بلوتــــــــــوث البنــــــــــــــــــــات... !!!

[الطاحونة]

عندما تسقط القوااااااااااامة يحصل هذا وأكثر...!!
البنات يحبن لفت أنتباه الشباب والبنت تكاد تطير من الفرح عندما تلاحقها النظرات
فهذه يعطيها شيئا من الثقة في جمالها حتى وإن كانت خلف جلبابها الأسود .

[الذاهـبـة]

يمكن ناسيته مفتوح .. و راحت للسوق ..

وش المشكلة طيب ؟!

ياناس حرام عليكم خفوا شوي ..

ما اعتقد أنها قضية ( لما تحصل جهاز مفتوح بلوتوثه )

وين التهمة ؟!

لو طحت بها متلبسة ( ترسل ملفات اباحية .. أو تستقبل ملفات ذات مدلول اباحي ، أو تتلقى بلوتوثات متوالية

بلا مبالاة .. ) ذاك الوقت ممكن تستغرب و تقول : ليه البنت تسوي كذا ؟ وين راح الحياء .. !

لكن :

مجرد سويت سيرش و لقيت اسمها متواجد .. خلاص تسجب و تستنكر !!

يا أخوتي : كبيرة الزنا .. لا يقام الحد عليهم إلا بثوابت

منها : شهادة 2 شايفين العملية كلها .. ويشهدون عليها

هذا و هو كبيرة من الكبائر ..

فمن باب أولى التغاضي عن صغائر الأمور ..

ترى .. و الله العظيم .. ما فسدت أخلاق بعض البنات ..

إلا من جراء هذا التفكير و التحجير و التقليق .. * من قلق *

اعطوا البنات قليل احترام و ثقة .. و متنفس صحي ..

عشان يعطونكم أهلية لهذه الثقة .. و حشمة و عفة ..

هذا و صلى الله و سلم على خاتم النبيين سيدنا محمد و على آله و صحبه أجمعين .

[شمعة امل]

انا لي اربع سنين شاريه جهاز فيه بلوتوث ولاعمري سكرته ابد واكره مااشوف اني اجلس استقبل وارسل بلوتوثات

مو كل وحده تلقاه اثناء البحث موجوده يعني انه ناوية نيه مو زينه هذا وانت ماارسلت ولاشي حكمت هالحكم والله يابعض الناس تفكيرهم مااااش يبي لهم فرمته....

يعني مجرد انك لقيت بلوتوثه شغال صارت التربية مش ولابد سبحااااااان الله....

اما الفراولة هاذي لحاله تصدقون عاد خالتي عمره فوق السبعين ومسميه نفسه الفراولة وجهازه دايم شغال بعدي والله خويلتي شكله ماربيت زين>>>>>>>>>>>>>>>>خخخخخخخخخخ

اعيدو النظر و صحصحو شوي يعني معقولة 62 نيك نيم طلع لك اسمائهم اسماء بنات يعني كلهم نيتهم مب زينه لا واللي يقهر اللي جالس لي يبحث بالنوايا وتدخل بشرف بنات الناس ....

مانقول الاحسبي الله عليكم ياشباب هالوقت انتم وافكاركم اللي مادري وين بتودي بنات هالناس !!!!!!!!!

.

.
احترامي وودي للجميع

[الذاهـبـة]

وحدة من خالاتي حولا ..

الله يذكرها بالخير ..

و بناتها من اللعانة حاطين اسمها في جوالها : (( أم العيون السود )) ..

[شمعة امل]

ههههههههههههههههههههههههههههههههههههه ياحبيلك يالذاهبة

اما ام العيون السود هاذي لحاله.........

[الذاهـبـة]

أحبك الله

عادي هماهم يصدقون أي شي ..

ترى يبتلون يتخيلون .. كااااااااااااااااك

[نــواف]

اقتباس:  المشاركة الأصلية كتبت بواسطة عجوز سمنسي     وش فيكم على البنات يعني التقنية محصورة في الشباب يعني؟ طيب فيه شباب يكتبون رومنسي ، دلعيني وادلعك ، وسيم بريدة ومن الاسماء اللي يبي يغري فيها البنات بل ان البعض يحط رقمة اسرع للاتصال يعني حلال عليكم وحرام عليهن؟ الرقابة الذاتية مطلوبة على الجميع والبنت اللي تقبل من شخص غريب او من رجل هي اللي تحتاج فرمتة تحياتي

[align=center]هلا والله بشايبنا ..
على فكرة.. عجوز هي تقال للرجل..؟
كلامك سليم مية بالمية.. وماعليه كلام
بس أكيد انك تؤيد ان خطأ البنت أشنع بمئات المرات من خطأ الرجل..
وليس يعني هذا إقرار لفعل الرجل
لأن الرجل خطؤه ظاهر وواضح من عقود.. وليس اليوم
وهو لم يشكل ظاهرة.. مثل (تحول البنت)
تحياتي لك[/align]

[نــواف]

اقتباس:  المشاركة الأصلية كتبت بواسطة الفنانه والمبدعه     اول شي يمكن الاسماء الانثويه الي ذكرتها اصحابها ذكور متنكرين بالاسماء هذي ثاني شي هناك اسباب واسباب تخلي البنت فاتحه البلوتوث خلينا نكون صرحين انا احب الصراحه فيه بنات من واقع حياتي فاتحات البلوتوث فقط تسلايه لا اكثر وفي بنات والله مدري عنهن بس اشوفهن بالحدايق او اي مكان متجمعات فقط شلة بنات والجوال او البلوتوث مفتوح اربع وعشرين ساعه وهن رافعات اصواتهن ضحك وكركره وفي بعد من واقع حياتي شباب اربع وعشرين ساعه فاتح البلوتوث للغرض نفسه لا طايحين الشباب يرسل اسمه او المعرف مع رقم جواله والغلط غلط من كل الجنسين

[align=center]هلا بالفنانة..
اضافتك حلوة وجميلة.. وتعطي رؤية للداخل عن المرأة
وليس صحيحا أن نقول: يمكن ولد (متنكر) ..
إذ يبقون موجودين.. لكن محدودين...
وفتح البلوتوث (تسلاية) على قولتك.. نار قد تحرق صاحبتها[/align]

اقتباس:  المشاركة الأصلية كتبت بواسطة الفنانه والمبدعه     نواف وش قصدك ان البنت خطئها اكبر؟

[align=center]هلا بك مرة ثانية فنانة
نعم خطأ البنت أكبر (بكثير) من الرجل..
حينما يفتضح أمر شاب (مثلا) في أمر مغازل أو علاقات مع بنات
فهذا أمر سينسى حال تقدمه للزواج..
بينما سيكون جريمة تمنع الزواج عن الفتاة...
كذلك من ناحية نفسية .. علاقة الفتاة بالشاب .. ثابتة وعلاقة الشاب بالفتاة متحولة
بمعنى أن الفتاة إذا ارتبطت بشاب.. صعب تنساه وقد يؤثر هذا عليها مستقبلا
كما أن (تطور) الأمور بين الشاب والفتاة (فسيولوجيا) قاتل لمستقبل الفتاة..[/align]

[نــواف]

اقتباس:  المشاركة الأصلية كتبت بواسطة الراى الاول     احد الاصدقاء عمل نفس الحركه بمكان اخر لكن اول اسم طلع الفراوله لكن يوم شاف من تحمل الجهاز واذا هى بلون السواد الداكن يعنى لاتتوقع من تكتب شى هى تحمل نفس صفاته والله يستر علينا وعلى محارمنا

[align=center]هلا أخوي الرأي الأول..
كلامك في محله .. حتى الشباب اللي يكتب لك (الوسيم)
وهو إذا شاف نفسه بالمراية... اخترع
ومع ذلك.. فيه بنات .. بنات..

في ذات السوق.. كان قدامي ثلاث بنات..
نقاب .. وعباءة تغري .. مع جسم مثير
وصادفت المرة الأولى ان اول اسماء ظهرت لي لهن وكنا بعيدين عن الناس
واللي (رفع) ضغطي.. انهن يتلفتن .. يمين يسار
يعني تشعر أن لاهدف لهن في هذا السوق...[/align]

[نــواف]

اقتباس:  المشاركة الأصلية كتبت بواسطة الطاحونة     عندما تسقط القوااااااااااامة يحصل هذا وأكثر...!! البنات يحبن لفت أنتباه الشباب والبنت تكاد تطير من الفرح عندما تلاحقها النظرات فهذه يعطيها شيئا من الثقة في جمالها حتى وإن كانت خلف جلبابها الأسود .

[align=center]صباح الخير اخوي الطاحونة..
اشكر مرورك هنا..
نعم، الفتاة غريزيا تحب لفت انتباه الرجل..
حتى لو من غير هدف..
لكن هذا لاينفي أن تكون حذرة.. وأن هذا الأمر قد يفتح لها أبواب مغلقة
ودراسة البي بي سي السابقة.. تؤكد أن الفتاة تتعرض (لتحرش)
وهذا بحد ذاته يجعل من الأمر (مشكلة)[/align]

[فديتك]

[align=center]

اقتباس:  المشاركة الأصلية كتبت بواسطة الذاهـبـة     وحدة من خالاتي حولا .. الله يذكرها بالخير .. و بناتها من اللعانة حاطين اسمها في جوالها : (( أم العيون السود )) ..

هههههههههههههههههههههههههههههههههههههههههههههههههه هههههههه

هذا اكبر دليل على ان الاسماء اكثرها للضحك والتسليه لاغير

ومثل ماقالت الذاهبه احسنو الظن واعطوهن الثقه وان شاء الله بيكونون قدها

اختكمـــــــــــــــ فديتك ...................[/align]

[رسمتك للبدر صوره]

[quote=عبدالاله 900;1279262]صراحة كلامك صحيح ويختلف من وحده لوحده
هذا وانت في بريده اجل لو انت في الرياض ؟؟؟؟؟

بتلاقي أسماء بتنهبل منها
(( أشحن سوا نطلع سوا ...)) ومن هذا القبيل

يعني هذي وش تنتظر






الصراحه سمعت هاللقب وماتوقعت انه يكون صحيح ومدام انه وصل للرياض الله يستر ومايوصل لنا مااقول إلاالله يستر على بناتنا وبنات المسلمين اجمعين ويحفظهن من كل شر
والله يعين على هالدنيا بخير
ومشكور اخوي على موضوعك وياليت بعض العوائل تنتبه لبناتها بالأشياء البسيطه لأنها مصدر الأشياء العظيمه

[صقرالجزيرة]

[align=center]

اقتباس:  المشاركة الأصلية كتبت بواسطة نــواف     لن أتحدث عن أشكال الفتيات.. ولا عن سحرهن الطاغي من خلف العباءة..

<<< دبدب... دبدب

صحيح صحيح سحرهن الطاغي من خلف العباءة ماادري من فوقها

لكن من تحتها لو تفتش لك وجهها شقيت الشعيب وانحشت من شينها

وهذولي بعضهن موب كلهن علشان بس لايزعلن علينا البنات ويقولن انت تعمم ان كلهن شينات

لكن يبقى الجمال جمال الروح يعني موب معناه خلاص اللي مهيب زينه ماله رب بل تبقى تاج على راس من الرؤوس

لكن سحرهن طاغي من خلف العبايات السبب هو العبايات نفسها ولاننسى الكحل

اقتباس:  المشاركة الأصلية كتبت بواسطة نــواف     ومايتبع ذلك من (آثار) نفسية سيئة علينا معشر الشباب..

اي والله ومايتبع ذلك من آثار سيئةعلينا معشر الشُـبّـان الفرسان

ومع ذلك اخوي نواف ترى حنا بنظر البنات غلطانين

والمفروض نسكت يعني مثل قولت حنا بنتكحل ونتطيب ونشغل بلوتوث وياويل احد يغازلنا والله خوش

واي واحد يتكلم مايلبث الا وقد ظهرت له تلك الفتاة المُهايطيةُ

وقامت تهايط عليه وترادده عن طريق هذا المنتدى والصرح العظيم<<< صح اللغة الفصحى

والله قهر صاروا الاشناب بتمرمطون بالمنتديات

المهم ننتقل الى الفقرة التالية

اقتباس:  المشاركة الأصلية كتبت بواسطة نــواف     ولأن الفاضي يعمل من نفسه بعض الأحيان .. قاضيا..

ماادري اللي فهمته انك رايح لجيان بس كذا تضيع وقت

حنا نعيّب على البنات اللي لاذبحهم الفراغ اطمروا لاقرب سوق

واثره حتى الاشناب نفس الشي<<< ترى بس علشان لاتقول وحده انت ظالم البنات ولاتعيب على الشباب

بصراحة جميل انك تقضي وقت الفراغ بين رفوف مليئة بالقشطة والعسل ولاننسى الشوكلاته وثلاجات مليئة بالايسكريم

لكن مادام فيه غير الرفوف فيه بنات متكحلات

احسن للواحد يعشق الراحة ويفرفر بمكان مافيه ذا المتكحلات والمبرقعات ولاننسى المفرقعات <<< تنكت انت ووجهك

ومثل ماتقول يتبع ذلك اثار سيئة على الشباب فـ وش اللي حادك تعمل قاضي في سوق؟!

المثل يقول ابعد عن العيب ذراع ونم

اقتباس:  المشاركة الأصلية كتبت بواسطة نــواف     قررت أن أقوم بعملية بحث في البلوتوث..

بيني وبينك وانا اخوك ماذبحنا الا مثل ذا القرارات

اقتباس:  المشاركة الأصلية كتبت بواسطة نــواف     فوجئت أن الجهاز يتعرف على أجهزة بسرعة مذهلة..

لا وانا اخوك لاتتفاجأ طبيعي هذا الشي

اقتباس:  المشاركة الأصلية كتبت بواسطة نــواف     ولن أتفلسف في استعراض الأسماء التي اختارها أصحابها...

عارفين وانا اخوك من دون ماتتفلسف الله يرحم الحال بس

اقتباس:  المشاركة الأصلية كتبت بواسطة نــواف     .. وهالني كما سيهولكم أنها بلغت 63 اسما...!!!!...

انا بالنسبة لي ماهالني

اقتباس:  المشاركة الأصلية كتبت بواسطة نــواف     (الرومانسية، صعبة المنال، دلوعة أبوها، بنت أبوها، شقردية، مستانسة، ست الحسن....... الخ)

قال شقردية قال

والله انتس من جنبها الشقردية بوادي وانتِ بوادي

شقردية وهي مشغلتن لي البلوتوث وقاعدتن تهجول بالسوق

بس لا ماندري يمكن انه ناسيتن البلوتوث مثل ماقالت اختنا في الله الذاهبة

عموما هي ادرى بنفسه يمكن صدق شقردية <<< ماظنيت ياصقرالجزيرة

ولاهيب تهجول بس جايه تشري قطع دجاج للعشى وبطريقه تستقبل كم من رسالة بلوتوث

ولعله لايخفاك ان بعض اصحاب هذه البلوتوثات هم رجال اشنابهم تحك

اقتباس:  المشاركة الأصلية كتبت بواسطة نــواف     ست الحسن

ايه هيّن الحتسي زين هماه ببلاش

اقتباس:  المشاركة الأصلية كتبت بواسطة نــواف     السؤال الذي أثارني... لماذا تجعل الفتاة البلوتوث في وضع التشغيل..؟ ولماذا تختار معرفات أنثوية..؟...

يبدو لي سبقك بها عكاشة

السؤال سُدح في هذا المنتدى من قبل وجاوب ناس

وهايط ناس وفوشر اُناس اخرين

لكن الاسباب تكاد لاتُحصر يعني خذ عندك كم سبب مني

السبب الاول يمكن وحده جواله مِقطع يبي شحن <<< اللهم لاشماته ياالله لاتبلانا

السبب الثاني يمكن وحده تبي مقطع تضحك عليه وتوسع صدره بس للاسف ماتدري انه يمكن يكون مقطع سبب في تعاستها طول عمرها

السبب الثالث يمكن وحده ماسكتن معه تشغل البلوتوث

او انه متعوده بلوتوثه مشغلته من يوم فكّت الجهاز من كرتونه بس انا ودي ادري هذي كم مرّه تشحن جواله خلال اسبوع

السبب الرابع انه يمكن مثل ماقالت الذاهبه ناسيته الله يصلحه عقب يوم ترسل له بنت عمّه

والاسباب كثيرة لايمكن حصرها والمقاصد تختلف ولانبي نزّعل احد

ومانقول الا الله لايعاقبنا ولايبلانا ويستر علينا ومحارمنا وجميع المسلمين

اقتباس:  المشاركة الأصلية كتبت بواسطة نــواف     وإن كان معروفا و(مقبولا) عرفا وعقلا.. أن يبحث الولد عن البنت.. ويشهر بذلك اسمه بمثل هذه الوسيلة... فعن ماذا تبحث الفتاة...!!؟

تبحث عن احد الاسباب السابقة الذكر او غيرها ذكرت بعضها الردود السابقة

ولعل البنات عندهن اجابات يشلّخن علينا بهن ويلحسن مخّـنا او يمكن يكون شي صحيح كلامهن

اقتباس:  المشاركة الأصلية كتبت بواسطة نــواف     سؤالي للأخوات خصوصا.. لماذا تجعلين بلوتوثك في وضع التشغيل..؟ وبكل صراحة ماذا (تنتظرين) من المرسل..؟

هاه جاوبوا يااخوات بس هاااه بدون شلخ ترى مامعنا شلخ مااتـفـقـنا

لا عاد لاتعصبن ترى ندري انكن موب من الشرذمة اللي يتكلم عنهن الاخ نواف نحسبكن والله حسيبكن

اقتباس:  المشاركة الأصلية كتبت بواسطة نــواف     والأهم من ذلك.. إن كنتي قد (استقبلتي) من أحدهم ملفا ما... مانوعية هذه الملفات...؟؟

تبي اجابتي؟

مع ان السؤال موجه للبنات بس عاد وش اسوي لازم احشره ماصبر عن اللقافة

اجابتي ياطويل العمر وحسب معلوماتي ببعض الشباب الجحلّط الله لايبلانا

ان الرسالة راح تكون ملاحظات من واحد فاتحن كشرته ايقالّه مملوح وكاتبن ممكن نتعرف

الله لايبلانا بس احيانا يكون معذور بعض الشي لان يمكن انه شايفن برقع وكحل لاسمح الله على ست الحسن الله لايبلانا وجميع المسلمين

عموما بالنهاية انا اللي مستغرب منه شي واحد

وش عنده عجوز سمنسي ذا المرّة فازعن مع البنيّات

بالعادة مثل ذا المواضيع يستانس ومايفوتهن وخذ لوم على البنات بس ماقول الا سبحان مغيّر الاحوال

الله يهديك بس ياعجوز هو صدق المفروض بعد نلوم الشباب ليش يشغلون البلوتوثات

بس مايقارن الاثار السلبية اللي تصيب الشباب من تشغيل البلوتوث بالاثار اللي تصيب البنات

واعذرني ياعجوز اذا كنت غلطت عليك

عموما بالختام لعل لبعض الناس صولات وجولات بمثل ذا المواضيع

بس غريبة للحين ماشفتهم طبّوا

ولعل الجميع يعرفون المقصود ولايسالني احد منهم

المهم رجائي للجميع انهم مايزعلون من كلامي بس وش اسوي قاهرتن بعض الاشياء اللي يسونهن البنات ومع ذلك يقولون ماغلطنا

وياجماعة وخصوصا البنات ناقشوا الموضوع بدون هواش وهياط وغلط كالعادة

ونصيحتي لكل الشباب العزّاب ومن ضمنهم انا

لاتروحون للاسواق الا للضرورة القصوى علشان ماتطلعون منهن وانتم تثولثون

ترى البنات موب حاسّات بكم اذا انهبلتوا ولاراح تضيق صدورهن ماقاعدن به الا انتم

واعتذر على كثر الهمق وبيني وبينكم انا حاس انه بتقبع هوشه بـ ذا الموضوع كالعادة بكل المواضيع المشابهه


مُـتابِـعُه...


صقرالجزيرة,,,[/align]

[نــواف]

اقتباس:  المشاركة الأصلية كتبت بواسطة الذاهـبـة     يمكن ناسيته مفتوح .. و راحت للسوق .. وش المشكلة طيب ؟! ياناس حرام عليكم خفوا شوي .. ما اعتقد أنها قضية ( لما تحصل جهاز مفتوح بلوتوثه ) وين التهمة ؟! لو طحت بها متلبسة ( ترسل ملفات اباحية .. أو تستقبل ملفات ذات مدلول اباحي ، أو تتلقى بلوتوثات متوالية بلا مبالاة .. ) ذاك الوقت ممكن تستغرب و تقول : ليه البنت تسوي كذا ؟ وين راح الحياء .. ! لكن : مجرد سويت سيرش و لقيت اسمها متواجد .. خلاص تسجب و تستنكر !! يا أخوتي : كبيرة الزنا .. لا يقام الحد عليهم إلا بثوابت منها : شهادة 2 شايفين العملية كلها .. ويشهدون عليها هذا و هو كبيرة من الكبائر .. فمن باب أولى التغاضي عن صغائر الأمور .. ترى .. و الله العظيم .. ما فسدت أخلاق بعض البنات .. إلا من جراء هذا التفكير و التحجير و التقليق .. * من قلق * اعطوا البنات قليل احترام و ثقة .. و متنفس صحي .. عشان يعطونكم أهلية لهذه الثقة .. و حشمة و عفة .. هذا و صلى الله و سلم على خاتم النبيين سيدنا محمد و على آله و صحبه أجمعين .

[align=center]اهلا بالقديرة الذاهبة..
ردك حلو.. رغم انه غير ممنطق (منطقي) ..
وكنت اتمنى انك مريتي على خبر الBBC في الموضوع
تشوفين أن القضية تستاهل.. وتستاهل..!!
خلينا نفترض براءة الجزء الكبير منهن...
طيب هالبراءة .. والسذاجة.. مايمكن يتبعها (فضول)..؟؟
وتعلمين ماذا سيتبع هذا الفضول.. فيما لو كان التحرش (جنسي)...؟
المسألة أو (القضية) على قولتك..
ليست بسيطة بالقدر التي نجعل منها (نسيان.. أو حرية شخصية)
وكنت أتمنى أن عبارتك الأخيرة تكون فعلا واقعة..
وأنا متأكد أن بناتنا لم يصلن إلى ماوصلن إليه إلا لقلة الاهتمام
أو لانعدامه ... بالأحرى...
تحياتي لك ..[/align]

[نــواف]

اقتباس:  المشاركة الأصلية كتبت بواسطة شمعة امل     انا لي اربع سنين شاريه جهاز فيه بلوتوث ولاعمري سكرته ابد واكره مااشوف اني اجلس استقبل وارسل بلوتوثات مو كل وحده تلقاه اثناء البحث موجوده يعني انه ناوية نيه مو زينه هذا وانت ماارسلت ولاشي حكمت هالحكم والله يابعض الناس تفكيرهم مااااش يبي لهم فرمته.... يعني مجرد انك لقيت بلوتوثه شغال صارت التربية مش ولابد سبحااااااان الله.... اما الفراولة هاذي لحاله تصدقون عاد خالتي عمره فوق السبعين ومسميه نفسه الفراولة وجهازه دايم شغال بعدي والله خويلتي شكله ماربيت زين>>>>>>>>>>>>>>>>خخخخخخخخخخ اعيدو النظر و صحصحو شوي يعني معقولة 62 نيك نيم طلع لك اسمائهم اسماء بنات يعني كلهم نيتهم مب زينه لا واللي يقهر اللي جالس لي يبحث بالنوايا وتدخل بشرف بنات الناس .... مانقول الاحسبي الله عليكم ياشباب هالوقت انتم وافكاركم اللي مادري وين بتودي بنات هالناس !!!!!!!!! . . احترامي وودي للجميع

[align=center]اهلا بشمعة الأمل..
نعم (مو كل وحده تلقاه اثناء البحث موجوده يعني انه ناوية نيه مو زينه) ..
بس فيه (وحدات) فاتحات .. لذات النية اللي مو زينة..
وعلى فكرة ...
فيه برامج تستخدم من خلال جهاز الكمبيوتر..
ترسل رسائل دون موافقة الطرف الثاني... وصارت معي كثير
والحمدلله ان اللي موظفينها من أهل الخير...

وخالتك.. شكلها (مقهورة) من الشباب..
عشان كذا .. قاعدة (تسحب ) فيهم..

وأكيد... أكيد... أكيد..
أنه لايمكن أن (نعمم) على كل وحده فاتحه بلوتوثه أنها............
لكن الظاهرة أن يكون من بين 104 اسم .. أكثر من 63 نسائي..!!
تحتاج تأمل.. ونظر

شكرا لمرورك[/align]