولها ضد المواطن البسيط وضد انه يقول كلمه مطالباً بحق سلب لابارك الله في المراجل اذا لم تثبت على الحق امام مسؤول ولي امر المسلمين ولاعزاء للمتخاذلين عن اهلهم وناسهم والحمدلله الذي وفق اخي الغالي عبدالله الحلوه بالاستغناء عن وجودي المزعج لك ولامثالك ويضل امثالك في ارائهم المخالفة للحق رمزاً.
خازوق اختلافي هو ضد مبادئك ولايعني اني اكره شخصك حاشا لله

[وذف]

اذا تبون تهاوشون اطلعو من موضوعي
<---مامن امور

[خازوق]

وذف ...(لكن ماقدر اطلع واحد له سنين ساكن وموظف بنفس المستشفى بحجة انه ماهو دكتور)... الرجل ليس موظف بالمستشفى هذا اولا وثانيا السكن للاطباء والسبب ان كنت تجهل ذلك لان الاطباء لهم مناوبات سواءا داخل المستشفى او ببيوتهم وهذا مااستدعى ان تكون بيوتهم بالمستشفى لتلبية اى طارئ اذا قدر الله ويكون حضورهم سريعا ...فهل هذا ينطبق على الظاهري بينما الدكتور الذي اصلا وضع السكن له تطالبه انت ان يمسك سرا

[خازوق]

عيون الصقر ....اذا عندك اضافة بالموضوع فهات اما اسلوبك الرخيص المعروف بالثأر لشخصك من اناس وقفوا ضد مصالحك الشخصية التي تنبه لها مسؤلي المنتدى ...فهذا ليس مكانه مثل ماقال الاخ وذف ...وياليتك تفرد لها موضوع خاص يحفل بمالديك من مصطلحات تنبئ عن مستواك ...واتمنى من المشرفين عدم حذفه واعطاء الاخرين فرصة للاطلاع على مكنوناتك

[طخطيخ الشمال]

الاخوان الموضوع تحول الى امور شخصيه .

وتصفية حسابات وانحرف عن الطرح الاساسى 180

درجه ( نرجع لمحور حديثنا ) توحونى خلوا عنكم نشر الغسيل عفواًًً


رمضااان كريم

[@عيون الصقر@]

اخي الكريم خازوق انا بصلب الموضوع واناقش افكارك وماتطرح وما اقدم ماتعتبره موجه لشخصك فانا من فرط الثقة فوق مستوى هالترهات وهامتي ماتنزل لتحت ابد لالك ولا لغيرك وتفضل هذي وجهة نظري بموضوعك الكيدي ومن اجل مصالح شخصية ولازم على المشرف يحذفه اصلا بس الواسطه نافعتك لان موضوعك مخالف لتوجه القسم وانت جاي تحقق رغبات خاصه المهم شارب توت اليوم ومكثر ماني فاضي لك

اقتباس:  المشاركة الأصلية كتبت بواسطة خازوق     مايحصل بسكن المستشفى التخصصي اقرب مايكون الى الشقق المفروشه ولكن ليست تؤجر بثمن بل يسكن فيها من هب ودب بلا اجر وساعطيكم مثالا

لاتعطينا مثال هات دليل ملموس ان السكن شقق مفروشه اما التهويل وتعظيم الامور لاهداف شخصية فهذا مايمشي على المسؤولين بالشؤون الصحية ولا يمشي على المواطن
(( واذا جاءكم فاسق بنباء فتبينوا ))

اقتباس:  المشاركة الأصلية كتبت بواسطة خازوق     السكن مخصص للاطباء العاملين بالصحة وعوائلهم اواطباء الشركات المشغلة للمسستشفى

هو كذلك وما زال واذا تملك اثبات ودليل قدمه اما ان تفرد متصفح وتتهم ادارة المستشفى والشؤون الصحية فهذا غباء مطبق مايمشي على ذي لب

اقتباس:  المشاركة الأصلية كتبت بواسطة خازوق     وللاسف الافضلية للاجانب اما الاطباء السعوديين فعليهم الانتظار او البحث عن حرف الواو

عاد راح حرف الواو صديقك واذا فيه حرف واو فهي تركة تركها وما بقي الا بقايا سيقضي عليها سمو الامير وسمو نائبه لافساد بإذن الله بعد اليوم بالشؤون الصحية فللمواطن البسيط الاولوية .

اقتباس:  المشاركة الأصلية كتبت بواسطة خازوق     مثال ذلك الدكتور عبدالحكيم الغنام ذوو الاطفال الخمسة والذي يسكن بشقة تم التكرم عليه وهي شقة مكونه من غرفتين ودورة مياه اما الاجانب فيسكنون بفلل دورين ؟؟؟

وكل هالمقدمة عشان عبدالحكيم الغنام واطفاله الخمسه خخخخخ وبعد متكرمين عليه بشقه وماهو راضي فيها يبغى فيلا دورين وموصيك تنزل موضوع ياشيخ استح شوي وين مولود انت اترك العنصرية عنك الاجنبي هذا جاء بعقد كفل له الراتب والسكن تبيهم يرمونه بالشارع ويحطون عبدالحكيم رفيقك صدق بعض الخبوبية مفهين وعاجزين عن التحظر حتى من منطلق دينهم اللي يأمرهم بالانصاف واعمال العقل

اقتباس:  المشاركة الأصلية كتبت بواسطة خازوق     كل ذلك قد اقول قد يهون اما هذه الحادثة والمتمثلة بوجود اناس يسكنون منذ مايقارب العشر سنوات وهم ليسوا باطباء او ينتمون الى المجال الصحي

وش دليلك انهم مايدفعون انا اعرف احدهم يسكن باسكان المستشفى وهو بغير المجال الصحي ويدفع ستين الف سنوي اذا بغيت تقنع احد هات دليل انه مايدفع مقابل حتى نبلع سالفتك انت وعبدالحكيم

اقتباس:  المشاركة الأصلية كتبت بواسطة خازوق     الاستاذ جمال الظاهري فليس بطبيب وزوجته مدرسة واصله اردني تجنس

قاتل الله الجهل والعنصرية هذا انتم اذا الامر ضد مصلحتكم تصبون جام غضبكم وفجور الخصام واذا المصلحه لكم مستعدين تشيعون الفساد الاداري وتقودونه بكل قطاعات الحكومه لابارك الله في مباديء تقود رغباتكم واهوائكم

اقتباس:  المشاركة الأصلية كتبت بواسطة خازوق     حاول المسؤلين بالاسكان اخراجه ولكن اتتهم التعليمات بعدم ازعاجه

من حاول اخراجه هذا من مشيعي الفساد الاداري والواسطه وواضح انه جاهل بالانظمة والتعليمات وهمه يخدم الربع يحسبه كاتب وارد وصادر بالبلدية.

اقتباس:  المشاركة الأصلية كتبت بواسطة خازوق     بينما الاطباء السعوديين ينتظرون بقائمة الانتظار لمدد تتجاوز السنوات الثلاث ؟؟؟؟

خله ينتظر مثله مثل غيره اجل تبغى تقفز فيه الصفوف مثل العادة وياخذ حق غيره سكن محدد الوحدات يمسك سرى او يروح يشوف مكان غيره هذا النظام واذا انتم متعودين على الواسطه واخذ حقوق الناس من خلالها هذا شأنكم اما الواسطة بعد اليوم بالشؤون الصحيه الحس فيكس مافيه بححححح خلاص راحت مع هشام ياحبوبي

اقتباس:  المشاركة الأصلية كتبت بواسطة خازوق     افلا يحق لي بعد ذلك ان اقول ان سكن مستشفى التخصصي سكن لمن لاسكن له

لا مايحق لك ولا لغيرك تدلس على القاري وتتهم المسؤولين جزافا اسكان المستشفى منظم وماشي بما يرضي الله وكل موضوعك هذا لتحقيق غرض شخصي تبغى تطلع اجنبي حسب زعمك وتسكن عبدالحكيم نسيبك ياعمي روح اتق الله حرام عليك ترى الله يبي يحاسبك على هالهذره اللي مانقصها الا فصفص محموس ونديمك واحد نصاب يبلع الخازوق ويغص بالابرة


اذا ماعجبك ردي رح تبكبك عند الزعيم مثل العاده

[خازوق]

الله يرحك حالك ياعيون الصقر ....كلفت نفسك بشوية خربشه تقول انها رد ...نصيحتي لك لاتكتب وانت مكثر من التوت فانت اثبت ان كثرته تسبب الغباء ....وكثرت الصراخ ولكن كما (كثرت الصراخ على قدر الالم )
تبكبكي ادى الى طردك من الاشراف لذا انتبه قد اطردك من المنتدى ياااابو التوت