أوكي .. شفافيه وبساط احمدي ..

[سهود™ ومهود®]

من دميجتي للكي بورد دايركت لا قلم ولاطرس ولاحبر ولامحبره .. عفويه تامه وشفافيه

في الطرح ..

نختصر .. حال المنتديات أو بالأصح من هم في المنتديات .. أداره مشرفين أعضاء ..

الخ ..

طبعا بعض السلبيات .. ولا الإيجابيات موجوده .. طبعا على الكثير الكثير من منتدياتنا

المحليه .. مو منتدانا او منتدى بعينه .. بما أني جديد طبعا بمنتداكم الرائع ..

المهم ..

@ لما رجل ما يكتب موضوع بأبداعه وفكره ويتعب على ذلك .. لم ينقله لا .. وتجي

الردود .. مابين ..شخص لــ شخص ونصف .. وكلها اما مجامله او فضاوه او عشان

يزود عدد ردوده عشان يوصل 50 ويقدر يسوي أهداء بالشريط .. أو ...... تدرون

بلاشي .. المشكله مافهم الموضوع ولا قرأه أصلا ً .. أوكي نجي من طريق

آخر ..

@ شوف .. الرد على بعض المواضيع ( خل نأخذ الموضوع من زاويه أخرى ) ..

اكثرهم لايناقش .. لايبدي رأيه .. لايحاول فهم الموضوع .. أوأبراز مايحتاج لنقاش

فيه .. او نقده .. اواظهارأ خطأ فيه

@ مشرفة قسم الطبخ تنقل موضوع .. عن .. طريقة حفر برميل المندي وصنعه ..

ويرد عليها 60 شاب .. الواحد منهم مايعرف يسوي ولا شاهي ..

طيب طيب طيب .. لحظه .. الو الو الو ..

-------> ولد يقوله أبوه روح جيب لنا .. خبز بريالين + جبن كيري سايل ..

ويقول لا .. ليش .. الأخ الفاضل بعد ماخلص من غرف الدردشه .. بينزل موضوع

مهم وجالس يبحث عن معلومات وصور .. طبعا موضوعه .. السيره الذاتيه لــ مايكل

جاكسون .. ليته مسوي لو لعزازي .. كان اهون شوي ..

--------> بنت تقولها أمها (اليسا) تجهزي نبغى نروح نزور خالتك (أصاله)

بالمستشفى .. (والده قيصريه) طبعا المولود الجديد سموه .. (بطرس) .. المهم تقول

لا .. ليش طيب .. والله مشغوله .. بأيش طيب .. برضو بعد غرف الدردشه ..

جالسه تبحث صور ومعلومات .. تبي تنزل موضوع عن أيش .. عن .. آخر موضات

الأحذيه(الجزمات) .. الأيطاليه .. مو مشكله يعني عادي .. بس اول صوره نزلتها ..

فتاة شايله بأيدها جزمه عزكم الله .. لونها اركوازي .. ومقربتها للشفايف .. خنت

حيلي .. على قولة الكويتين ..

طيب اوكي .. تصدقون عاد طلعت هالبنت أخت خوينا راعي مايكل .. وابوهم راعي

جبن كيري ..يازين الصدف بعض المرات .. من جد صدفه خير من 20 ميعاد ..

المهم العجوز وشايبه فطورهم صار خبز تنور له يومين عندهم وحموه بالمكرويف

وافطرو..

أوكي .. خل نأخذ 3 أرقام ..

1_ مشرفة قسم أسلامي توقيعها عباره عن صورة فتاة ........... مالها داعي اكمل

+ ريل بلير للفنان فيصل علوي .. يعني حشفا ً وسوء كيلا ..

يعني بالعاميه .. ( ماتعرف ولاتستاثم )

2_قصيده منزلها واحد أهداء لــ ........ عاد رايح يركض لها بالماسنجر .. يقول

روحي المنتدى قسم الشعر منزلك أهداء قصيده ناقلها من موقع .. المشكله .. طلعت

القصيده هجاء .. عاد الي يبط الجبد بطا ً ( متأثر بالكويت صح ) أنه تقول ثانكس على

الأهداء .. ذابحهم الحب ..

ماعلينا .. المشكله تدرون وش هي .. كل هالكلام فاشل ولا له أساس من الصحه ..

المشكله لا جاء واحد شرواي .. شرواكم الطيب .. يتفلسف .. وكل الي معارضه

بالكلام السابق .. هو نفسه يسويه ..

عاد انا سألت نفسي وقالت .. أنت من وين جاي من عطارد او زحل .. أنت نتاج

مجتمع .. يعني لازم تصير مثلهم أو تصير شاذ منبوذ .. عاد انا قلت مع الخيل

ياشقراء .. واظنه هي خشم الصواب ..

كثــــــــــــــــــــــــــــير والله بدميجتي .. بس عاد تعبت وانا اكتب وجاني النوم ..

ماقول غير ياشماتت آآآبله طازه فينا ..

شفتو حالة هذا -----> حاله مثل حالة شيء ما ..


دمتم سالمين .. سهود™ ومهود® ..!

[هين هين]

سهود ومهود

وضح الخط توي قايم من النوم والعيون مجحمه

راجعلك

تحياتي

[عاشق ديرتي بريده]

سهود موضوعك اكثر من رائع

لانه صعب احد يقراه وش اللون اللي انت مختاره

[رحّــال]

حلو اسلوب طرحك لموضوعك

واللي ذكرته موجود لكن ما يعم , وكل شي فيه الزين والشين ولكن يبقى على الشخص انه يختار مع مين يكون .......... مع الخيل ياشقرا والا .......

[العبد الأشقر]

كلامك سليم أخوي..

لكن لا يعمم أليس كذلك..؟؟

[Queen of buraydh]

اخي الكريم اهلاً وسهلاً فيك بمنتدانا ..

الله لا يعمينا ,, عميتنا بهاللون الله يصلحك ..

اتفق معك ان السلبيات المذكوره اعلاه متواجده بأغلب منتداياتنا .. لكن ! اعارضك انها مووجوده في منتدانا ..
بتكلم عن بعض النقاط اللي ذكرتها ..

اقتباس: @ لما رجل ما يكتب موضوع بأبداعه وفكره ويتعب على ذلك .. لم ينقله لا .. وتجي الردود .. مابين ..شخص لــ شخص ونصف .. وكلها اما مجامله او فضاوه او عشان

يوجد هذا النوع لكن ايضاً يوجد من يقرأ ويناقش هنا ..

اقتباس: @ مشرفة قسم الطبخ تنقل موضوع .. عن .. طريقة حفر برميل المندي وصنعه .. ويرد عليها 60 شاب .. الواحد منهم مايعرف يسوي ولا شاهي ..

مبالغه ! ان رد شاب رد واحد او اثنين والبقيه نساء ..!

اقتباس: 1_ مشرفة قسم أسلامي توقيعها عباره عن صورة فتاة ........... مالها داعي اكمل

هذا الشي مو مووجود عندنا ولله الحمد وحتى العضوات ممنوع انا نحط صور مُخله ..

[ابوسليمان22]

طيب وش رايك بالي يحط صورته بالمعرف أو يحط ايميله بالتوقيع.

[سهود™ ومهود®]

هين .. عاشق ..لاهنتو .. .. رحال .. العبد .. شقراء ذلول تتبع الخيل ..

غصب نمتطيها .. وأعتقد قلت بأكثر المنتديات .. وقلت بعض السلبيات .. وقلت فيه

ايجابيات .. حابكها لاتخاف .. هاهاي

مشرفة قسم الأسره .. نظرتك على انه هالمنتدى المقصود .. لا .. بس يطوله من

الحب جانب .. حلو نقاشك ..

ابو سليمان .. (طيب وش رايك بالي يحط صورته بالمعرف أو يحط ايميله بالتوقيع)

أيميله .. يبي يتعرف على بنات..(يقول انه من الارض مو من عطارد).. واحيانا

رجال .. شرواك .. ومن يقرأ ..

والصوره بالمعرف على قولتك .. سألته .. قال .. بطاقة الأحوال ماتوضح ولا كان

صورتها وحطيتها ..

.. لاهنت ابو سليمان .. مرسي

اوي أوي مروركم جميعا .. ولاهنتو